Числа 20 Числа 20 разьдзел

¹ Приидоша же сынове Ізраилевы и все множество на пустыню Синъ месеца перваго. и осташа людие в Кадисе; и умре ту Мария, сестра Моисеева, и погребоша ю на том месте.

² И егда людие потребоваху воды, собралися на Моисея и на Аарона,

³ а обратившися во сваръ, и рекоша: «Лепей было намъ загинути съ братиею нашею предъ Господемъ!

⁴ Почто изведосте люди Божия во пустыню, хотячи поморити насъ и скот нашъ?

⁵ Чему есте вывели насъ ізъ Египта и вовели в сее место презлое, на немже не может ся сеяти и ниже родятся смокве и ни грозновие вина, и ни овоще яблокъ? К тому ани воды имамы пити».

⁶ Тогда Моисей и Аарон, оставивъши людей предъ храмомъ, вшедши сами во Храмъ Сведения, падоша на лица своя на земли и возопиша къ Господу, глаголюще: «Господи Боже! Услыши крикъ людей сихъ и отверзи имъ сокровище Твое, кладезь водъ живых, да напивъшися до сытости и престануть от роптанией своихъ». И явися слава Божия над ними,

⁷ и рече Господь к Моисею:

⁸ «Возми жезлъ Аароновъ и сзовите людей ты и Ааронъ, братъ твой, и молте ко скале пред ними и она выдасть воду. А внегда выведешъ воду от скалы, пити будеть все множество и скоти их».

⁹ И взялъ естъ Моисей жезлъ, еже былъ предъ лицемъ Божиимъ, якоже повеле ему Господь,

¹⁰ и созвавъ множество людей ко скале, и рече имъ: «Послушайте, непокоривии и невернии! Еда ли от скалы сее возможемо вамъ вывести воду?»

¹¹ И внегда Моисей воздвиже руку и вдари жезлом двожды у скалу, выплынуша воды премноги, тако иже напишеся людие и скотъ их.

¹² Тогда рече Господь Моисееви и Ааронови: «Понеже не веровасте Мне и не посвятисте Мя предъ сыны Ізраилевыми, сего для не воведете людей сих до земли, юже дахъ имъ».

¹³ Сия естъ вода Свару и пререкания,a игдеже сваришеся сынове Ізраилевы на Господа и посвященъ естъ в нихъ.

¹⁴ Того часу послалъ Моисей послы от пустыни Кадысъ ко царю Едомлю, глаголя: «Сие повеле поведати тобе братъ твой Ізраиль: Ты знаешъ весь трудъ нашъ, еже имамы,

¹⁵ яко отцеве наши пришли до Египта и живяхомъ тамъ за долъгый часъ, и зневолили насъ Египтяне и отцевъ нашихъ;

¹⁶ и яко вопихом къ Господу Богу и услышалъ насъ, и послалъ ангела Своего, онже выведе нас ізъ Египта. Ныне же есмы в Кадысе, граде, еже естъ на пределехъ твоихъ.

¹⁷ Сего ради просимо тебе, да проидемъ скрозе землю твою. Не пойдемъ по нивах твоих и ни по виноградехъ твоихъ, и не будемъ пити воды от кладезей твоихъ, но проидемъ путемъ великимъ, не ухиляющеся ни направо и ни налево, донеле же минемъ пределы земли твоея».

¹⁸ К нему же отповеделъ царь Едомль: «Не пойдеши скрозе землю мою, а естъли пойдешъ, то ратию и во зброи стрещу тебе».

¹⁹ И въсказаша к нему сынове Ізраилевы: «Путемъ великимъ пойдемъ, а естъли же напиемся воды твоея мы или скотъ нашъ, заплатимъ, что справедливого естъ, не будеть в томъ вамъ никаковы тяготы, толико да скоро идемъ».

²⁰ Онъ же отвеща имъ: «Не пойдете». И спешъне вышолъ естъ противу имъ со множествомъ великим без числа и с рукою силною

²¹ и ниже хотелъ допустити, чего просили, абы шли скрозе землю его. Протожъ уклонилися от него сынове Ізраилевы.

²² И внегда рушилися от Кадиса, положилися с полки своими у горы Оръ, еже естъ на пределехъ Едомских.

²³ Тамо же рече Господь к Моисею, глаголя:

²⁴ «Да умреть Аарон и приложится к людемъ своимъ, не вниидеть убо во землю, юже дамъ сыномъ Ізраилевым, яко не верова словомъ Моимъ у водъ Противления.b

²⁵ Поими жъ Аарона и сына его с нимъ и возведи их на гору Оръ.

²⁶ И внегда звлечешъ отца з ризъ его, облечешъ в ня Елиазара, сына его. Ааронъ пакъ, склонився, умреть ту».

²⁷ И вчинилъ естъ Моисей, якоже повеле ему Господь, и воступили суть на гору Оръ предо всем множеством.

²⁸ И егда звлече Аарона з ризъ его, облече в ня Елиазара, сына его. И егда онъ умеръ на верху горы, ступили суть доловъ Моисей и Елиазаръ.

²⁹ Вси пакъ людие, узревши, яко умре Ааронъ, плакаша его за тридцеть дней по всехъ челедехъ своихъ.