Числа 13 Числа 13 разьдзел

¹ По сем же рушилися суть людие от Асерофа и жилися с полки во пустыни Фаранъ.

² И рече тамо полоГосподь к Моисею, глаголя:

³ «Пошли мужей, ониже бы согледали землю Ханаанеску, юже дамъ сыномъ Ізраилевымъ, по единому з каждого поколения от князей».

⁴ И вчинилъ естъ Моисей по всему, якоже повеле ему Господь. И послал от пустыни Фаранъ мужей старейшенъ, ихже сия суть имена:

⁵ от племеня Рувимова — Семмея, сына Сехурова;

⁶ от племеня Симеонова — Сафата, сына Сурина;

⁷ от племеня Іудина — Калефа, сына Ефонова;

⁸ от племеня Ізахарова — Ігала, сына Іосифова;

⁹ от племеня Ефраимова — Озию, сына Наувина;

¹⁰ от племеня Вениаминова — Фалтия, сына Рафуилева;

¹¹ от племеня Зевулоня — Едыиля, сына Зодыева;

¹² от племеня Іосифова, от роду Манасиева — Геддыя, сына Зузиева;

¹³ от племеня Данова — Амиеля, сына Емиилева;

¹⁴ от племеня Асерова — Сесура, сына Михаилова;

¹⁵ от племеня Нефталимля — Наава, сына Напсина;

¹⁶ от племеня Гадова — Егуила, сына Махина.

¹⁷ Сия сут имена мужев, ихже послал ест Моисей согледати земли Ханаани.b И назвал ест Озию, сына Наувина: Ісусъ.

¹⁸ И послалъ естъ ихъ Моисей, да бы согледали землю Ханааню, и рече имъ: «Идите по той стране, еже естъ к полудню. И внегда приидете на горы,

¹⁹ согледайте жъ земли, якова естъ, и людей, живущихъ на ней: силни ли суть чили не силни, много ли их чили мало;

²⁰ земля теже добра ли естъ чили зла; грады яковы суть: огражены ли чили ни;

²¹ поля плодна ли чили неплодна; суть ли в ней лесове чили не суть. Укрепитеся ж и принесите намъ от овощев земли тое». Был пакъ естъ тогды часъ, внегда дозрели винные грознове и едены могли быти.

²² Тогда, шедши, согледали землю, поченши от пустыни Синъ, даже до Ороба, входящимъ до Емафа.

²³ И воступиша ко стране полуденной, и приидоша в Хевронъ, в немже беша Ахиманъ, и Сизай, и Толмай, сынове Енафовы. Хевронъ убо седмъ летъ прежде Танима, града египетскаго, сооруженъ бысть.

²⁴ И оттоле идуще, пришли даже к потоку Грозновуc  и ту урезали суть леторасль со грозномъ ея, юже несяху на носиле два мужи. Яблокъc теже зернатыхъ и смоковъ набрали с собою от того места,

²⁵ иже именовашеся Негелешковъ, еже исказуется потокъ Грозна, прото иже оттоле взяли грозенъ сынове Ізраилевы.

²⁶ И возвратилися суть согледатаи по че

²⁷ Сходивши и созревши всю страну земли, пришли к Моисею и ко Аарону, и ко всимъ людемъ Ізраилевымъ въ пустыню Фаранъ, еже естъ в Кадысе, и споведающе имъ и всемъ людемъ, указали суть овоще земли,

²⁸ глаголюще: «Ходихове до земли, до неаже посыласте насъ. Земля же по правде естъ кипяще млекомъ и медомъ, яко ж от овощевъ сихъ ея познати можете,

²⁹ но людие, живущии на ней, суть велми силни, грады велики и огражены крепце. Тамъ есмо видели родину Енакову.

³⁰ Амалехъ, той живеть к полуденной стране. Хеттеи, Евузеи, Амореи — сие обитають на горахъ. Хананей пакъ пребываеть у моря и у реки Іорданское».

³¹ Затым же Калефъ, укрочая роптание людей, еже бе на Моисея, и рече: «Пойдимо и возмимо землю, яко можемы приати ю».

³² Инии пакъ, еже ходиша с нимъ, глаголаша: «Не йдимо, понеже не можемъ ко таковымъ людемъ приступити, ониже силнейшие суть над насъ».

³³ И срамотили тако и хулили землю, юже согледали, предъ сыны Ізраилевыми, глаголюще: «Земля, юже сходихове, губить живущихъ на ней.

³⁴ Люди пак, ихже видехом, высоци суть. Тамъ теже видехоме неакая чуда — сынов Енаковых от племеня волотов, иже мы, яко бы прузи, мали бехом пред ними».