Быццё 36 разьдзел
Быццё
Пераклад Чарняўскага 2017 → Пераклад Яна Станкевіча
Вось нашчадкі Эзава, ён жа — Эдом.
І гэта радавод Ісаваў, ён жа Едом.
Эзаў узяў сабе жонак паміж дачок Ханаана: Аду, дачку Элона Хетыта, і Агалібаму, дачку Аны, сына Сібэона Харэя,
Ісаў узяў сабе жонкі з дачок Канаанскіх: Аду, дачку Елона Гэціча, а Оголіваму, дачку Аны, дачку Цывеона Гэвяніна,
і Басэмат, дачку Ізмаэля, сястру Набаёта.
А Васэмафу, дачку Ізмайлаву, сястру Наваёфаву.
Ада нарадзіла Эліфаза; Басэмат нарадзіла Рагуэля,
І нарадзіла Ада Ісаву Еліфаза; А Васэмафа нарадзіла Рагуеля.
Агалібама нарадзіла Ягуса, і Ялама, і Корэ. Гэта сыны Эзава, якія нарадзіліся яму ў зямлі Ханаан.
А Оголівама нарадзіла Евуша а Елома а Кору. Гэта сынове Ісававы, што нарадзіліся яму ў зямлі Канаанскай.
І ўзяў Эзаў сваіх жонак, і сыноў, і дачок, і ўсіх людзей дому свайго, дробную і буйную жывёлу, ды ўсё, што нажыў ён у зямлі Ханаан, і падаўся ў зямлю Сэір, і адышоў ад брата свайго Якуба.
І ўзяў Ісаў жонкі свае, і сыноў сваіх, і дачкі свае, і ўсі душы дамовы свае, і стада свае, і ўвесь статак свой, і ўсю маемасьць сваю, каторую ён прыдбаў у зямлі Канаанскай, і пайшоў да іншае зямлі ад віду Якава, брата свайго;
Былі яны вельмі багатыя, і разам не маглі яны жыць. Не змяшчала іх зямля качавання іх дзеля мноства статкаў.
Бо была маемасьць іхная вялікая, каб яны маглі жыць разам, і не магла зямля падарожжаваньня іхнага насіць іх з прычыны стадаў іхных.
І пражываў Эзаў на гары Сэір, [ён жа] — Эдом.
І асяліўся Ісаў на гары Сэір, Ісаў, ён жа Едом.
Вось нашчадкі Эзава, бацькі Эдома, на гары Сэір,
І во гэта роды Ісававы, айца Едумееў, на гары Сэір;
і вось імёны сыноў яго: Эліфаз, сын Ады, жонкі Эзава, Рагуэль, сын Басэмат, жонкі яго.
Во гэта ймёны сыноў Ісававых: Еліфаз, сын Ады, жонкі Ісававае; Рагуель, сын Васэмафы, жонкі Ісававае.
Сынамі Эліфаза былі: Тэман, Амар, Сэфо, і Гатам, і Кенэз.
І былі сынове Еліфазавы: Феман, Омар, Цефо а Ґафам а Кеназ.
А Тамна, што была наложніцай Эліфаза, сына Эзава, нарадзіла яму Амалека. Гэта сыны Ады, жонкі Эзава.
А Фамна была мамошка Еліфаза, сына Ісававага; і нарадзіла Еліфазу Амаліка. Гэта сынове Ады, жонкі Ісававае.
А сыны Рагуэля: Нагат і Зара, Сама і Міза. Гэта сыны Басэмат, жонкі Эзава.
А во, гэта сыны Рагуелявы: Нагаф а Зэраг, Шамма а Міза. Гэта былі сынове Васэмафы, жонкі Ісававае.
Вось сыны жонкі Эзава Агалібамы, дачкі Аны, сына Цыбэона, якіх яна нарадзіла яму: Ягус, і Ялам, і Корэ.
І во гэтыя былі сыны Огалівамы, дачкі Аны, дачкі Цывеона, жонкі Ісававае: і яна нарадзіла Ісаву Евуша а Елома, а Кору.
Вось князі сыноў Эзава. Сыны Эліфаза, першароднага сына Эзава: князь Тэман, князь Амар, князь Сэфо, князь Кенэз,
Во гэта князі сыноў Ісававых. Сынове Еліфаза, першароднага Ісававага: князь Феман, князь Омар, князь Цефо, князь Кеназ,
князь Корэ, князь Гатам, князь Амалек. Гэта князі Эліфазавы ў зямлі Эдом, яны — сыны Ады.
Князь Кора, князь Ґафам, князь Амалік. Гэтыя князі Еліфазовы ў зямлі Едомовае; гэта сынове Адзіны.
Вось сыны Рагуэля, сына Эзава: князь Нагат, князь Зара, князь Сама і князь Міза. Гэта князі Рагуэлявы ў зямлі Эдом, сыны Басэмат, жонкі Эзава.
І гэтыя сыны Рагуеля, сына Ісававага: князь Нагаф, князь Зэраг, князь Шамма, князь Міза. Гэтыя князі Рагуелявы ў зямлі Едомавае; гэтыя сынове Васэмафы, жонкі Ісававае.
Вось сыны Агалібамы, жонкі Эзава: князь Ягус, князь Ялам і князь Корэ. Гэта князі Агалібамавы, жонкі Эзава, дачкі Аны.
І гэтыя сыны Огалівамы, жонкі Ісававае: князь Евуш, князь Елом, князь Кора. Гэтыя князі Огалівамы, дачкі Аны, жонкі Ісававае.
