Господь Богъ вдругое явился Саломонови и молвилъ с ним. Царь Саломон даровал Гирама, царя Тирскаго. О градехъ, еже ставил ест царь Саломон. И посылал корабль за море со слугами Гирамовыми по злато.
1 aБысть же, внегда скончалъ Саломонъ ставити храмъ Господень и домъ царский, и все, еже восхоте и пожада, съверши,
2 явился ему Господь вдругое, якоже и первей, въ Гаваоне.
3 И рече Господь к нему: «Слышахъ гласъ молитвы твоеа и просбы твоея, еюже молился еси предо Мною, и освятих храмъ той, иже поставил есь, абы было имя Мое в нем во веки, и пребудет сердце Мое ту и очи Моя по вся дни.
4 И ты, будеши ли ходити предо Мною, якоже ходил ест отець твой, во правости и во простости серца, и будеши ли чинити вся, еже заповедахъ тобе, и суды Моя, и приказания Моя будеши ли хранити,
5 то утвержу Азъ престолъ царьства твоего надъ людьми Ізраилевыми во веки, якоже слюбих Давыду, отцу твоему, глаголя: “Не от[ъ]имется мужъ от роду твоего съ престола царскаго”.
6 Пакли же отвратитеся вы и сынове ваши, и не будете наследовати Мене, и ни сохраните заповедей Моихъ и оправданией Моихъ, еже заповедахъ вамъ, но уклонитеся, и пойдете, и поработаете, и поклонитеся богомъ чуждимъ,
7 то выжену людей Ізраилевыхъ из земли, юже дахъ имъ, и храмъ сей, иже посвятихъ имени Моему, завергу от лица своего; и будуть людие Ізраилевы въ присловие и въ притчу всемъ народомъ.
8 И храмъ сей будеть на прикладъ всемъ, тако иже каждый, кто пойдеть мимо его, возбоится, и улякнется, и похвищеть, глаголя: “И прочто такъ учинил ест Господь Богъ земли сей и храму сему?”b
9 И возвестять ему, глаголюще: “Понеже опустили суть Господа, Бога своего, иже изведе отцевъ их из Египта, и наследовали богов чужих, и кланялися им, и чтили их. Сего для наведе на них Господь Богъ все злое сее”».
10 cИ бысть по двадцети летехъ, внегда скончалъ Саломонъ оба домы, то естъ храмъ Господень и домъ царевъ,
11 Гираму, царю Тирску, додавающу ему древа кедрова и елова и злата ко всему, к чемужъ потреба была, тогда царь Саломонъ далъ естъ Гирамови двадцеть градовъ в земли Галилейской.
12 И изыде Гирамъ от Тира, абы виделъ тыи грады, еже дал былъ ему Саломонъ, и не полюбилися ему,
13 и рече: «Тое ли суть тыи грады, еже ми еси далъ, брате?» И прозвалъ е Земля Хавульd a даже и до днешнего дня.
14 И послалъ естъ царь Гирамъ Саломонови сто и двадцеть талантъe злата.
15 Сии суть теже дани, иже выдавалъ Саломон на сооружение храму Божия, и дому царева, и перекопу, иже слылъ естъ Мелон, и стены около Ерусалима, и града Езера, и Маедона, и Газера.
16 Фараонъ убо, царь Египетъский, пришолъ былъ и добылъ града Газера, и выпалилъ и, и людей Хананейскихъ, ониже живяше во граде томъ, погубилъ, и далъ естъ градъ той за вено дщере своей, юже былъ дал в жену Саломонови.
17 И сооружилъ былъ паки той градъ царь Саломон, Газеръ, и к тому Веф-Иронъ низший,
18 и Валаахъ, и Пальмирум в земли пустой,f
19 и вси иные места, еже к ним прилежали суть и были неогражены, оградил е; и наделалъ теже градовъ конемъ своимъ и возомъ своим. И все, еже любилося царю Саломону, ставилъ естъ въ Ерусалиме, и на горе Ливанской, и во всей земли царства своего.
20 Людие же Аморейскии и Ефейскии, Феризейскии, и Евейскии, и Евузейскии, ониже не суть от сыновъ Ізраилевых,
21 ихъ теже не могли выгубити сынове Ізраилевы от среды себе, протожъ сынове тыхъ народовъ, иже были остали, дани давали суть царю Саломону даже до того дня.
22 От сыновъ же Ізраилевыхъ не учинилъ естъ Саломонъ ни единаго роботягомъ, но были суть мужи военнии и дворяне его, и князи, и воеводы, и врядники, и справце надъ возы и надъ конми.
23 И было естъ урядниковъ, ониже были сут надъ иными у двора Саломонова, пятьсотъ и пятьдесят, иже имели иных людей под собою; и единый каждый подле своего уряду росказывал.
24 Дщера пакъ царя фараонова перенеслася естъ из града Давыдова до дому своего, иже былъ ей уделал Саломонъ. В той же часъ доконалъ царь перекопа Мелонъ.
25 И приносяше Саломонъ трикрать на каждый годъ всясозжения и жертвы мирныи на требнице, иже былъ уделалъ Господу Богу, и кадилъ фимианомъ добровоннымъ предъ Господемъ Богомъ. И съвершися храмъ.
26 Корабль теже великий уделалъ былъ царь Саломонъ во Асион-Авере, еже естъ подле Гаилома, на брегу моря Чермнаго, в земли Ідумейской.
27 И послалъ естъ Гирамъ, царь Тирский, слуги своя на корабли том, мужи разумныя и умеющая плавати по морю, со отроки царя Саломоновыми до земли Офирское.
28 Они же внегда приплавилися до Офира, взяли оттоле злата четыриста талантъ и двадъцеть талантъg и привезли суть е къ царю Саломону въ Ерусалимъ.
a 2 Параліпаменан, 7[:11].
b Другі Закон, 29[:24-27]; Ераміі, 22[:8-9].
c 2 Параліпаменан, 8.
d Аd marginem: нелюбая.
e Аd marginem: цетнерей.
f 2 Параліпаменан, 8[:4-6].
g Аd marginem: цетнерей.
Знайшлі памылку ў тэксце? Вылучыце яе і націсніце:
Ctrl + Enter
Третии Царствъ, 9 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.