Лукаша 3 разьдзел

 

 

У пятнаццаты год панавання цэзара Тыберыя, калі Понцій Пілат быў намеснікам Юдэі, а Ірад быў тэтрархам Галілеі, Філіп, брат ягоны, тэтрархам Ітурэі і Траханіцкай зямлі, а Лізанія тэтрархам Абілены,

 

У пятнаццаты ж год гаспадараньня Тыбэрыя кесара (і) гаспадаруючага Понція Пілата (у) Юдэі, і зьяўляючагася чацьвертаўладнікам Галілеі — Гірада, Піліпа ж, брата ягонага — зьяўляючагася чацьвертаўладнікам Ітурэі і Траханіцкай краіны, і Лісанія зьяўляючагася чацьвертаўладнікам (у) Абілінэі;

пры першасвятарах Анне і Каяфе, было скіравана слова Божае да Яна, сына Захарыі, у пустыні.

 

пры архірэях Ганьне і Каяхве было Слова Божае да Яана, Захаравага сына, у пустэльні.

Ён прайшоў усе ваколіцы Ярдана, абвяшчаючы хрост пакаяння дзеля адпушчэння грахоў,

 

І (ён) прайшоў па ўсёй ваколіцы Ярдану, абвяшчаючы хрышчэньне пакаяньня дзеля дараваньня грахоў,

як напісана ў кнізе слоў прарока Ісаі: «Голас таго, хто кліча ў пустыні:“Падрыхтуйце дарогу Пану,простымі рабіце сцежкі Яму!

 

як напісана ў кнізе слоў Гісаі прарока, які кажа: голас крычачага ў пустэльні: прыгатуйце шлях Госпада, простымі зрабіце сьцежкі Яму;

Кожная даліна ўзвысіцца,кожная гара і пагорак панізяцца,і выбоістыя дарогі стануць раўнінай,а ланцугі гор — далінаю.

 

кожны дол няхай напоўніцца, і кожная гара і ўзгорак няхай панізіцца, і крывулі стануць простымі, і няроўныя дарогі (стануць) гладкімі;

І ўбачыць кожнае целаБожае збаўленне”».

 

і ўбачыць кожнае цела збаўленьне Божае.

Ён казаў натоўпам, якія прыходзілі да яго хрысціцца: «Племя змяінае, хто навучыў вас уцякаць ад будучага гневу?

 

І вось казаў (ён) людзям, якія прыходзілі хрысьціцца ад яго: спародзьзе яхідзінавае! хто нахіліў вас уцякаць ад надыходзячага гневу?

Прынясіце ж годны плён пакаяння і не думайце казаць сабе: “Маем Абрагама за бацьку”; бо кажу вам, што Бог можа з камянёў гэтых абудзіць дзяцей Абрагаму.

 

Зрабіце ж плады годныя пакаяньня, і ня думайце гаварыць самі сабе: ба́цьку маем Абрагама, бо кажу вам, што Бог можа з каменьняў гэтых стварыць дзяцей Абрагаму.

Ужо і сякера прыкладзена да карэння дрэў. Таму кожнае дрэва, якое не дае добрага плоду, будзе ссечана і кінута ў агонь».

 

Бо ўжо і сякера каля караня дрэваў ляжыць; усякае дрэва, якое плоду добрага ня прыносіць, сьсякаецца й кіда́ецца ў вагонь.

І пыталіся ў яго людзі, кажучы: «Што мы павінны рабіць?»

 

І пыталіся ў яго людзі, кажучы: што ж (нам) рабіць?

Ён казаў ім у адказ: «Хто мае дзве вопраткі, няхай аддасць таму, хто не мае, і хто мае ежу, няхай зробіць тое самае».

 

Адказаўшы ж (ён) ім гаворыць: хто мае дзьве адзежыны, той няхай дасьць таму, хто ня мае, і, хто мае ежу, няхай робіць гэтаксама.

Прыйшлі і мытнікі хрысціцца і сказалі яму: «Настаўнік, што мы павінны рабіць?»

 

Прыйшлі ж і мытнікі ахрысьціцца і сказалі яму: настаўнік! што на́м рабіць?

Ён адказаў ім: «Нічога больш за вызначанае вам не спаганяйце».

 

Ён жа адказаў ім: нічога большага за загаданае вам ня спаганяйце.

Пыталіся ў яго таксама і жаўнеры, кажучы: «А мы што павінны рабіць?» Ён адказаў ім: «Нікога не крыўдзіце, не абвінавачвайце несправядліва і задавольвайцеся сваёй платай».

 

Пыталіся ў яго таксама і жаўнеры, кажучы: а нам што рабіць? І сказаў ім: ні ў ко́га ня вымагайце грошы і ня паклёпнічайце, і будзьце задаволены сваёй платай.

Калі народ чакаў і калі ўсе разважалі ў сэрцах сваіх пра Яна, ці не Месія ён,

 

Калі ж народ мучыўся думкай, і разважалі ўсе ў сэрцах сваіх пра Яана, ці ня Хрыстос ён,

Ян адказаў усім: «Я вадою хрышчу вас, але ідзе мацнейшы за мяне, якому я няварты развязаць раменьчык на Яго сандалях. Ён вас будзе хрысціць Духам Святым і агнём.