Гэта нашчадкі Эзава, і яны — князі іх. Ён жа — Эдом.
Гэтыя сынове Ісававы, і гэтыя князі іхныя. Гэта Едом.
Вось сыны Сэіра Харэя, жыхары зямлі: Лотан, і Сабал, і Цыбэон, і Ана,
Гэтыя сынове Сэіра Горэяніна, жыхары зямлі тае: Лотан а Шовал а Цывеон а Ана
і Дышон, і Эцэр, і Дышан. Гэта князі Харэявы, сына Сэіра, у зямлі Эдом.
А Дышон а Ецэр а Дышан. Гэтыя князі Горэйскія, сыноў Сэіравых, у зямлі Едома.
Сынамі Лотана былі: Горы і Гемам, а сястра Лотана — Тамна.
І былі сыны Лотановы: Горы а Гэман; а сястра ў Лотана: Хімна.
А гэта сыны Сабала: Алван, і Манагат, і Эбал, Сэфо і Анам.
І гэта сынове Шоваловы: Алван а Манагаф а Евал, Шэфо а Онам.
А вось сыны Цыбэона: Ая і Ана. Гэта той Ана, які знайшоў гарачую крыніцу ў пустыні, калі пасвіў аслоў Цыбэона, бацькі свайго.
А гэтыя сыны Цывеонавы: Ая а Ана. Гэта Ана, каторы знайшоў цёплыя жаролы на пустыні, як пасьціў аслы Цывеона, айца свайго.
Ён меў сына Дышона і дачку Агалібаму.
І гэтыя дзеці Аніны: Дышон а Оголівама, дачка Аніна.
А гэта сыны Дышона: Гемдан, і Эсбан, і Етра, і Харан.
І гэтыя сыны Дышонавы: Гэмдан а Эшбан а Іфран а Херан.
А вось сыны Эцэра: Більган, і Заван, і Якан.
Гэтыя сыны Эцэравы: Білган а Зааван а Акан.
А Дышан меў сыноў Уца і Арана.
Гэтыя сыны Дышановы: Уц а Аран.
Вось князі харэяў: князь Лотан, князь Сабал, князь Сібэон, князь Ана,
Гэтыя князі Горэйскія: князь Лотан, князь Шовал, князь Цывеон, князь Ана,
князь Дышон, князь Эцэр і князь Дышан; яны — князі харэяў паводле саслоўяў іх у зямлі Сэір.
Князь Дышон, князь Эцэр, князь Дышан. Во, гэта князі Горэйскія подле князстваў сваіх у зямлі Сэір.
А вось якія былі цары, якія валадарылі ў зямлі Эдом, перш чым сыны Ізраэля мелі цара.
І во каралёве, што каралявалі ў зямлі Едомавай, пярвей за караляваньне каралёў у сыноў Ізраелявых.
У Эдоме царом быў Бэла, сын Бэора, а назва горада яго — Дэнаба.
І караляваў у Едоме Бела, сын Веораў, а імя места ягонага Дынгава.
І памёр Бэла, і па ім валадарыў Ёбаб, сын Зары з Босры.
І памер Бела, і караляваў замест яго Ёваў, сын Зэрагаў, з Восоры.
Калі памёр Ёбаб, замест яго валадарыў Гусам з зямлі Тэман.
І памер Ёваў, і караляваў замест яго Гушам, ізь зямлі Феманскае.
А калі ён памёр, па ім валадарыў сын Бэдада, Адад, які пабіў мадыянцаў на раўніне Мааб. Назва горада яго — Авіт.
І памер Гушам, і караляваў замест яго Гадад, сын Бедадаў, каторы паразіў Мідзянян на полю Моаўскім; а імя места ягонага Авіф.
А калі памёр Адад, па ім валадарыў Сэмля з Масрэкі.
І памер Гадад, і караляваў замест яго Самла з Масрэкі.
А пасля яго смерці валадарыў па ім Саўл з Рэхабота, што каля ракі.
І памер Самла, і караляваў замест яго Саўла з Рэговофа, ля ракі.
Калі ж і ён пайшоў, валадарства атрымаў Баал-Ханан, сын Ахабора.
І памер Саўла, і караляваў замест яго Баал-Ганан, сын Ахбораў.
А калі ён памёр, па ім валадарыў Адад, назва горада якога Паў, а імя жонкі было Мээтабэль, дачка Матрэд, дачкі Мэзагаба.
І памер Баал-Ганан, сын Ахбораў, і караляваў замест яго Гадар; а імя места ягонага Пагу; імя жонкі ягонае Мегетавель, дачка Матрэды, дачкі Мезагавае.
Вось імёны князёў Эзава паводле іх плямёнаў і мясцовасцей, названых іх імёнамі: князь Тамна, князь Алва, князь Етэт,
І гэтыя ймёны князёў Ісававых, подле радзімаў іхных, подле месцаў іхных, у ймёнах іхных: князь Фімна, князь Алва, князь Етэф,
князь Агалібама, князь Эла, князь Пінон,
Князь Оголівама, князь Эла, князь Пінон,
князь Кенэз, князь Тэман, князь Мабцар,
князь Кеназ, князь Феман, Міўцар,
князь Магдыэль, князь Ірам. Гэта князі Эдома, якія жывуць на зямлі валадарства свайго. І менавіта Эзаў — бацька ідумейцаў.
Князь Магдыель, князь Ірам. Гэтыя князі Едомскія, подле слялібаў іхных, у зямлі дзяржаньня іхнага, Ён Ісаў, ацец Едомічаў.