Ёва 27 разьдзел
Кніга Ёва
Пераклад Чарняўскага 2017 → Пераклад Чарняўскага 2012
І дадаў Ёў, прцягваючы прыпавесць сваю, і сказаў:
І дадаў Ёў, пачынаючы прыпавесць сваю, і сказаў:
«Жыве Бог, Які пазбавіў мяне суда, і Усемагутны, Які прывёў да горычы душу маю,
«Жыве Бог, Які пазбавіў мяне суда, і Усемагутны, Які прывёў да горычы душу маю,
бо, пакуль яшчэ трывае дыханне ўва мне і [пакуль] Дух Божы — у ноздрах маіх,
бо, пакуль яшчэ трывае дыханне ўва мне і [пакуль] Дух Божы — у ноздрах маіх,
не скажуць вусны мае несправядлівасці і язык мой не будзе гаварыць хлусні!
не скажуць вусны мае несправядлівасці і язык мой не будзе гаварыць хлусні!
Барані, Божа, каб я лічыў вас справядлівымі; пакуль не памру, не адступлюся ад сваёй невінаватасці.
Барані, Божа, каб я лічыў вас справядлівымі; пакуль не памру, не адступлюся ад сваёй невінаватасці.
Апраўдання свайго, якога пачаў я трымацца, не адкіну, не асуджае мяне сэрца маё за цэлае жыццё маё.
Апраўдання свайго, якога пачаў я трымацца, не адкіну, не асуджае мяне сэрца маё за цэлае жыццё маё.
Непрыяцель мой хай будзе, як бязбожнік, і праціўнік мой — як злачынца.
Непрыяцель мой хай будзе, як бязбожнік, і праціўнік мой — як злачынца.
Якая ж надзея бязбожніка, калі сцінае, калі забірае Бог душу яго?
Якая ж надзея бязбожніка, калі сцінае, калі забірае Бог душу яго?
Ці выслухае Бог крык яго, калі прыйдзе да яго бяда?
Ці выслухае Бог крык яго, калі прыйдзе да яго бяда?
Ці зможа ён цешыцца Усемагутным і прызываць Бога ўвесь час?
Ці зможа ён цешыцца Усемагутным і прызываць Бога ўвесь час?
Я апавяшчу вам пра руку Божую, нічога не буду ўтойваць з таго, што мае Усемагутны.
Я апавяшчу вам пра руку Божую, нічога не буду ўтойваць з таго, што мае Усемагутны.
Вось жа, вы ўсё гэта бачылі, дык нашто пустая гаворка без прычыны?
Вось жа, вы ўсё гэта бачылі, дык нашто пустая гаворка без прычыны?
Такая вось доля грэшнага чалавека ў Бога і спадчына крыўдзіцеляў, якую атрымаюць ад Усемагутнага.
Такая вось доля грэшнага чалавека ў Бога і спадчына крыўдзіцеляў, якую атрымаюць ад Усемагутнага.
Калі размножацца сыны яго, пад мечам будуць, і нашчадкі яго не насыцяцца хлебам.
Калі размножацца сыны яго, пад мечам будуць, і нашчадкі яго не насыцяцца хлебам.
Тыя, што застануцца ад яго, будуць пахаваныя ў згубе, і ўдовы яго не будуць плакаць.
Тыя, што застануцца ад яго, будуць пахаваныя ў згубе, і ўдовы яго не будуць плакаць.
Калі наносіць ён срэбра, як пяску, і нарыхтуе адзення, як гліны,
Калі наносіць ён срэбра, як пяску, і нарыхтуе адзення, як гліны,
ён, сапраўды, прыгатуе, але апранецца ў іх справядлівы, і срэбра падзеліць бязгрэшны.
ён, сапраўды, прыгатуе, але апранецца ў іх справядлівы, і срэбра падзеліць бязгрэшны.
Пабудаваў ён, як павук, дом сабе і, як вартаўнік, зрабіў сабе шалаш.
Пабудаваў ён, як павук, дом сабе і, як вартаўнік, зрабіў сабе шалаш.
Багаты, калі засне, нічога з сабой не забярэ; расплюшчыць ён вочы свае і нічога не знойдзе.
Багаты, калі засне, нічога з сабой не забярэ; расплюшчыць ён вочы свае і нічога не знойдзе.
Ахопіць яго нястача, як вада, ноччу прыцісне яго навальніца.
Ахопіць яго нястача, як вада, ноччу прыцісне яго навальніца.
Падхопіць яго вецер гарачы і панясе, ды, быццам віхура, сарве яго з месца яго.
Падхопіць яго вецер гарачы і панясе, ды, быццам віхура, сарве яго з месца яго.
Ён нашле ўсё гэта на яго і не пашкадуе; і будзе ўцякаць, каб уцячы з рукі Яго.
Ён нашле ўсё гэта на яго і не пашкадуе; і будзе ўцякаць, каб уцячы з рукі Яго.
Будзе пляскаць над ім Сваімі рукамі і асвішча яго са Свайго месца.
Будзе пляскаць над ім Сваімі рукамі і асвішча яго са Свайго месца.
