Псалтыр 7 псалом
Псалтыр
Пераклад Л. Дзекуць-Малея → Пераклад Яна Станкевіча
Лямант Давіда, што пяяў ён Госпаду з прычыны Куша, Бэніямінавага сына.
Шыґаён Давідаў, каторы ён пяяў СПАДАРУ ўзглядам Куша Веняміняніна.
Госпадзе, Божа мой! У Цябе я шукаю прыпынку! Спасі мяне ад усіх перасьледавацеляў маіх і вызваль мяне!
СПАДАРУ, Божа мой! у Табе я хаваюся; выбаў мяне ад усіх перасьледаваньнікаў маіх і вывальні мяне,
Хай ня возьме, бы леў, жыцьця майго і не разарве мяне, калі некаму ратаваці!
Каб ня ірваў, бы леў, душы мае, разрываў, і няма ратаваньніка.
Госпадзе, Божа мой! Калі я ўчыніў гэткае, калі беззаконьне да рук маіх прыляпілася,
СПАДАРУ, Божа мой! калі зрабіў я гэта, малі ё бяспраўе ў руках маіх,
калі зло я зрабіў таму, хто жыў са мной мірна, ды не ратаваў таго, хто чапаў мяне бяз прычыны, —
Калі я плаціў ліхам зычліваму свайму альбо глабаў уцісканьніка свайго бяз дай прычыны, —
тады няхай гоніць вораг мяне і дагоніць, хай жыцьцё маё ўтопча ў зямлю і чэсьць маю кіне ў пыл! (Зэля)
Хай жанець непрыяцель душу маю, і дажанець мяне, і хай утопча ў зямлю жыцьцё мае, і хай аселе славу маю ў пыле. Сэля.
Паўстань, Госпадзе, у гневе Тваім! Узьніміся проці лютасьці перасьледавацеляў маіх! Збудзіся дзеля мяне на суд, што Ты запаведаў!
Паўстань, СПАДАРУ, у гневе Сваім, узьніміся супроці злосьці непрыяцеляў маіх, прачхніся дзеля мяне на суд, прызначаны табою.
Няхай зграмадзяцца народы навакол Цябе; Ты засядзь над імі на высачыні.
І збор людаў абступе Цябе, і над ім на вышыню зьвярніся.
Госпад судзіць народы. Судзі-ж мяне. Госпадзе, паводле справядлівасьці маёй і паводле нявіннасьці маёй, што ёсьць у-ва мне!
СПАДАР судзе люды. Судзі мяне, СПАДАРУ, подле справядлівасьці мае й подле нявіннасьці, што ў імне.
Зваюй злосьць бязбожнікаў і ўмацуй пабожных, — Ты, што выспрабовуеш сэрцы й нутро, Божа Справядлівы!
Няхай жа скончыцца злосьць нягодных, але ўмацуй справядлівага, Ты, Каторы прабуеш сэрца й ныркі, Божа справядлівы!
Трымае шчыт мой Той, хто шчырых сэрцам ратуе.
Спадзева мая на Бога, Каторы выбаўляе шчырых сэрцам.
Бог ёсьць Судзьдзя Справядлівы і Бог, што строга што-дня зыскуе.
Бог — судзьдзя справядлівы, і Бог абураецца кажны дзень,
Калі не наварачываюцца, ён вострыць свой меч, ужо нацягнуў Ён Свой лук і мае напагатове
Калі хто не наварачаецца. Бог найстра Свой меч, лук Свой Ён напінае а гатуе;
ды кладзе на яго прылады сьмерці: стрэлы Свае Ён робіць палючымі.
І яму прыгатаваў снадзі сьмерці, стрэлы перасьледаваньнікам Сваім робе.
Вось, ліхое бязбожнік зачаў, цяжарны злом ходзіць і здраду спародзіць.
Вось, ён пачынае ліха, і цяжарны крыўдаю, і родзе ману.
Яму капаў ён і выкапаў, але сам уваліцца ў дол, што зрабіў.
Яму капаў, і выкапаў яе, і ўваліўся ў дол, каторы зрабіў.
Ліха, якое надумаў, спадзе на галаву яму, і на цемя ягонае зваліцца беззаконьне яго.
Хай абернецца злосьць ягоная на галаву ягоную, і на цемя ягонае глабаньне ягонае хай зыйдзе.
Дзякую Госпаду за суд справядлівы і хвалу пяю іменьню Госпада Найвышэйшага.
Я слаўлю СПАДАРА подле справядлівасьці Ягонае і пяю імені СПАДАРА Навышняга.
