1 да Фесаланікійцаў 5 разьдзел
Першае пасланьне да Фесаланікійцаў
Пераклад П. Татарыновіча → Пераклад Яна Станкевіча
Аб часах-жа і порах (калі гэта станецца), няма патрэбы вам, браты, пісаць;
Праз часы ж а поры, браты, не маеце вы патрэбы, каб пісаць вам,
самі бо добра ведаеце, што дзень Госпада гэтак прыйдзе, як злодзей уночы.
Бо самы вы дабрусенька ведаеце, што дзень Спадароў, як злодзей ночы, прыйдзе.
Якраз як гаварыць будуць: «супакой і бясьпека», нахлыне тады зьнячэўку загібель, як боль на жанчыну цяжарную неадступны.
Як будуць гукаць: «Супакой а бясьпечнасьць», тады зьнецікі прыйдзе загуба на іх, як трудненьне на тую, што зь дзяцём, і ніяк не ўцякуць.
Алеж вы, браты, не астаецеся ў цемры, каб дзень гэны засьцігнуў вас, як злодзей:
Але вы, браты, ня ў цемні, каб дзень засьпеў вас, як злодзей;
усе вы сыны сьвятла і сыны дня, мы ня сыны ночы ані цемры.
Бо ўсі вы сынове сьвятліні а сынове дня: мы — ня сынове ночы ані цемні.
Дык ня будзем-жа драмаць (у граху), як іншые, а — крэзвіцца й цьвяразіцца,
Дык ня сьпіма, як засталыя, але будзьма чукавыя а цьвярозыя.
тые бо, што сьпяць, уночы сьпяць, і тые, што ўпіваюцца уночы ўпіваюцца.
Бо сьпячыя сьпяць ночы, і п’янчачыя п’янчацца ночы.
Мы-ж належачые дню, цьвярозымі будзьма, узброіўшыся верай і любасьцю ды шлемам збаўчае надзеі;
Мы ж, будучы сынамі дня, цьверазімася, надзеўшы панцыр веры а міласьці і шолам надзеі спасеньня.
бо не празначыў нас Бог на гнеў, а на тое, каб атрымалі мы збаўленне праз Збавіцеля нашага Езуса Хрыстуса,
Бо Бог прызначыў нас не на гнеў, але на адзяржаньне спасеньня пераз Спадара нашага Ісуса Хрыста,
што ўмёр за нас, каб мы ці сьпячые, ці крэзвые, жылі зь Ім разам.
Памерлага за нас, каб, ці чукавыя мы, ці сьпім, жылі разам ізь Ім.
Таму вось пацяшайце сябе ўзаемна ды навучайце адзін другога, як то й робіце.
Дык цешча адны адных і будуйце адны адных, як вы й робіце.
І просім вас, браты, паважайце тых, што сярод вас працуюць і пастаўлены ў Богу над вамі ды даюць вам напамін;
І просім вас, браты, знаць працуючых у вас і тых, што дамяняюць вам,
шчыра любеце за іхняе дзела; жывеце ў згодзе між сабою.
І надта паважаць іх у любосьці за працу іхную; будзьце ў супакою мяжсобку.
Просім вас такжа, браты, уразумляйце ўпорыста-лядакіх, пацяшайце маладушных, падтрымоўвайце слабых, а цярплівымі будзьце для ўсіх.
Мы ж заклікаем вас, браты, дамяняйце ляным, цешча лентых, памагайце слабым, будзьце цярплівыя з усімі.
Глядзеце, каб ніхто нікому не адплачваў злом за зло, а шукайце заўсёды дабра адзін другому, ды й усім.
Глядзіце, каб ніхто не аддаваў каму ліхам за ліха, але заўсёды імкніцеся да дабра адзін да аднаго і да ўсіх.
Заўсёды радуйцеся.
Заўсёды цешчася.
Нясупынна малецеся.
Бязупынку маліцеся.
За ўсё дзякуйце, такая бо воля Божая ў Езусе Хрыстусе аб вас.
За ўсе дзякуйце, бо гэта ё воля Божая праз вас у Хрысту Ісусу.
Духа не гасеце.
Духа не гасіце.
Прароцтвамі не пагарджайце.
Прароцтвы ўлегцы ня майце.
Усё выпрабоўвайце; добрага трымайцеся.
Усяго прабуйце, добрага моцна дзяржыцеся.
Устрымоўвайцеся ад усякага роду зла.
Узьдзержуйцеся ад кажнага роду нягоднасьці.
А сам Бог супакою-згоды хай усьвеньціць вас у ва ўсёй поўні, і ўвесь ваш дух, і душа, і цела хай захаваецца без заганы на прыйсьцё Усеспадара нашага Езуса Хрыстуса.
Сам жа Бог супакою няхай супоўна пасьвяціць вас, і ўвесь дух вашы, і душа, і цела няхай захаваюцца беззаганнымі на прыход Спадара нашага Ісуса Хрыста.
Верны Той, Хто вас паклікаў, Ён і зьдзейсьніць (гэта).
Верны Тый, Каторы гукае вас, Каторы запраўды ўчыне гэта.
Браты, за нас малецеся!
Браты, маліцеся за нас.
Прывітайце ўсю братву сьвятым цалункам.
Паздаровайце ўсіх братоў ізь сьвятым цалаваньням.
Заклінаю вас Госпадам — прачытаць гэты Ліст усім братом сьвятым. Ласка Усеспадара нашага Езуса Хрыстуса хай будзе з вамі. Амэн.
Прысягаю вас Спадаром прачытаць гэты ліст усім братом.
