Быццё 10 разьдзел
Быццё
Пераклад Чарняўскага 2017 → Пераклад Антонія Бокуна
Вось гэтыя нашчадкі сыноў Ноя: Сэма, Хама і Яфэта. Па патопе нарадзіліся ім сыны.
Вось радавод сыноў Ноя: Сэма, Хама і Яфэта. І нарадзіліся ім сыны пасьля патопу.
Сыны Яфэта: Гамэр, Магог, Мадай, Яван, Тубал, Масок і Тыр.
Сыны Яфэта: Гамэр, Магог, Мадай, Яван, Туваль, Мэшэх і Тырас.
Сыны Гамэра: Аскеназ, і Рыфат, і Тагарма.
Сыны Гамэра: Ашкеназ, Рыфат і Тагарма.
Сыны ж Явана: Эліса і Тарсіс, Кітым і Раданім.
Сыны Явана: Эліша і Таршыш, Кіттым і Даданім.
Ад іх паходзяць жыхары ўзбярэжжаў і астравоў, падзеленыя паводле сваіх краёў і сваёй мовы, па плямёнах і паводле сваіх народаў.
Ад іх паходзяць астравы народаў у землях іхніх, кожны паводле мовы сваёй і паводле плямёнаў сваіх, у народах сваіх.
А сыны Хама: Куш, і Міцраім, і Пут, і Ханаан.
Сыны Хама: Куш, Міцраім, Пут і Ханаан.
Сыны Куша: Саба, і Хавіла, і Сабата, і Рэгма, і Сабатаха. Сыны Рэгмы: Саба і Дэдан.
Сыны Куша: Сэва, Хавіля, Саўта, Раама і Саўтэха. Сыны Раамы: Шэва і Дэдан.
Куш быў бацькам Німрода. Ён быў першым магутным на зямлі,
А Куш нарадзіў Німрода. Ён пачаў быць волатам на зямлі.
і ён быў дужы паляўнічы перад Госпадам. Адсюль пайшла прыказка: «Як Німрод, дужы паляўнічы перад Госпадам».
Ён быў магутны паляўнічы перад абліччам ГОСПАДА. Таму кажуць: «Як Німрод, магутны паляўнічы перад абліччам ГОСПАДА».
Пачаткам валадарання яго быў Бабілон, і Эрэх, і Акад, і Хальнэ у зямлі Сэнаар.
І пачаткам валадараньня яго былі Бабілон, Эрэх, Акад і Кальнэ ў зямлі Шынаар.
З гэтай зямлі ён выйшаў у Асірыю і пабудаваў Нініву, Рэхабот-Ір і Калах,
З той зямлі выйшаў Ашур і пабудаваў Нініву, Рэхавот-Ір, Калях
таксама Расэн, вялікі горад між Нінівай і Калахам.
і Рэсэн, вялікі горад між Нінівай і Каляхам.
А Міцраім быў бацькам Луда, і Анама, і Лааба, і Нафтуа,
А Міцраім нарадзіў Людыма, Анаміма, Легавіма, Нафтухіма,
і Патруса, і Каслуха, і Кафтора, ад якіх паходзяць філістынцы.
Патрусіма і Касьлюхіма, ад якіх паходзяць Філістынцы, і Кафторыма.
Ханаан жа меў сыноў: першароднага Сідона, Хета,
А Ханаан нарадзіў Сідона, першароднага свайго, і Хета,
і Евусея, і Амарэя, Гергесея,
Евусэя, Амарэя, Гіргашэя,
Гівея і Арацэя, Сінэя
Хівея, Аркея, Сінэя,
і Арадзія, Самарэя і Эматэя; і пасля таго рассеяліся народы хананеяў.
Арвадэя, Цэмарэя і Хаматэя; а пасьля расьсеяліся плямёны Хананейскія.
І былі межы хананеяў, калі ісці ад Сідона ў напрамку Герара аж да Газы, пакуль не дойдзеш да Садома і Гаморы, і да Адамы і Себаіма, аж да Лесы.
І была мяжа Хананейцаў ад Сідону ў накірунку Герару аж да Газы, а ў накірунку Садома і Гаморы, Адмы і Цэвоіма — аж да Ляшы.
Гэта нашчадкі Хама паводле іх плямёнаў і моў, земляў і народаў.
Гэта сыны Хама паводле плямёнаў сваіх, паводле моваў сваіх, у землях сваіх і ў народах сваіх.
Таксама ад Сэма, бацькі ўсіх сыноў Гебэра, старэйшага брата Яфэта, нарадзіліся [нашчадкі].
А Сэм, бацька ўсіх сыноў Эвэра, старэйшы брат Яфэта, нарадзіў [сыноў].
Сыны Сэма: Элам, і Асур, і Арпаксад, і Луд, і Арам.
Сыны Сэма: Элям, Ашур, Арпахшад, Люд і Арам.
Сыны Арама: Уц, і Гул, і Гетэр, і Мэс.
Сыны Арама: Уц, Хуль, Гетэр і Маш.
А Арпаксад быў бацькам Салы, ад якога нарадзіўся Гебэр.
А Арпахшад нарадзіў Шэляха, а Шэлях нарадзіў Эвэра.
Нарадзіліся ж у Гебэра два сыны: першаму імя Пэлег, таму што ў днях яго раздзялілася зямля, а імя брата яго Ектан,
А ў Эвэра нарадзіліся два сыны: аднаго імя Пэлег, таму што ў дні ягоныя разьдзялілася зямля, а імя брата ягонага — Ёктан.
Той Ектан быў бацькам Эльмадада, і Салефа, і Асармота, і Ярэ,
Ёктан нарадзіў Альмадада, Шалефа, Хацармавэта, Яраха,
і Адарама, і Узала, і Дэклы,
Гадарама, Узаля, Дыклю,
і Абала, і Абімаэля, і Сабы,
Аваля, Авімаэля, Шэву,
і Афіра, і Хавіла, і Ёбаба. Яны ўсе сыны Ектана.
Афіра, Хавіля і Ёвава. Гэтыя ўсе — сыны Ёктана.
Месца іх пражывання было, калі ісці ад Мэшы аж да Сэфара, усходняй гары.
Месца іх пражываньня было ад Мэшы ў накірунку Сэфару на ўсход.
Яны сыны Сэма паводле плямёнаў, і моў, і земляў у народах сваіх.
Гэта сыны Сэма паводле плямёнаў сваіх, паводле моваў сваіх, у землях сваіх і ў народах сваіх.
Гэта вось плямёны сыноў Ноя паводле сваяцтва і народаў сваіх. Ад іх распаўсюдзіліся народы на зямлі па патопе.
Гэта вось плямёны сыноў Ноя паводле радаводаў у народах сваіх. Ад іх распаўсюдзіліся народы на зямлі пасьля патопу.
