Даеть законъ о сиротахъ, дщерахъ Солфатовых. Господь Богъ показа Моисееви землю обетованную. И о поставлении Исуса Наувина надъ людьми воеводою, на негоже Моисей руце свое возложилъ.
1 Тогда приступили сут дщеры Салфатовы, сына Еферова, сына Галадова, сына Махирова, сына Манасиина, онже бяше сын Іосифовъ, имже сия беша имена: Маала, Ноя, Егла, Мелха и Терса,
2 и сташа предъ Моисеемъ и Елиазаромъ-жерцемъ и предо всеми князми людскими у дверей Храму Божия, и рекоша:
3 «Отець нашъ умеръ естъ во пустыни, а не был во собрании томъ, еже настрои Хорей на Господа, но во гресе своемъ умре, а к тому не имеажеa сынов.
4 Ныне же да не загинет имя его от среды людей, иже не имеаше сына. Дайте намъ часть межи племенемъ отца нашего».
5 И принесе Моисей слова ихъ предъ Господа.
6 И рече к нему Господь:
7 «Справедливое речи жадають дщеры Салфатовы. Дай имъ часть межи племенемъ отца ихъ, да владеють въместо его.
8 Сыномъ пакъ Ізраилевым сице речеши: “Человек естъли же умреть без сына, дщере его достанется отчизна.
9 Пакли же не будет имети дщеры, то достанется братии его.
10 Естъли же пакъ ани братии будеть имети, дайте отчизну братии отца его.
11 Ащели же не будеть ни братии отца его, то отдана будеть ближнему племеню его”. И будеть сее сыномъ Ізраилевымъ утвержено закономъ вечнымъ, якоже повеле Господь Богъ Моисееви».
12 И рече Господь Богъ к Моисею: «Узойди на гору сию Аваримъ и согледаешъ землю, юже дамъ сыномъ Ізраилевымъ.
13 И внегда погледиш на нее, приложишися и ты к людем своимъ, якоже приложился ест братъ твой Ааронъ,
14 понеже разгневасте Мя во пустыни Синъ во роптании сонма и не освятисте Мя пред ними у вод Пререкания, еже суть в Кадысе, [въ] пустыни Синъ».
15 К нему же отвеща Моисей:
16 «Да выбереть Господь, Бог духа всякое плоти, человека, онже бы былъ надъ сим множеством,
17 да бы могъ выйти и ходити предъ ними, выводити е и уводити; да не будуть людие сие Божие яко овце, не имеюще пастыря».
18 И рече Господь к Моисею: «Возми Ісуса, сына Наувина, мужа, в немже естъ дух Божий, и возложи на нь руку свою.
19 Он же станеть предъ Елиазаромъ-жерцемъ и предо всимъ множествомъ людей,
20 и даси ему Заповеди и часть славы твоея, зрящимъ на то всемъ людем. И да послушають его все множество сыновъ Ізраилевых,
21 и что бы пакъ онъ имелъ чинити, Елиазар-жрець да воспрошаеть Бога о немъ, и на повеление его да вынийдеть и приидеть той самъ Ісусъ и вси сынове Ізраилевы с нимъ».
22 И вчинилъ естъ Моисей, якоже повеле ему Господь, и поемъ Ісуса, поставилъ его предъ Елиазаромъ-жерцемъ и предъ всимъ множеством людей,
23 и возложив руце свое на главу его, все глаголалъ ест, якоже приказал ему Богъ.
a имеаше.
Знайшлі памылку ў тэксце? Вылучыце яе і націсніце:
Ctrl + Enter
Книги Числа, 27 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.