3 Яна 1 разьдзел

 

 

Стары, любаснаму Гаю, якога я люблю шчыра.

 

Староста — улюбёнаму Гаю, якога я люблю ў праўдзе.

Любасны! жадаю і малюся, каб табе быць здаровым і ішло спрыяльна ўва ўсім (тваім служэньні Богу), як ідзе спрыяльна душы тваёй.

 

Улюбёны! Малюся, каб ты быў здаровы і пасьпяховы ў-ва ўсім, як пасьпяховая душа твая.

Бо я вельмі ўзра́даваўся, як прыйшлі браты і засьведчылі тваю праўду, як ты ходзіш у Праўдзе.

 

Бо я вельмі ўзрадаваўся, калі прыйшлі браты і засьведчылі пра тваю праўду, як ты ходзіш у праўдзе.

Ня маю большай радасьці, як чуць пра дзяцей маіх, што ходзяць у Праўдзе.

 

Для мяне няма большай радасьці, як чуць, што дзеці мае ходзяць у праўдзе.

Любасны! ты робіш правільна (у тым), што (ты) робіш для братоў і для гасьцей.

 

Улюбёны! Ты робіш вернае ў тым, што робіш для братоў і для чужынцаў,

Яны засьведчылі перад царквой пра тваю любоў. Ты добра зробіш, калі адправіш іх, як годна (перад) Богам,

 

якія засьведчылі перад царквою пра тваю любоў. Ты добра зробіш, правёўшы іх, як належыцца перад Богам,

бо яны выйшлі (у дарогу) і дзеля Імені (Ягонага) нічога ня ўзяўшы ад паганаў.

 

бо яны дзеля імя Ягонага пайшлі, нічога ня ўзяўшы ад паганаў.

Дык мы павíнны прыма́ць гэтакіх, каб быць супрацоўнікамі Праўды.

 

А мы павінны прыймаць гэтакіх, каб стацца супрацоўнікамі праўдзе.

Я напісаў царкве, але Дыятрэф, што любіць у іх быць першым, ня прызнае нас.

 

Я пісаў царкве, але Дыятрэф, які любіць у іх быць першым, не прызнае нас.

Пагэтаму, калі я прыйду, напомню ягоныя ўчынкі, якія ён робіць, зьняважаючы нас злымі словамі і ня здавальняючыся гэтым, ён да таго ж ня прымае братоў і забараняе тым, хто жадае (прыняць), ды із царквы выганяе.

 

Дзеля гэтага, калі я прыйду, нагадаю пра ўчынкі ягоныя, якія ён робіць, абмаўляючы нас злымі словамі; і не задавольваючыся гэтым, і сам не прызнае братоў, і тым, якія хочуць, забараняе, і выганяе з царквы.

Любасны! ня пасьледуй злу, але дабру. Той, хто робіць дабро, ён ёсьць ад Бога, але той, хто робіць зло, ня бачыў Бога.

 

Улюбёны! Не пераймай ліхое, але добрае. Хто робіць дабро, той ад Бога; а хто робіць ліхое, ня бачыў Бога.

Пра Зьмітра засьведчана ўсімі і самой праўдаю; і мы сьведчым, і вы ведаеце, што сьведчаньне нашае праўдзівае.

 

Пра Дэмэтрыя засьведчана ўсімі і самой праўдаю, і мы сьведчым, і вы ведаеце, што сьведчаньне нашае праўдзівае.

Шмат меў я пісаць; але ня хачу пісаць да цябе чарніламі і пяром,

 

Шмат меў я пісаць, але не хачу пісаць табе атрамантам і трысьцінай,

але спадзяюся хутка ўбачыць цябе і гаварыць з вуснаў да вуснаў. Мір табе! Вітаюць цябе сябры; прывітай сяброў паіменна.

 

а спадзяюся неўзабаве пабачыць цябе і гаварыць вуснамі ў вусны.