Выхад 40 разьдзел
Выхад
Пераклад Антонія Бокуна → Пераклад Чарняўскага 2012
І прамовіў ГОСПАД да Майсея, кажучы:
І прамовіў Госпад да Майсея, гаворачы:
«У першы месяц, у першы дзень месяца паставіш Сялібу Намёту Спатканьня.
«У першы дзень першага месяца паставіш скінію, палатку сустрэчы,
І паставіш там Каўчэг Сьведчаньня, і закрыеш Каўчэг заслонаю.
і паставіш у ёй каўчэг сведчання, накрый яго пакрывалам; і, калі
І ўнясеш стол, і разложыш на ім тое, што належыць, і ўнясеш сьвечнік, і запаліш лямпы ягоныя.
ўнясеш стол, пакладзі на яго тое, што прадпісана па традыцыі, падсвечнік хай стаіць з лямпамі сваімі
І паставіш ахвярнік залаты для каджэньня перад Каўчэгам Сьведчаньня; і завесіш заслону на ўваходзе ў Сялібу.
і залаты ахвярнік для каджэння хай стаіць перад каўчэгам сведчання, і памясці пакрывала пры ўваходзе ў скінію,
І паставіш ахвярнік цэласпаленьня перад уваходам у Сялібу Намёту Спатканьня.
а ахвярнік цэласпалення — перад палаткай сустрэчы,
І паставіш мыцельнік паміж Намётам Спатканьня і ахвярнікам, і нальеш у яго вады.
і пастаў таз між палаткай сустрэчы і ахвярнікам, і напоўні яго вадою.
І паставіш панадворак наўкола, і завесіш заслону ў браме панадворку.
І акружы панадворак пакрываламі, і размясці пакрывала ў браме яго.
І возьмеш алей памазаньня, і памажаш Сялібу і ўсё, што ў ёй, і асьвяціш яе і ўсе прыналежнасьці ейныя, і будзе Сьвятой.
І, узяўшы алею намашчэння, памажаш скінію і ўсё, што ў ёй, і асвяці яе з яе пасудзінамі, і будзе яна святыняй.
І памажаш ахвярнік цэласпаленьня і ўсё начыньне ягонае, і асьвяціш ахвярнік, і будзе ахвярнік Сьвятым Сьвятых.
Памаж таксама ахвярнік цэласпалення і ўсе яго пасудзіны, і асвяці ахвярнік, і будзе ён святым з святых.
І памажаш мыцельнік і падставу ягоную, і асьвяціш яго.
І памажаш таз з падножжам яго, і асвяці яго.
І наблізіш Аарона і сыноў ягоных да ўваходу ў Намёт Спатканьня, і абмыеш іх вадою.
І прывядзі Аарона і яго сыноў да ўваходу ў палатку сустрэчы; абмытых вадою,
І апранеш Аарона ў адзеньні сьвятыя, і памажаш яго, і асьвяціш яго, і ён будзе сьвятаром Маім.
апрані Аарона ў святыя шаты, намасці і пасвяці яго, каб служыў Мне святаром.
І сыноў ягоных наблізіш, і апранеш іх у хітоны,
Прывядзі сыноў яго, і апрані ў шаты,
і памажаш іх, як ты памазаў бацьку іхняга, і яны будуць сьвятарамі Маімі, і будзе ім памазаньне іхняе на сьвятарства вечнае ў пакаленьнях іхніх».
і намасці іх, як намасціў іх бацьку, каб служылі яны Мне святарамі, і намашчэнне іх будзе ім у вечнае святарства ў іх пакаленнях».
І зрабіў Майсей усё; як загадаў яму ГОСПАД, так і зрабіў.
І Майсей зрабіў усё, як яму загадаў Госпад; так і зрабіў.
І сталася, у першы месяц другога году, у першы дзень месяца была пастаўлена Сяліба.
Такім чынам, у першы месяц другога года [па выхадзе іх з Егіпта], у першы дзень месяца паставілі скінію.
І паставіў Майсей Сялібу, і палажыў падстаўкі яе, і паставіў дошкі яе, і палажыў жэрдкі яе, і паставіў слупы яе,
І паставіў яе Майсей, і паклаў падножжы, і дошкі, і жэрдкі, і слупы паставіў,
і расьцягнуў намёт над Сялібай, і палажыў пакрыцьцё намёту зьверху над ім, як загадаў ГОСПАД Майсею.
і разбіў палатку над скініяй, накрыўшы яе пакрыццем зверху, як загадаў Госпад Майсею.
І ўзяў, і палажыў Сьведчаньне ў Каўчэг, і ўлажыў насілы ў Каўчэг, і палажыў накрыўку на Каўчэг зьверху.
