Числа 17 Числа 17 разьдзел

¹ Ирече Господь Моисееви, глаголя:

² «Ирци сыномъ Ізраилевымъ и возми от нихъ жезлы — от каждого поколения единъ, от всихъ князей жезлов дванадесеть, и на каждомъ жезле напиши имя того поколения, от негоже естъю;

³ Аароновъ пакъ жезлъ будеть во племени леувитскомъ, на немже напишеши имя его от всего поколения Леувиева —

⁴ и поставиши ихъ во Храме Сведения пред Скринею Завета, игдеже глаголю к тобе.

⁵ И кого от нихъ выберу, того жезлъ процвитеть. И отвращу от Себе жалобы сыновъ Ізраилевыхъ, имиже роптаху на васъ».

⁶ И глагола Моисей сыномъ Ізраилевым, и дали ему жезлы вси князи единый каждый от поколения своего, и было естъ жезловъ дванадесеть кроме жезла Ааронова.

⁷ И постави Моисей вси жезлы во Храме Сведения.

⁸ Другаго пакъ дня внииде во храмъ и знайде: се процвите жезлъ Ааронов во доме Леувиеве, возрастив пупышекъ и выпусти[в] листие и цветець, и мигдлы з него росли.

⁹ Тогда Моисей вынесе вси жезлы изъ храму от лица Божия ко сыномъ Ізраилевымъ, видели же вси и взя единый каждый жезлъ свой.

¹⁰ И рече Господь Моисееви: «Внеси опять жезлъ Ааронов во Храмъ Сведения, да соблюдется тамо на знамя роптания сыновъ Ізраилевыхъ, и тако да престанеть жалоба ихъ, да не изомруть».

¹¹ И вчинилъ естъ Моисей, якоже повеле ему Господь Богъ.

¹² Тогда рекоша сынове Ізраилевы к Моисею: «Се есмо велми умалены и вси загинем,

¹³ понеже кто от нас приступит ко Храму Божию, той умрет. Еда ли тако до конца вси имамы погинути?»