Быццё 10 разьдзел
Быццё
Пераклад Чарняўскага 2017 → Пераклад Яна Станкевіча
Вось гэтыя нашчадкі сыноў Ноя: Сэма, Хама і Яфэта. Па патопе нарадзіліся ім сыны.
І во роды сыноў Ноевых: Сэма, Хама а Яфэта. І нарадзіліся ў іх дзеці просьле патопы.
Сыны Яфэта: Гамэр, Магог, Мадай, Яван, Тубал, Масок і Тыр.
Сынове Яфэтавы: Ґомер а Маґоґ а Мадай а Яван а Фувал а Мешэх а Фірас.
Сыны Гамэра: Аскеназ, і Рыфат, і Тагарма.
І сыны Ґомеравы: Аскеназ а Рыфат а Фоґарма.
Сыны ж Явана: Эліса і Тарсіс, Кітым і Раданім.
І сыны Явановы: Еліса а Фарыс, Кітым а Доданім.
Ад іх паходзяць жыхары ўзбярэжжаў і астравоў, падзеленыя паводле сваіх краёў і сваёй мовы, па плямёнах і паводле сваіх народаў.
Ад гэтых апрычыліся абтокі народаў у землях іхных, кажны подле мовы свае і подле плямёнах сваіх, у народах сваіх.
А сыны Хама: Куш, і Міцраім, і Пут, і Ханаан.
І сыны Хамавы: Куш а Міцраім а Фут а Канаан.
Сыны Куша: Саба, і Хавіла, і Сабата, і Рэгма, і Сабатаха. Сыны Рэгмы: Саба і Дэдан.
І сынове Кушавы: Сэва а Гавіла а Саўга а Рама а Саўтэха. І сыны Рамавы: Шэва а Дэдан.
Куш быў бацькам Німрода. Ён быў першым магутным на зямлі,
І Куш нарадзіў Німрода: гэты пачаў быць дужасілам на зямлі.
і ён быў дужы паляўнічы перад Госпадам. Адсюль пайшла прыказка: «Як Німрод, дужы паляўнічы перад Госпадам».
Ён быў дужы паляўнічы перад відам СПАДАРОВЫМ; затым кажуць: «Дужы паляўнічы, як Німрод перад відам СПАДАРОВЫМ».
Пачаткам валадарання яго быў Бабілон, і Эрэх, і Акад, і Хальнэ у зямлі Сэнаар.
І быў пачатак гаспадарства ягонага: Бабілён а Эрэх а Аккад а Халне, у зямлі Шынар.
З гэтай зямлі ён выйшаў у Асірыю і пабудаваў Нініву, Рэхабот-Ір і Калах,
З тае зямлі вышаў Асур, і збудаваў Ніневу, і места Рэговоф, Калаг,
таксама Расэн, вялікі горад між Нінівай і Калахам.
І Рэсэн памеж Ніневы й Калагі; гэта тое места вялікае.
А Міцраім быў бацькам Луда, і Анама, і Лааба, і Нафтуа,
І Міцраім нарадзіў Лудымы а Анамімы а Легавімы а Нафтугімы
і Патруса, і Каслуха, і Кафтора, ад якіх паходзяць філістынцы.
А Патрусымы а Каслугімы, адкуль вышлі Пілішчане, а Кафторымы.
Ханаан жа меў сыноў: першароднага Сідона, Хета,
І Канаан нарадзіў Сыдона, першароднага свайго, а Гэта
і Евусея, і Амарэя, Гергесея,
А Евусэя а Аморэя а Ґерґесэя
Гівея і Арацэя, Сінэя
А Гівея а Арка а Сыня
і Арадзія, Самарэя і Эматэя; і пасля таго рассеяліся народы хананеяў.
А Арвада а Цэмара а Гамафа. А потым пашырыліся плямёны Канаанавы.
І былі межы хананеяў, калі ісці ад Сідона ў напрамку Герара аж да Газы, пакуль не дойдзеш да Садома і Гаморы, і да Адамы і Себаіма, аж да Лесы.
І была граніца Канаана ад Сыдону, ідучы на Ґерар, аж да Ґазы, ідучы на Содому, Ґомору, Адму а Цэвуім аж да Ляшы.
Гэта нашчадкі Хама паводле іх плямёнаў і моў, земляў і народаў.
Гэта сынове Хамавы, подле плямёнаў сваіх, подле моваў сваіх, па краёх сваіх і на родах сваіх.
Таксама ад Сэма, бацькі ўсіх сыноў Гебэра, старэйшага брата Яфэта, нарадзіліся [нашчадкі].
І Сэм — у яго таксама нарадзіліся дзеці, ён быў ацец усіх сыноў Гэверавых і старшы брат Яфэтаў.
Сыны Сэма: Элам, і Асур, і Арпаксад, і Луд, і Арам.
Сынове Сэмавы: Елам а Асур а Арпаксад а Луд а Арам.
Сыны Арама: Уц, і Гул, і Гетэр, і Мэс.
А сыны Арамовы: Уц а Гул а Ґефера а Маш.
А Арпаксад быў бацькам Салы, ад якога нарадзіўся Гебэр.
І Арпаксад нарадзіў Шалага, Шалаг нарадзіў Эвера.
Нарадзіліся ж у Гебэра два сыны: першаму імя Пэлег, таму што ў днях яго раздзялілася зямля, а імя брата яго Ектан,
У Эвера нарадзіліся два сыны; імя аднаго Фалек, бо за дзён ягоных зямля была падзелена, і імя брата Ягонага Ёктан.
Той Ектан быў бацькам Эльмадада, і Салефа, і Асармота, і Ярэ,
І Ёктан нарадзіў Алмодана а Шалефа а Хацармавефа а Ераха
і Адарама, і Узала, і Дэклы,
А Гадорама а Узала а Дыклу
і Абала, і Абімаэля, і Сабы,
А Овала а Авімеля а Шэву
і Афіра, і Хавіла, і Ёбаба. Яны ўсе сыны Ектана.
А Офіра а Гавілу а Ёвава; усі гэта сынове Ёктановы.
Месца іх пражывання было, калі ісці ад Мэшы аж да Сэфара, усходняй гары.
І былі сялібы іхныя ад Мешы, ідучы на Сэфар, гару ўсходнюю.
Яны сыны Сэма паводле плямёнаў, і моў, і земляў у народах сваіх.
Гэта сынове Сэмавы, подле плямёнаў сваіх, подле моваў сваіх, па краёх сваіх, у народах сваіх.
Гэта вось плямёны сыноў Ноя паводле сваяцтва і народаў сваіх. Ад іх распаўсюдзіліся народы на зямлі па патопе.
Гэта плямёны сыноў Ноевых, подле радзімаў сваіх, і ў народах сваіх. Ад іх пашырыліся народы па зямлі па патопе.
