Быццё 5 разьдзел
Быццё
Пераклад Чарняўскага 2017 → Пераклад Чарняўскага 2002
Вось запіс радаводу Адама. У дзень, калі Бог стварыў чалавека, зрабіў яго на падабенства Божае.
Вось радавод патомкаў Адама. Калі Бог стварыў чалавека, стварыў яго на падобнасьць Божую.
Мужчынам і жанчынай стварыў іх, і дабраславіў іх, і даў ім імя «чалавек» тады, калі былі створаны.
Ён стварыў мужчыну і жанчыну, і дабраславіў іх, і назваў іх «чалавек» тады, калі іх стварыў.
Пражыў Адам сто трыццаць гадоў, і нарадзіўся ў яго сын, на вобраз і падабенства яго, і ён даў яму імя Сэт.
Калі Адам меў сто трыццаць гадоў, нарадзіўся ў яго сын, на вобраз і падобнасьць яго, і ён даў яму імя Сэт.
І было дзён Адама па нараджэнні Сэта восемсот гадоў, меў яшчэ сыноў і дачок.
А па нараджэньні Сэта Адам пражыў васемсот гадоў, меў яшчэ сыноў і дачок.
І быў увесь прамежак часу, што пражыў Адам, дзевяцьсот трыццаць гадоў, і ён памёр.
І памёр Адам, пражыўшы агулам дзевяцьсот трыццаць гадоў.
Таксама Сэт пражыў сто пяць гадоў і меў сына Эноса.
Таксама Сэт пражыў сто пяць гадоў і меў сына Эноша.
Па нараджэнні Эноса пражыў Сэт восемсот сем гадоў і меў яшчэ сыноў і дачок.
Па нараджэньні Эноша пражыў Сэт васемсот сем гадоў, меў яшчэ сыноў і дачок.
І было ўсіх дзён Сэта дзевяцьсот дванаццаць гадоў, і ён памёр.
А агулам пражыў Сэт дзевяцьсот дванаццаць гадоў і памёр.
А Энос пражыў дзевяноста гадоў і меў сына Кенана.
Энош, пражыўшы дзевяноста гадоў, меў сына Кенана.
І пражыў Энос па нараджэнні Кенана восемсот пятнаццаць гадоў, і меў сыноў і дачок.
Па нараджэньні Кенана пражыў яшчэ Энош васемсот пятнаццаць гадоў і меў сыноў і дачок.
І было ўсіх дзён Эноса дзевяцьсот пяць гадоў, і ён памёр.
Агулам Энош пражыў дзевяцьсот пяць гадоў і памёр.
Таксама Кенан пражыў семдзесят гадоў і меў сына Малаліэля.
Таксама Кенан пражыў семдзесят гадоў і меў сына Маляліэля.
І пражыў Кенан па нараджэнні Малаліэля восемсот сорак гадоў, і меў яшчэ сыноў і дачок.
А па нараджэньні Маляліэля Кенан пражыў васемсот сорак гадоў і меў яшчэ сыноў і дачок.
І было ўсіх дзён Кенана дзевяцьсот дзесяць гадоў, і ён памёр.
Агулам Кенан пражыў дзевяцьсот дзесяць гадоў і памёр.
Пражыў вось Малаліэль шэсцьдзесят пяць гадоў і меў сына Ярэда.
Пражыў вось Маляліэль шэсьцьдзесят пяць гадоў і меў сына Ярэда.
І пражыў Малаліэль па нараджэнні Ярэда восемсот трыццаць гадоў, і меў сыноў і дачок.
А па нараджэньні Ярэда Маляліэль пражыў васемсот трыццаць гадоў і меў сыноў і дачок.
І было ўсіх дзён Малаліэля восемсот дзевяноста пяць гадоў, і ён памёр.
Агулам пражыў Маляліэль васемсот дзевяноста пяць гадоў і памёр.
Пражыў Ярэд сто шэсцьдзесят два гады і меў сына Гэноха.
Пражыў вось Ярэд сто шэсьцьдзесят два гады і меў сына Геноха.
І жыў Ярэд па нараджэнні Гэноха восемсот гадоў, і меў сыноў і дачок.
А па нараджэньні Геноха Ярэд жыў васемсот гадоў і меў сыноў і дачок.
І было ўсіх дзён Ярэда дзевяцьсот шэсцьдзесят два гады, і ён памёр.
Агулам Ярэд пражыў дзевяцьсот шэсьцьдзесят два гады і памёр.
Гэнох жыў шэсцьдзесят пяць гадоў і меў сына Матусала.
Вось жа Генох жыў шэсьцьдзесят пяць гадоў і меў сына Мэтушаляха.
І хадзіў Гэнох з Богам па нараджэнні Матусала трыста гадоў, і меў сыноў і дачок.
Генох па нараджэньні Мэтушаляха жыў з Богам трыста гадоў і меў сыноў і дачок.
І было ўсіх дзён Гэноха трыста шэсцьдзесят пяць гадоў.
Агулам Генох пражыў трыста шэсьцьдзесят пяць гадоў.
І хадзіў ён з Богам, і знік, бо забраў яго Бог.
І жыў ён у прыязьні з Богам, і зьнік, бо забраў яго Бог.
Таксама Матусал пражыў сто восемдзесят сем гадоў і меў сына Ламэха.
Таксама Мэтушалях жыў сто восемдзесят сем гадоў і меў сына Лямеха.
І жыў Матусал па нараджэнні Ламэха семсот восемдзесят два гады і меў сыноў і дачок.
Па нараджэньні Лямеха Мэтушалях жыў семсот восемдзесят два гады і меў сыноў і дачок.
І было ўсіх дзён Матусала дзевяцьсот шэсцьдзесят дзевяць гадоў, і ён памёр.
Агулам Мэтушалях пражыў дзевяцьсот шэсьцьдзесят дзевяць гадоў і памёр.
Пражыў жа Ламэх сто восемдзесят два гады і меў сына,
Пражыў вось Лямех сто восемдзесят два гады і меў сына,
і даў яму імя Ной, кажучы: «Ён суцешыць нас у рабоце нашай і ў працы рук нашых на зямлі, якую Госпад пракляў».
і даў яму імя Ной, кажучы: «Ён пацешыць нас у рабоце нашай і ў працы рук нашых на зямлі, якую Госпад пракляў».
І жыў Ламэх па нараджэнні Ноя пяцьсот дзевяноста пяць гадоў, і меў яшчэ сыноў і дачок.
Лямех па нараджэньні Ноя жыў пяцьсот дзевяноста пяць гадоў і меў яшчэ сыноў і дачок.
І было ўсіх дзён Ламэха семсот семдзесят сем гадоў, і ён памёр.
Агулам Лямех пражыў семсот семдзесят сем гадоў і памёр.
А калі Ной меў пяцьсот гадоў, нарадзіліся ў яго Сэм, Хам і Яфэт.
А калі Ной меў пяцьсот гадоў, меў (трох сыноў): Сэма, Хама і Яфэта.
