Быццё 5 разьдзел
Быццё
Пераклад Чарняўскага 2017 → Пераклад Яна Станкевіча
Вось запіс радаводу Адама. У дзень, калі Бог стварыў чалавека, зрабіў яго на падабенства Божае.
Гэта кніга родаў Адамовых: у дзень, як Бог стварыў чалавека, подле падобнасьці Божае ўчыніў яго.
Мужчынам і жанчынай стварыў іх, і дабраславіў іх, і даў ім імя «чалавек» тады, калі былі створаны.
Мужчыну й жонку стварыў іх, і дабраславіў іх, і назваў іх імя: людзіна, у дзень стварэньня іх.
Пражыў Адам сто трыццаць гадоў, і нарадзіўся ў яго сын, на вобраз і падабенства яго, і ён даў яму імя Сэт.
І Адам жыў сто трыццаць год, і нарадзіў на падобнасьць сваю і подле абраза свайго, і назваў імя ягонае: Сыф.
І было дзён Адама па нараджэнні Сэта восемсот гадоў, меў яшчэ сыноў і дачок.
І былі дні Адамовы, па нараджэньню ягоным Сыфа, асьмісот год, і радзіў сыноў і дачкі.
І быў увесь прамежак часу, што пражыў Адам, дзевяцьсот трыццаць гадоў, і ён памёр.
І былі ўсі дні Адамовы, каторыя жыў, дзевяцьсот трыццаць год; і ён памер.
Таксама Сэт пражыў сто пяць гадоў і меў сына Эноса.
І жыў Сыф сто пяць год і нарадзіў Еноса.
Па нараджэнні Эноса пражыў Сэт восемсот сем гадоў і меў яшчэ сыноў і дачок.
І жыў Сыф, па ягоным нараджэньню Еноса, асьмісот год, і радзіў сыноў і дачкі.
І было ўсіх дзён Сэта дзевяцьсот дванаццаць гадоў, і ён памёр.
І былі ўсі дні Сыфавы дзевяцьсот двананцаць год; і ён памер.
А Энос пражыў дзевяноста гадоў і меў сына Кенана.
І жыў Енос дзевяцьдзясят год, і нарадзіў Каінана.
І пражыў Энос па нараджэнні Кенана восемсот пятнаццаць гадоў, і меў сыноў і дачок.
І жыў Енос, па нараджэньню ягоным Каінана, асьмісот пятнанцаць год, і радзіў сыноў і дачкі.
І было ўсіх дзён Эноса дзевяцьсот пяць гадоў, і ён памёр.
І былі ўсі дні Еносавы дзевяцьсот пяць год; і ён памер.
Таксама Кенан пражыў семдзесят гадоў і меў сына Малаліэля.
І жыў Каінан семдзясят год, і нарадзіў Магалал’эля.
І пражыў Кенан па нараджэнні Малаліэля восемсот сорак гадоў, і меў яшчэ сыноў і дачок.
І жыў Каінан, па ягоным нараджэньню Магалал’эля, асьмісот сорак год, і радзіў сыноў і дачкі.
І было ўсіх дзён Кенана дзевяцьсот дзесяць гадоў, і ён памёр.
І былі ўсі дні Каінановы дзевяцьсот дзесяць год; і ён памер.
Пражыў вось Малаліэль шэсцьдзесят пяць гадоў і меў сына Ярэда.
І жыў Магалал’эль шасьцьдзясят пяць год, і нарадзіў Ярэда.
І пражыў Малаліэль па нараджэнні Ярэда восемсот трыццаць гадоў, і меў сыноў і дачок.
І жыў Магалал’эль, па ягоным нараджэньню Ярэда, асьмісот трыццаць год, і радзіў сыноў і дачкі.
І было ўсіх дзён Малаліэля восемсот дзевяноста пяць гадоў, і ён памёр.
І былі ўсі дні Магалал’эля асьмісот дзевяцьдзясят пяць год; і ён памер.
Пражыў Ярэд сто шэсцьдзесят два гады і меў сына Гэноха.
І жыў Ярэд сто шасьцьдзясят два гады, і нарадзіў Гэноха.
І жыў Ярэд па нараджэнні Гэноха восемсот гадоў, і меў сыноў і дачок.
І жыў Ярэд, па нараджэньню ягоным Гэноха, асьмісот год, і радзіў сыноў і дачкі.
І было ўсіх дзён Ярэда дзевяцьсот шэсцьдзесят два гады, і ён памёр.
І былі ўсі дні Ярэдавы дзевяцьсот шасьцьдзясят два гады; і памер.
Гэнох жыў шэсцьдзесят пяць гадоў і меў сына Матусала.
І жыў Гэнох шасьцьдзясят пяць год, і нарадзіў Мафусала.
І хадзіў Гэнох з Богам па нараджэнні Матусала трыста гадоў, і меў сыноў і дачок.
І хадзіў Гэнох із Богам, па нараджэньню Мафусала, трыста год, і радзіў сыноў і дачкі.
І было ўсіх дзён Гэноха трыста шэсцьдзесят пяць гадоў.
І былі ўсі дні Гэнохавы трыста шасьцьдзясят пяць год.
І хадзіў ён з Богам, і знік, бо забраў яго Бог.
І хадзіў Гэнох із Богам; і ня было яго болей, бо ўзяў яго Бог.
Таксама Матусал пражыў сто восемдзесят сем гадоў і меў сына Ламэха.
І жыў Мафусал сто асьмідзясят сем год, і нарадзіў Ламеха.
І жыў Матусал па нараджэнні Ламэха семсот восемдзесят два гады і меў сыноў і дачок.
І жыў Мафусал, па нараджэньню ягоным Ламеха, сямсот асьмідзясят два гады, і радзіў сыноў і дачкі.
І было ўсіх дзён Матусала дзевяцьсот шэсцьдзесят дзевяць гадоў, і ён памёр.
І былі ўсі дні Мафусалавы дзевяцьсот шасьцьдзясят дзевяць год; і ён памер.
Пражыў жа Ламэх сто восемдзесят два гады і меў сына,
І жыў Ламех сто асьмідзясят два гады, і нарадзіў сына.
і даў яму імя Ной, кажучы: «Ён суцешыць нас у рабоце нашай і ў працы рук нашых на зямлі, якую Госпад пракляў».
І назваў імя ягонае: Ной, кажучы: «Гэты пацеша нас ад работы нашае і ад атугі рук нашых ад зямлі, каторую пракляў СПАДАР.
І жыў Ламэх па нараджэнні Ноя пяцьсот дзевяноста пяць гадоў, і меў яшчэ сыноў і дачок.
І жыў Ламех, па нараджэньню ягоным Ноя, пяцьсот дзевяцьдзясят пяць год, і радзіў сыноў і дачкі.
І было ўсіх дзён Ламэха семсот семдзесят сем гадоў, і ён памёр.
І былі ўсі дні Ламехавы сямсот семдзясят сем год; і ён памер.
А калі Ной меў пяцьсот гадоў, нарадзіліся ў яго Сэм, Хам і Яфэт.
І было Ною пяцьсот год, і нарадзіў Сэма, Хама а Яфэта.
