Быццё 36 разьдзел
Быццё
Пераклад Чарняўскага 2017 → Пераклад Антонія Бокуна
Вось нашчадкі Эзава, ён жа — Эдом.
І вось радавод Эзава, ён жа Эдом.
Эзаў узяў сабе жонак паміж дачок Ханаана: Аду, дачку Элона Хетыта, і Агалібаму, дачку Аны, сына Сібэона Харэя,
Эзаў узяў сабе жонак з дачок Ханаану: Аду, дачку Элёна Хета, і Агаліваму, дачку Аны, дачку Цывеона Хівея,
і Басэмат, дачку Ізмаэля, сястру Набаёта.
і Басэмат, дачку Ізмаэля, сястру Наваёта.
Ада нарадзіла Эліфаза; Басэмат нарадзіла Рагуэля,
І нарадзіла Ада Эзаву Эліфаза, а Басэмат нарадзіла Рэўэля,
Агалібама нарадзіла Ягуса, і Ялама, і Корэ. Гэта сыны Эзава, якія нарадзіліся яму ў зямлі Ханаан.
а Агалівама нарадзіла Евуша, Яляма і Караха. Гэта сыны Эзава, якія нарадзіліся ў яго ў зямлі Ханаан.
І ўзяў Эзаў сваіх жонак, і сыноў, і дачок, і ўсіх людзей дому свайго, дробную і буйную жывёлу, ды ўсё, што нажыў ён у зямлі Ханаан, і падаўся ў зямлю Сэір, і адышоў ад брата свайго Якуба.
І ўзяў Эзаў жонак сваіх, і сыноў сваіх, і дочак сваіх, і ўсе душы дому свайго, і статкі свае, і ўсю скаціну сваю, і ўсю маёмасьць сваю, якую ён прыдбаў у зямлі Ханаан, і пайшоў у іншую зямлю ад аблічча Якуба, брата свайго,
Былі яны вельмі багатыя, і разам не маглі яны жыць. Не змяшчала іх зямля качавання іх дзеля мноства статкаў.
бо была маёмасьць іхняя вялікая, каб яны маглі жыць разам, і не магла зямля вандраваньня іхняга насіць іх з прычыны статкаў іхніх.
І пражываў Эзаў на гары Сэір, [ён жа] — Эдом.
І пасяліўся Эзаў на гары Сэір, Эзаў, ён жа Эдом.
Вось нашчадкі Эзава, бацькі Эдома, на гары Сэір,
І вось радавод Эзава, бацькі Эдому на гары Сэір.
і вось імёны сыноў яго: Эліфаз, сын Ады, жонкі Эзава, Рагуэль, сын Басэмат, жонкі яго.
Вось імёны сыноў Эзава: Эліфаз, сын Ады, жонкі Эзава; Рэўэль, сын Басэмат, жонкі Эзава.
Сынамі Эліфаза былі: Тэман, Амар, Сэфо, і Гатам, і Кенэз.
І былі сыны Эліфаза: Тэман, Амар, Цэфо, Гатам і Кеназ.
А Тамна, што была наложніцай Эліфаза, сына Эзава, нарадзіла яму Амалека. Гэта сыны Ады, жонкі Эзава.
А Тымна была наложніцай Эліфаза, сына Эзава, і яна нарадзіла Эліфазу Амалека. Гэта сыны Ады, жонкі Эзава.
А сыны Рагуэля: Нагат і Зара, Сама і Міза. Гэта сыны Басэмат, жонкі Эзава.
І вось сыны Рэўэля: Нахат, Зэрах, Шамма і Міза. Гэтыя былі сынамі Басэмат, жонкі Эзава.
Вось сыны жонкі Эзава Агалібамы, дачкі Аны, сына Цыбэона, якіх яна нарадзіла яму: Ягус, і Ялам, і Корэ.
І вось сыны Агалівамы, дачкі Аны, дачкі Цывеона, жонкі Эзава. Яна нарадзіла Эзаву Евуша, Яляма і Караха.
Вось князі сыноў Эзава. Сыны Эліфаза, першароднага сына Эзава: князь Тэман, князь Амар, князь Сэфо, князь Кенэз,
Вось князі сыноў Эзава. Сыны Эліфаза, першароднага Эзава: князь Тэман, князь Амар, князь Цэфо, князь Кеназ,
князь Корэ, князь Гатам, князь Амалек. Гэта князі Эліфазавы ў зямлі Эдом, яны — сыны Ады.
князь Карах, князь Гатам, князь Амалек. Гэта князі Эліфаза ў зямлі Эдом, гэта сыны Ады.
Вось сыны Рагуэля, сына Эзава: князь Нагат, князь Зара, князь Сама і князь Міза. Гэта князі Рагуэлявы ў зямлі Эдом, сыны Басэмат, жонкі Эзава.
А вось сыны Рэўэля, сына Эзава: князь Нагат, князь Зэрах, князь Шамма, князь Міза. Гэта князі Рэўэля ў зямлі Эдом, гэта сыны Басэмат, жонкі Эзава.
Вось сыны Агалібамы, жонкі Эзава: князь Ягус, князь Ялам і князь Корэ. Гэта князі Агалібамавы, жонкі Эзава, дачкі Аны.
А вось сыны Агалівамы, жонкі Эзава: князь Евуш, князь Ялям, князь Карах. Гэта князі Агалівамы, дачкі Аны, жонкі Эзава.
Гэта нашчадкі Эзава, і яны — князі іх. Ён жа — Эдом.
