Быццё 11 разьдзел
Быццё
Пераклад Чарняўскага 2017 → Пераклад Яна Станкевіча
Была на ўсёй зямлі адна мова і аднолькавыя словы.
І была ўся тая зямля аднае мовы і адных словаў.
І калі яны вандравалі з усходу, сустрэлі раўніну ў зямлі Сэнаар і там абжыліся.
І было, як яны падарожжавалі з усходу, яны знайшлі раўніну ў зямлі Шэнар і асяліліся там.
І сказалі яны адзін аднаму: «Хадземце, наробім цэглы і абпалім яе агнём». Дык замест камянёў мелі яны цэглу, а смалу замест цэменту.
І сказалі адзін аднаму: «Дайце наробім цэглы і чыста выпалім». І мелі цэглу замест каменьня, а земляную смалу замест вапны.
І вось, сказалі яны: «Хадземце, зробім сабе горад і вежу, якой верх будзе дакранацца да неба, і зробім сабе імя, каб не расцярушыліся мы па ўсёй зямлі».
І сказалі яны: «Дайце выбудуйма сабе места а вежу, а верх ягоны ў нябёсах; і ўчыніма сабе імя, каб не расьцярушыцца па віду ўсяе зямлі».
І зышоў Госпад, каб убачыць горад і вежу, якую збудавалі сыны чалавечыя,
І зышоў СПАДАР паглядзець гэнага места а вежы, што будавалі сынове людзкія.
і сказаў Госпад: «Вось, адзін народ і адна для ўсіх мова. Гэта вось пачатак іх працы, у далейшым нічога не будзе для іх цяжкім, што б ні задумалі яны зрабіць.
І сказаў СПАДАР: «Вось, адзін люд і адна ў вусіх мова; і вось што пачалі яны рабіць, і ня ўзьдзержацца яны ад усёга, што маняцца рабіць.
Хадземце, вось, сыдзем, памяшайма там іх мову, каб не маглі зразумець гаворкі адзін аднаго».
Дайце зыйдзіма й памяшайма там мову іхную так, каб адзін не разумеў мовы другога».
Гэтак вось рассеяў іх Госпад з таго месца па ўсёй зямлі, таму перасталі будаваць горад.
І расьцярушыў іх СПАДАР адтуль па відзе ўсяе зямлі, і яны перасталі будаваць тое места.
І дзеля таго быў названы ён Бабель, бо там была памяшана мова ўсяе зямлі, і адтуль рассеяў іх Госпад па ўсёй зямлі.
За тым названа імя ягонае Бабілён, бо там памяшаў СПАДАР мову ўсяе зямлі, і стуль расьцярушыў іх СПАДАР па ўсім відзе зямлі.
Гэтыя вось нашчадкі Сэма. Сэм меў сто гадоў, калі нарадзіўся яму Арпаксад, праз два гады па патопе.
Вось роды Сэмавы: Сэму было сто год, і нарадзіў Арпаксада за два гады па патопе.
Па нараджэнні Арпаксада Сэм жыў пяцьсот гадоў і меў сыноў і дачок.
І жыў Сэм, па нараджэньню Арпаксада, пяцьсот год, і радзіў сыноў і дачкі.
Арпаксад пражыў трыццаць пяць гадоў, і нарадзіўся яму Сала.
І Арпаксад жыў трыццаць пяць год, і нарадзіў Шалага.
А па нараджэнні Салы жыў Арпаксад чатырыста тры гады і меў сыноў і дачок.
І жыў Арпаксад, па нараджэньню Шалага, чатырыста тры гады, і радзіў сыноў і дачкі.
Сала пражыў трыццаць гадоў, і нарадзіўся яму Гебэр.
І Шалаг жыў трыццаць год, і нарадзіў Эвера.
Па нараджэнні Гебэра жыў Сала чатырыста тры гады і меў сыноў і дачок.
І жыў Шалаг, па нараджэньню Эвера, чатырыста тры гады, і радзіў сыноў і дачкі.
Гебэр пражыў трыццаць чатыры гады, і нарадзіўся яму сын Пэлег,
І жыў Эвер трыццаць чатыры гады, і нарадзіў Фалека.