 

адказаў Яан усім, кажучы: я сапраўды хрышчу вас вадою. Але ідзе Дужэйшы за мяне, у Якога я ня варты разьвязаць рамень абутку Ягонага; Ён будзе хрысьціць вас Духам Сьвятым і агнём;

Лапату трымае ў руцэ сваёй, каб ачысціць гумно сваё і сабраць пшаніцу ў засекі свае, а мякіну спаліць агнём непагасным».

 

і гархва Ягоная ў Руцэ Ягонай, і (Ён) ачысьціць гумно Сваё і зьбярэ пшаніцу ў сьвіран Свой, а мяккіну спаліць агнём няпагасным.

Шмат чаго іншага прапаведаваў ён, абвяшчаючы Добрую Навіну народу.

 

І вось, і многае другое, навучаючы, дабравесьціў (ён) народу.

А тэтрарх Ірад, якога Ян дакараў за Ірадыяду, жонку яго брата Філіпа, і за ўсё зло, якое ўчыніў Ірад,

 

Гірад жа чацьвертаўладнік, дакараны ім за Гірадзіяду, жонку брата ягонага Піліпа, і за ўсё, што Гірад зрабіў благога,

да ўсяго дадаў яшчэ і тое, што замкнуў Яна ў вязніцы.

 

дадаў да ўсяго і тое, што пасадзіў Яана ў вязьніцу.

Калі хрысціўся ўвесь народ і калі Езус, прыняўшы хрост, маліўся, раскрылася неба,

 

І сталася, як хрысьціўся ўвесь народ, і Ісус ахрысьціўшыся маліўся, адчынілася неба,

і Дух Святы ў цялесным выглядзе, як голуб, сышоў на Яго, і быў голас з неба: «Ты Сын Мой умілаваны, Цябе ўпадабаў Я».

 

і зыйшоў на Яго Дух Сьвяты ў цялесным выглядзе, як галуб, і быў голас зь неба, ка́жучы: Ты Сын Мой улюблены, Цябе (Я) упадабаў!

Езус, пачынаючы служэнне сваё, меў каля трыццаці гадоў і быў, як лічылі, сынам Юзафа, сына Элія,

 

І Сам Ісус быў гадоў каля трыццаці, пачынаючы (Сваё служэньне), і быў, як думалі, Сын Язэпаў, Íліяў,

Матата, Левія, Мэльхія, Яная, Юзафа,

 

Маттатаў, Ле́віяў, Ме́льхіяў, Яанаў, Язэпаў,

Матація, Амоса, Навума, Эслія, Нагея,

 

Маттаціяў, Амо́саў, Навумаў, Ясьлімаў, Нагеяў,

Маата, Матація, Сэмэя, Ёсэха, Ёды,

 

Маатаў, Маттаціяў, Самеяў, Язэпаў, Юдаў,

Янана, Рэсы, Зарабабэля, Салятыэля, Нэрыя,

 

Яананаў, Рысаяў, Зараба́бэляў, Салятыілаў, Нірыяў,

Мэльхія, Адзія, Касама, Эльмадама, Эра,

 

Мэльхіяў, Адзіяў, Касамаў, Ялмадамаў, Іраў,

Езуса, Эліязэра, Ярыма, Матата, Левія,

 

Ясіяў, Яліязэраў, Іярымаў, Маттатаў, Ле́віяў,

Сімяона, Юды, Юзафа, Ёнама, Эліяхіма,

 

Сымонаў, Юдаў, Язэпаў, Яананаў, Яліякімаў,

Мэлея, Мэны, Матата, Натана, Давіда,

 

Мэлеаяў, Маінанаў, Маттатаяў, Натанаў, Давідаў,

Есэя, Абэда, Бааза, Сальмона, Наасона,

 

Ясеяў, Абідаў, Баозаў, Салмонаў, Наасонаў,

Амінадаба, Адміна, Арні, Эзрома, Фарэса, Юды,

 

Амінадабаў, Арамаў, Ясромаў, Хварэсаў, Юдаў,

Якуба, Ісаака, Абрагама, Тарэя, Нахора,

 

Якубаў, Ісагакаў, Абрагамаў, Тараў, Нахораў,

Сэруха, Рахаба, Фалека, Эбэра, Салія,

 

Сэрухаў, Рагабаў, Хвалекаў, Ябераў, Салаў,

Каінама, Арфаксада, Сэма, Ноя, Ламеха,

 

Каінанаў, Архваксадаў, Сэмаў, Нояў, Ламехаў,

Матусала, Эноха, Ярэда, Малелеэля, Каінама,

 

Матусалаў, Янохаў, Ярэдаў, Малеляіляў, Каінанаў,

Эноса, Сэта, Адама, сына Бога.

 

Яносаў, Сэтаў, Адамаў, Божы.