Вось сыны Эзава, і вось князі іхныя. Гэта Эдом.
Вось сыны Сэіра Харэя, жыхары зямлі: Лотан, і Сабал, і Цыбэон, і Ана,
Вось сыны Сэіра Харэя, жыхары зямлі той: Лётан, Шаваль, Цывеон, Ана,
і Дышон, і Эцэр, і Дышан. Гэта князі Харэявы, сына Сэіра, у зямлі Эдом.
Дышон, Эцэр і Дышан. Гэта князі Харэяў, сыны Сэіра ў зямлі Эдом.
Сынамі Лотана былі: Горы і Гемам, а сястра Лотана — Тамна.
І былі сыны Лётана: Хоры і Геман, а сястра Лётана — Тымна.
А гэта сыны Сабала: Алван, і Манагат, і Эбал, Сэфо і Анам.
А вось сыны Шаваля: Альван, Манахат, Эваль, Шэфо і Анам.
А вось сыны Цыбэона: Ая і Ана. Гэта той Ана, які знайшоў гарачую крыніцу ў пустыні, калі пасвіў аслоў Цыбэона, бацькі свайго.
А вось сыны Цывеона: Ая і Ана. Гэта той Ана, які знайшоў гарачыя крыніцы ў пустыні, калі пасьвіў аслоў Цывеона, бацькі свайго.
Ён меў сына Дышона і дачку Агалібаму.
А вось сыны Аны: Дышон і Агалівама, дачка Аны.
А гэта сыны Дышона: Гемдан, і Эсбан, і Етра, і Харан.
А вось сыны Дышона: Хемдан, Эшбан, Ітран, і Херан.
А вось сыны Эцэра: Більган, і Заван, і Якан.
Вось сыны Эцэра: Більган, Зааван і Акан.
А Дышан меў сыноў Уца і Арана.
Вось сыны Дышана: Уц і Аран.
Вось князі харэяў: князь Лотан, князь Сабал, князь Сібэон, князь Ана,
Вось князі Харэяў: князь Лётан, князь Шаваль, князь Цывеон, князь Ана,
князь Дышон, князь Эцэр і князь Дышан; яны — князі харэяў паводле саслоўяў іх у зямлі Сэір.
князь Дышон, князь Эцэр, князь Дышан. Гэта князі Харэяў паводле княстваў сваіх у зямлі Сэір.
А вось якія былі цары, якія валадарылі ў зямлі Эдом, перш чым сыны Ізраэля мелі цара.
А вось валадары, якія валадарылі ў зямлі Эдом, раней за валадараньне валадароў у сыноў Ізраіля.
У Эдоме царом быў Бэла, сын Бэора, а назва горада яго — Дэнаба.
І валадарыў у Эдоме Бэла, сын Бэора, а імя гораду ягонага — Дынгава.
І памёр Бэла, і па ім валадарыў Ёбаб, сын Зары з Босры.
І памёр Бэла, і валадарыў пасьля яго Ёваў, сын Зэраха, з Боцры.
Калі памёр Ёбаб, замест яго валадарыў Гусам з зямлі Тэман.
І памёр Ёваў, і валадарыў пасьля яго Хушам, з зямлі Тэман.
А калі ён памёр, па ім валадарыў сын Бэдада, Адад, які пабіў мадыянцаў на раўніне Мааб. Назва горада яго — Авіт.
І памёр Хушам, і валадарыў пасьля яго Гадад, сын Бэдада, які пабіў Мадыянцаў на полі Мааўскім; а імя гораду ягонага — Авіт.
А калі памёр Адад, па ім валадарыў Сэмля з Масрэкі.
І памёр Гадад, і валадарыў пасьля яго Самла з Масрэкі.
А пасля яго смерці валадарыў па ім Саўл з Рэхабота, што каля ракі.
І памёр Самла, і валадарыў пасьля яго Шауль з Рэхавота, што каля ракі.
Калі ж і ён пайшоў, валадарства атрымаў Баал-Ханан, сын Ахабора.
І памёр Шауль, і валадарыў пасьля яго Баал-Ханан, сын Ахбора.
А калі ён памёр, па ім валадарыў Адад, назва горада якога Паў, а імя жонкі было Мээтабэль, дачка Матрэд, дачкі Мэзагаба.
І памёр Баал-Ханан, сын Ахбора, і валадарыў пасьля яго Гадар, а імя гораду ягонага — Паў; а імя жонкі ягонае — Мэгетавэль, дачка Матрэды, дачкі Мэзагава.
Вось імёны князёў Эзава паводле іх плямёнаў і мясцовасцей, названых іх імёнамі: князь Тамна, князь Алва, князь Етэт,
А вось імёны князёў Эзава, паводле плямёнаў іхніх, паводле мясцовасьцяў іхніх, [названых] імёнамі іхнімі: князь Тымна, князь Альва, князь Етэт,
князь Агалібама, князь Эла, князь Пінон,
князь Агалівама, князь Эла, князь Пінон,
князь Кенэз, князь Тэман, князь Мабцар,
князь Кеназ, князь Тэман, князь Міўцар,
князь Магдыэль, князь Ірам. Гэта князі Эдома, якія жывуць на зямлі валадарства свайго. І менавіта Эзаў — бацька ідумейцаў.
князь Магдыель, князь Ірам. Вось князі Эдому, паводле сялібаў іхніх, у зямлі ўласнасьці іхняй. Гэта Эзаў, бацька Эдому.