а па нараджэнні Пэлега жыў Гебэр чатырыста трыццаць гадоў і меў сыноў і дачок.
І жыў Эвер, па нараджэньню Фалека, чатырыста трыццаць год і радзіў сыноў і дачкі.
Пэлег пражыў трыццаць гадоў, і нарадзіўся яму Рэў.
І жыў Фалек трыццаць год, і нарадзіў Рэу.
Па нараджэнні Рэва Пэлег жыў яшчэ дзвесце дзевяць гадоў і меў сыноў і дачок.
І жыў Фалек, па нараджэньню Рэу, дзьвесьце дзевяць год, і радзіў сыноў і дачкі.
Рэў жа пражыў трыццаць два гады, і нарадзіўся яму Сэруг.
І жыў Рэу трыццаць два гады, і нарадзіў Сэруґа.
Па нараджэнні Сэруга пражыў яшчэ Рэў дзвесце сем гадоў і меў сыноў і дачок.
І жыў Рэу, па нараджэньню Сэруґа, дзьвесьце сем год, і радзіў сыноў і дачкі.
Сэруг жа пражыў трыццаць гадоў, і нарадзіўся яму Нахор.
І жыў Сэруґ трыццаць год, і нарадзіў Нагора.
Па нараджэнні Нахора Сэруг пражыў дзвесце гадоў і меў яшчэ сыноў і дачок.
І жыў Сэруґ, па нараджэньню Нагора, дзьвесьце год, і нарадзіў сыноў і дачкі.
Нахор пражыў дваццаць дзевяць гадоў, і нарадзіўся яму Тэрах.
І жыў Нагор дваццаць дзевяць год, і нарадзіў Фару.
Па нараджэнні Тэраха Нахор пражыў яшчэ сто дзевятнаццаць гадоў і меў сыноў і дачок.
І жыў Нагор, па нараджэньню Фары, сто дзевятнанцаць год, і радзіў сыноў і дачкі.
Тэрах пражыў семдзесят гадоў, і нарадзіліся яму Абрам, Нахор і Аран.
І жыў Фара семдзясят год, і нарадзіў Абрама, Нагора а Гарана.
Такія вось пакаленні Тэраха: Тэрах быў бацькам Абрама, Нахора і Арана, а Аран быў бацькам Лота.
І гэта роды Фаравы: Фара нарадзіў Абрама, Нагора а Гарана. І Гаран нарадзіў Лота.
Аран памёр яшчэ за жыццём Тэраха, бацькі свайго, у зямлі, у якой нарадзіўся, у Уры Халдэйскім.
І памер Гаран пры відзе Фары, айца свайго, у зямлі нараджэньня свайго, ув Уру Хальдэйскім.
Абрам і Нахор узялі сабе жонак. Імя жонкі Абрама Сараі, а імя жонкі Нахора Мілка. Яна дачка Арана, які меў яшчэ другую дачку на імя Іска.
І паняў Абрам а Нагор сабе жонкі: імя жонкі Абрамовае Сорай; імя жонкі Нагоравае Мілка, дачка Гаранова, айца Мілчынага а айца Ісчынага.
Сараі была бясплодная і не мела дзяцей.
А Сорай была няплодная, ня было ў яе дзецяняці.
І ўзяў Тэрах Абрама, Лота, сына Арана, свайго ўнука, і Сараі, сваю нявестку, жонку Абрама, сына свайго, і вывеў іх з Ура Халдэйскага, каб пайсці ў зямлю Ханаан. Але дайшлі яны да Харана і абжыліся там.
І ўзяў Фара Абрама, сына свайго, і Лота, сына Гарановага, унука свайго, і Сорай нявестку сваю, жонку Абрама, сына свайго, і вышлі яны зь імі з Ура Хальдэйскага, каб ісьці да зямлі Канаанскае; і дайшлі да Гарану, і аселі там.
І было дзён Тэраха дзвесце пяць гадоў, і памёр ён у Харане.
І было дзён жыцьця Фары дзьвесьце пяць год, і памер Фара ў Гаране.