Ён узяў сведчанне і паклаў яго ў каўчэг, і, прасунуўшы скрозь жэрдкі, накрыў зверху перамольняй.
І ўнёс Каўчэг у Сялібу, і завесіў заслону, якая вісіць, і засланіў ёю Каўчэг Сьведчаньня, як загадаў ГОСПАД Майсею.
І, калі ўнёс каўчэг у скінію, ён павесіў перад ім пакрывала, як загадаў Госпад Майсею.
І паставіў стол у Намёт Спатканьня, на паўночным баку Сялібы, звонку ад заслоны.
Паставіў і стол у палатцы сустрэчы на паўночным баку скініі перад пакрывалам,
І разлажыў шэрагі хлябоў перад абліччам ГОСПАДА, як загадаў ГОСПАД Майсею.
разлажыўшы перад абліччам Госпада па парадку хлябы пакладныя, як загадаў Госпад Майсею.
І паставіў сьвечнік у Намёт Спатканьня насупраць стала, на паўднёвым баку Сялібы.
Паставіў і падсвечнік у палатцы сустрэчы насупраць стала ў паўднёвай частцы,
І запаліў лямпы перад абліччам ГОСПАДА, як загадаў ГОСПАД Майсею.
размясціўшы лямпы па парадку, як загадаў Госпад Майсею.
І паставіў ахвярнік залаты ў Намёце Спатканьня перад заслонаю.
Паставіў і залаты ахвярнік у палатку сустрэчы перад перамольняй,
І кадзіў на ім пахкім кадзілам, як загадаў ГОСПАД Майсею.
і на ім спаліў кадзіла з вострых духмяных рэчаў, як загадаў Госпад Майсею.
І завесіў заслону на ўваходзе ў Сялібу.
Размясціў і пакрывала ля ўваходу ў скінію,
І ахвярнік цэласпаленьня паставіў каля ўваходу ў Сялібу Намёту Спатканьня, і ахвяраваў на ім цэласпаленьне і ахвяру хлебную, як загадаў ГОСПАД Майсею.
і ахвярнік цэласпалення паставіў перад уваходам у скінію, у палатку сустрэчы, ахвяруючы на ім цэласпаленне і ахвяру, як загадаў Госпад Майсею.
І паставіў мыцельнік паміж Намётам Спатканьня і ахвярнікам, і наліў у яго вады для абмываньня.
Паставіў таксама таз між палаткай сустрэчы і ахвярнікам, напоўніўшы яго вадою;
І абмывалі ў ім Майсей і Аарон, і сыны ягоныя рукі свае і ногі свае.
і мылі ў ім рукі і ногі свае Майсей, Аарон і сыны яго,
Калі ўваходзілі ў Намёт Спатканьня і калі набліжаліся да ахвярніка, яны абмываліся, як загадаў ГОСПАД Майсею.
калі ўваходзілі ў палатку сустрэчы і набліжаліся да ахвярніка, як загадаў Госпад Майсею.
І паставіў панадворак вакол Сялібы і ахвярніка, і завесіў заслону ў браме панадворку. І скончыў Майсей работу.
Паставіў ён і панадворак вакол скініі і ахвярніка, пры яго ўваходзе павесіўшы пакрывала. Такім чынам, Майсей закончыў работу.
І закрыла воблака Намёт Спатканьня, і слава ГОСПАДА напоўніла Сялібу.
І воблака накрыла скінію разам з палаткай сустрэчы, і слава Госпада напоўніла скінію.
І ня мог Майсей увайсьці ў Намёт Спатканьня, бо ляжала на ім воблака, і слава ГОСПАДА напаўняла Сялібу.
І не мог Майсей увайсці ў палатку сустрэчы, бо спачывала на ёй воблака, і слава Госпада напоўніла скінію.
І калі падымалася воблака па-над Сялібаю, тады вырушалі сыны Ізраіля ў-ва ўсе падарожжы свае.
Калі воблака падымалася над палаткай, сыны Ізраэля пускаліся ў дарогу ва ўсякіх абставінах;
А калі не падымалася воблака, тады не вырушалі, аж да дня, калі яно падымалася.
а калі воблака не падымалася, не пускаліся яны ў дарогу аж да дня, пакуль не падымалася воблака.
Бо воблака ГОСПАДА было над Сялібай удзень, і агонь быў над ёй уначы перад вачыма ўсяго дому Ізраіля ў-ва ўсіх падарожжах іхніх.
Бо ўдзень пакрывала скінію воблака Госпада, а ўночы свяціла, быццам бляск агню, на вачах усяго дома Ізраэля ў час усіх іх вандровак.
