ЕРУЗАЛЕМСКІ САБОР
Спрэчка аб захаванні Закона Майсея
1 Некаторыя з тых, хто прыйшоў з Юдэі, вучылі братоў: «Калі не будзеце абрэзаныя паводле звычаю Майсея, не зможаце быць збаўленымі».
Спрэчка аб захаванні Закона Майсея
1 Некаторыя з тых, хто прыйшоў з Юдэі, вучылі братоў: «Калі не будзеце абрэзаныя паводле звычаю Майсея, не зможаце быць збаўленымі».
2 Калі распачалася звада і немалая спрэчка Паўла і Барнабы з імі, было вырашана, што Павел і Барнаба, і некаторыя іншыя з іх пойдуць у гэтай справе да Апосталаў і старэйшын у Ерузалем.
3 Яны ж, пасланыя Касцёлам, праходзілі праз Феніцыю і Самарыю, расказваючы пра навяртанне язычнікаў. І вельмі ўзрадавалі ўсіх братоў.
4 Калі прыйшлі ў Ерузалем, былі прынятыя Касцёлам, Апосталамі і старэйшынамі. Яны распавялі, што Бог учыніў з імі.
5 Тады ўсталі некаторыя з кола фарысеяў, якія паверылі, і сказалі: «Трэба абрэзаць іх і загадаць ім, каб яны захоўвалі Закон Майсея!»
Прамова Пятра
6 Тады сабраліся Апосталы і старэйшыны, каб вырашыць гэтую справу.
6 Тады сабраліся Апосталы і старэйшыны, каб вырашыць гэтую справу.
7 Калі паўстала вялікая спрэчка, Пётр устаў і сказаў ім: «Браты, вы ведаеце, што з даўніх дзён Бог выбраў мяне сярод вас, каб язычнікі з маіх вуснаў пачулі слова Евангелля і паверылі.
8 Бог, які ведае сэрцы, засведчыў перад імі, даўшы ім, як і нам, Духа Святога.
9 Ён не зрабіў ніякай розніцы паміж намі ды імі і праз веру ачысціў іхнія сэрцы.
10 Навошта ж цяпер выпрабоўваеце Бога, ускладаючы вучням на шыю ярмо, якое не маглі несці ні айцы нашыя, ні мы?
11 Але мы верым, што ласкаю Пана Езуса мы будзем збаўленыя таксама, як і яны».
12 Замоўклі ўсе сабраныя і слухалі апавяданне Барнабы і Паўла пра тое, як шмат знакаў і цудаў учыніў Бог праз іх сярод язычнікаў.
Прамова Якуба
13 Калі яны скончылі, загаварыў Якуб, кажучы: «Браты, паслухайце мяне.
13 Калі яны скончылі, загаварыў Якуб, кажучы: «Браты, паслухайце мяне.
14 Сымон расказаў, як Бог спачатку паглядзеў на язычнікаў, каб выбраць з іх народ для свайго імя.
15 І з гэтым згаджаюцца словы прарокаў, як напісана:
16
“Потым вярнуся
і адбудую заняпалы шацёр Давіда,
адбудую руіны яго і пастаўлю нанова,
17
каб астатнія людзі шукалі Пана,
і ўсе народы, над якімі заклікаюць імя Маё, —
кажа Пан, які чыніць гэтыя справы,
18
вядомыя спрадвеку”.
19 Таму я лічу, што не трэба абцяжарваць тых язычнікаў, якія навяртаюцца да Бога,
20 але трэба напісаць ім, каб яны ўстрымліваліся ад апаганьвання ідаламі, ад распусты, ад таго, што задушана, і ад крыві.
21 Бо з даўніх часоў ёсць у кожным горадзе тыя, хто кожны шабат абвяшчае і чытае ў сінагогах Закон Майсея».
Ліст Сабору
22 Тады Апосталы і старэйшыны разам з усім Касцёлам, выбраўшы сярод сябе Юду, званага Барсабам, і Сілу — мужоў, якія былі першымі сярод братоў, вырашылі паслаць іх у Антыёхію з Паўлам і Барнабам.
22 Тады Апосталы і старэйшыны разам з усім Касцёлам, выбраўшы сярод сябе Юду, званага Барсабам, і Сілу — мужоў, якія былі першымі сярод братоў, вырашылі паслаць іх у Антыёхію з Паўлам і Барнабам.
23 А праз іх выслалі такі ліст: «Апосталы і старэйшыя браты вітаюць братоў з язычнікаў у Антыёхіі, Сірыі і Цыліцыі!
24 Мы пачулі, што некаторыя з нас адправіліся без нашага даручэння і ўстрывожылі вас словамі, занепакоіўшы вашыя душы.
25 Таму мы згодна вырашылі выбраць мужоў і паслаць іх да вас з нашымі ўмілаванымі Барнабам і Паўлам, людзьмі,
26 якія аддаюць сваё жыццё дзеля імя Пана нашага Езуса Хрыста.
27 Мы паслалі да вас Юду і Сілу, якія абвесцяць вам тое самае словамі.
28 Бо Дух Святы і мы пастанавілі не ўскладаць на вас болей ніякага цяжару, акрамя таго, што неабходна:
29 устрымлівайцеся ад ахвяраў, прынесеных ідалам, ад крыві, ад таго, што задушана, і ад распусты. Калі будзеце ўстрымлівацца ад гэтага, добра зробіце. Бывайце здаровы».
Пасланцы ў Антыёхіі
30 Пасланыя прыйшлі ў Антыёхію і, сабраўшы людзей, аддалі ліст.
30 Пасланыя прыйшлі ў Антыёхію і, сабраўшы людзей, аддалі ліст.
31 Калі яго прачыталі, узрадаваліся гэтаму настаўленню.
32 Юда і Сіла, якія самі былі прарокамі, многімі прамовамі настаўлялі і ўмацоўвалі братоў.
33 Прабыўшы там пэўны час, браты адпусцілі іх з супакоем да тых, хто іх паслаў.
34 [отсутсвует]
35 Але Павел і Барнаба заставаліся ў Антыёхіі, навучаючы і абвяшчаючы разам з многімі іншымі слова Пана.
ДРУГОЕ МІСІЙНАЕ ПАДАРОЖЖА ПАЎЛА
Расстанне Паўла і Барнабы
36 Праз некалькі дзён Павел сказаў Барнабу: «Вернемся і наведаем нашых братоў ва ўсіх гарадах, дзе мы абвяшчалі слова Пана, і паглядзім, як яны маюцца».
Расстанне Паўла і Барнабы
36 Праз некалькі дзён Павел сказаў Барнабу: «Вернемся і наведаем нашых братоў ва ўсіх гарадах, дзе мы абвяшчалі слова Пана, і паглядзім, як яны маюцца».
37 Тады Барнаба хацеў узяць з сабою Яна, якога звалі Маркам.
38 Але Павел палічыў, што не трэба браць з сабой таго, хто адышоў ад іх у Памфіліі і не спадарожнічаў ім у працы.
39 Адбылася спрэчка, так што яны разышліся адзін з адным. Тады Барнаба ўзяў з сабою Марка і паплыў на Кіпр,
40 а Павел выбраў сабе Сілу і, калі браты даручылі яго ласцы Пана, вырушыў.
41 Праходзіў ён праз Сірыю і Цыліцыю, умацоўваючы Касцёлы.
Знайшлі памылку ў тэксце? Вылучыце яе і націсніце:
Ctrl + Enter
Дзеі Апосталаў, 15 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Публікуецца з дазволу праваўладальніка:
Канферэнцыя Каталіцкіх Біскупаў у Беларусі.
© 2017, 2019