Послалъ Господь Еху-пророка къ царю Ваасе. О смерти Ваасине, по немъже царствовалъ ест Геляй, сынъ его, и того убилъ Замрий. Потом царствовал Амрий, и по нем Ахавъ, иже ставил Ерихон.
1 Бысть слово Господьне къ Еху, сыну Ананіину, на царя Ваасу глаголя:
2 «Азъ вознесохъ тя от персти и учинихъ тя царемъ надъ людми моими, Ізраилемъ; ты пакъ ходилъ еси по путехъ Еровоамовыхъ и увелъ еси въ грехи людей моихъ, Ізраиля, прогневати Мя въ гресехъ ихъ.
3 Се, Азъ скажу остальцевъ твоихъи учиню дому твоему, яко дому Еровоамову, сына Навафова.
4 Кто умреть во граде от роду Ваасова, снедять того пси, и кто умреть от него на поли, снедять того птици небесныи».a
5 Иные пакъ речи и дела царя Ваасы и бои его пописаны суть во книгах, иже словуть «О часехъ царей Ізраилевыхъ».
6 И умре Вааса, и погребен ест съ отци своими во граде Терсе. И царствовал по немъ Геляй, сынъ его.
7 И егда бысть слово Господьне къ Еху, сыну Анании-пророка, на царя Ваасу и на дом его, и на все злое, еже чинилъ естъ предъ Господем Богомъ, попужая его къ гневу делы рукъ своихъ, абы сталося ему, яко и дому Еровоамову, и для тое речи забилъ его царь, то естъ пророка Божия Еху, сына Ананиина.
8 Лета двадесеть шестаго Ассы, царя Іюдина, нача царствовати Геляй, сынъ Ваасинъ, надъ людми Ізраилевыми въ Терсе две лете.
9 И супротивился ему слуга его Замврий, воевода надъ половиною конникъ его. Былъ убо естъ в той час царь Геляй ядяй и пияй, и упился в дому Арсине, старосты града Терсы;
10 тогда Замъврий, въскочивши в домъ и забил его лета двадесет осмаго Ассы, царя Іюдина, и сяде самъ на царстве въместо его.
11 И внегда царствовалъ и седелъ на престоле его, погубилъ все племя Ваасино и не оставилъ от нихъ ани немощного и приятелевъ и ближних его.
12 И выкоренилъ естъ Замврий весь родъ Ваасинъ по глаголу Господьню,b еже глагола къ Ваасе рукою Ехы, пророка Божия,
13 грехъ ради Ваасиныхъ и грехъ ради Геляевыхъ, сына его, имиже согрешили суть и въ грехи привели людей Ізраилевых, прогневающе Господа, Бога Ізраилева, делы своими.
14 Иныи пакъ речи и дела, еже чинилъ естъ царь Геляй, пописаны суть во «Книгахъ дней царей Ізраиевыхь».
15 Лета двадесеть осмаго Ассы, царя Іюдина, царствовал ест Замврий въ Терсе седмъ дней; войско же Ізраилево облягло было в той часъ Еветонъ, градъ Филистымский.
16 И егда доведалися того людие Ізраилевы, сущи в войще, иже Замврий супротивился царю и забилъ ест его, поставили собе за царя вси Амрию, онже былъ ест воеводою надъ войскомъ Ізраилевымъ, в той день у войще.
17 Тогда иде Амрий, и вси людие Ізраилевы с нимъ, от града Еветона, и облягли суть градъ Терсу.
18 Видя же сее царь Замврий, яко имать градъ Терса добытъ быти, втече до двору царева, и созже себе самъ з дворомъ царевым, и умре
19 въ гресехъ своихъ, еже чинилъ противу Господу Богу, ходя по путехъ Еровоамовых и во гресех его, имиже научилъ грешити людей Ізраилевыхъ.
20 Иные же речи Замвриины, о льстехъ его и о мучительствахъ, се, написано ест во книгах, еже суть «О царехъ Ізраилевых».
21 В той часъ розделишеся людие Ізраилевы на две части: едина часть приступила къ Тевнии, сыну Енетову, абы взяли собе его за царя, другая же часть естъ приступила ко Амрии.
22 И одолеша людие, иже беша подъ Амриею, над тыми людьми, иже быша под Тевниемъ, сыномъ Енетовым. И умре Тевний, и царствовалъ естъ Амрий.
23 Лета тридесеть и единого Ассы, царя Іюдина, царствова Амрий надъ людьми Ізраилевыми дванадесятъ летъ; въ Терсе царствовалъ шесть летъ.
24 И купилъ естъ гору Самарейскую от Сомера за два талантыc сребра, и поставил градъ на ней, и прозвалъ имя граду тому, иже бе поставил, именем Сомеровымъ, господина горы Самарейское.
25 И чинилъ естъ Амрий злые дела предъ лицемъ Божиимъ, и делалъ естъ горее всехъ иныхъ, еже были пред нимъ;
26 и ходилъ по всех путехъ Еровоамовыхъ, сына Навафова, и во гресехъ его, имиже научилъ грешити людей Ізраилевыхъ, абы разгневили Господа, Бога Ізраилева, безакониами своими.
27 Останокъ же словъ Амрииныхъ и военъ его, еже воеваше, се, пописаны суть во «Книгахъ царей Израилевыхъ».
28 И умре царь Амрий съ отци своими, и погребенъ естъ въ Самарии, по нем же царствова Ахавъ, сынъ его.
29 Ахавъ пакъ, сынъ Амриинъ, нача царствовати надъ людми Ізраилевыми лета тридесять осмого Ассы, царя Іюдина; и царствовалъ естъ Ахавъ надъ Ізраилемъ въ Самарии двадцеть и две лете.
30 И чинилъ естъ Ахавъ, сынъ Амриинъ, злыи речи предъ лицемъ Господьнимъ паче всехъ иныхъ, иже беша пред нимъ.
31 И не имел досыть на томъ, иже ходилъ естъ во гресехъ Еровоамовых, сына Навафова, но еще над то понялъ собе за жену Езавель, дщеру Махавалеву, царя Сидоньскаго, и шедъ и послужи кумиру Ваалю и поклонися ему.
32 И вделалъ требникъ Ваалеви въ храме Ваалеве,d егоже поставилъ былъ въ Самарии;
33 и насадилъ гай к нечистоте, и приложи Ахавъ делы своими злыми более прогневати Господа, Бога Ізраилева, нежели вси иныи предкове его, цари Ізраилевы.
34 Во днехъ царства его Ахииль от Вефиля поставилъ паки Ерихонъ. И егда закладал градъ, умре первороженый сынъ его Авирам, и внегда искончевал врата, умре останочный сынъ его Сегувъ — по словеси Господьню, еже глагола рукою Исуса, сына Наввина.e
a Ad marginem: Выше, 14[:11]; Ниже, 21[:24].
b 4 Царстваў, 9[:9].
c Аd marginem: цетнери.
d 4 Царстваў, 10[:18].
e Ісуса, сына Нава, 6[:25].
Знайшлі памылку ў тэксце? Вылучыце яе і націсніце:
Ctrl + Enter
Третии Царствъ, 16 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.