Блудяху людие со дщерами Моавскими, Господь повеле погубити таковыхъ. Финеисъ-жрець убилъ князя Замврия и тако укротилъ гневъ Божий.
1 Того часу пребыша людие Ізраилевы в Сефиме. И соблудиша людие со дщерами Моавскими,
2 они пакъ позваша их ко жерътвамъ кумировъ своихъ, тии же ядоша с ними и кланяшеся богомъ ихъ.
3 И поклонишеся людие Ізраилевы кумиру Вель-Фегору. Сего ради разгневался естъ Господь
4 и рече Моисееви: «Возми всех князей людскихъ и повешай ихъ на виселницехъ противу солнецу и отвратится гневъ Мой от людей Ізраилевыхъ».
5 И рече Моисей ко судьямъ людъскимъ: «Забий единый каждый ближнего своего, ониже кланялися суть кумиру Вель-Фегору».
6 И се человек от сынов Ізраилевых пред братиею своею вниде ко блудници Мадиамской, зрящу на то Моисею и всему множеству сыновъ Ізраилевыхъ, ониже плакаху предъ дверми Храму Божия.
7 Сее внегда узрелъ Финеисъ, сынъ Елиазаровъ, сына Ааронова, жерца, восхопился от всего множества людей Ізраилевыхъ и, вземъ сулицу,
8 идяше за человеком тым Ізраильтяниномъ во храмину и прободе обудву сулицею, мужа и жену, скрозе утробу ихъ. И престала естъ язва от сыновъ Ізраилевыхъ.
9 А погибе в той часъ людей двадцеть тысещей и четыре тысещи.
10 Тогда рече Богъ к Моисею:
11 «Финеисъ, сынъ Елиазаровъ, внукъ Аарона-жерца, отвратилъ гневъ Мой от сынов Ізраилевыхъ, яко ревнованиемъ Мои розгневался на нихъ, абыхъ Я Самъ не погубилъ сыновъ Ізраилевыхъ во гневе Моемъ.
12 Сего для речеши к нему: се Азъ даю ему миръ завета Моего,
13 а будет и ему, и семени его слюбъ вечного жречества, понеже возревновалъ естъ для Бога своего и оцестил грехъ претяжкий от сыновъ Ізраилевых».
14 И было имя человека того Ізраилтянина, онже убитъ ест со женою, блудницею Мадиамскою, Замврий, сынъ Салуевъ, князь от дому и с поколения сыновъ Семионовыхъ.
15 Жена пакъ тая Мадиамская, еже с нимъ убита естъ, называшеся Козва, дщера Сурова, найславнейшего князя Мадиамского.
16 И рече Господь Моисею, глаголя:
17 «Да познають Мадиамъляне, яко врази имъ суть сынове Ізраилевы! Побийте ихъ,
18 понеже и они соблазниша вами и прелстиша васъ кумиромъ Фегоромъ и Козвою, дщерою князя Мадиамскаго, сестрою своею, еже убита естъ въ день помсты для ідолопоклонения Фегорова».
Знайшлі памылку ў тэксце? Вылучыце яе і націсніце:
Ctrl + Enter
Книги Числа, 25 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.