Племя Леувиево считается и на трое розделяется, служба храмова имъ в руце подается и что носити имели росказуется. А о искупе первороженых.
1 Сий естъ родъ Ааронов і Моисеевъ въ день, в оньже глагола Господь Моисееви на горе Синай
2 И сия суть имена сыновъ Аароновыхъ: первороженный сынъ его Надавъ, потомъ Авиудъ, затымъ Елиазаръ и Іфамаръ.
3 А то суть имена сыновъ Аароновыхъ, жерцевъ помазаныхъ, ихже руце наполнены суть и посвещены ко приношению жертвъ.
4 Изомроша Надавъ и Авиудъ, егда приношаху огонь чуждий предъ Господемъ во пустыни Синайстей, безъ чадъ. И тако приношаху жертвы братия их, Елиазаръ и Іфамаръ, со Аарономъ, отцемъ своимъ.
5 И рече Господь к Моисею, глаголя:
6 «Отдели племя Леувиево и постави е предъ Аарономъ, да служать ему
7 и стерегуть всих речей, еже прислушають къ чину жреческому, от всего множества пред Храмомъ Сведения
8 и да соблюдуть всяa сосуды храмовы служащие в нем.
9 И даси в даръ леувиты Ааронови иb сыномъ его, имже дани суть от сыновъ Ізраилевых.
10 Аарона пакъ и сыны его поставиши над чиномъ жреческимъ. Чужий естъли же кто приступить къ служению, да умреть».
11 И молвилъ естъ Господь Моисееви, глаголя:
12 «Азъ взяхъ леувиты от сынов Ізраилевыхъ во всякого первнъца место, отверзающего утробу во людехъ Ізраилевыхъ. Сего ради будуть леувиты Мое,
13 Мой убо первънець весь от того часу, внегда побихъ все первороженное во Египте. Тогда посветихъ Собе все, еже первей ся родить во Ізраили от человека и до скота — Моя суть. Азъ Господь!»
14 И рече Господь к Моисееви во пустыни Синайстей, глаголя:
15 «Сочти сыны Леувиевы по домех отцевъ их и по челедех, каждое поглавие мужеска полу, от единого месеца и вышей».
16 И сочте Моисей, якоже повеле ему Господь.
17 И знайдено естъ сыновъ Леувиевыхъ по именехъ своихъ: Герсона, Каата и Мерари.
18 Сынове Герсонови — Левний и Семей.
19 Сынове Каатови — Амрам и Ізааръ, Гевронъ и Озиель.
20 Сынове Мерарины — Мооли и Музий.
21 От Герсона вышли два племена — Левнийское и Семейское.
22 З обудуву племенъ тыхъ сочтено ест людей мужеска полу, от единаго месеца и вышей, седмъ тысещей и пятьсотъ.
23 Сие да розбивають шатры своя за храмом на западъ солнеца.
24 Их же старейшина будеть Елиазафъ, сынъ Ягилевъ.
25 И стрещи имають у Храма Сведения храму самого и прикрова его; опоны, еже ростягается предъ дверми храмовыми;
26 покрову храмова и опоны, еже завешается у дверей притвора храмова; опонъ самого притвора и что ко служению требника прислушить; верви храмовы и иные потребы его да блюдут.
27 Родина пакъ Каатова будеть имети племя Амрамское и Есарское, и Гевронское, и Озиилское. Сие суть племена Каатова.
28 От сихъ сочтено по именехъ своихъ весь мужескъ полъ, от единого месеца и вышей, осмъ тысещей и шестьсотъ.
29 Сие розбиють шатры своя подле Храму Сведения ко стране полуденной.
30 Старейшина ихъ будеть Елизафан, сынъ Озиелев.
31 Тии да стрегуть во Святыни Скрини Завета, столу златого, светилника, олтаря и сосудовъ ихъ, имиже служать во храме, и завесы, еже во Святыни.
32 Старейшина же надъ старейшинами леувитскими будеть Елиазаръ, сынъ Аарона-жерца, надъ стрегущими во Святыни.
33 От Мерари же будут племена Моолитское и Мусийское
34 сочтены по именохъ своихъ весь мужескъ полъ, от единого месеца и вышей, — шесть тысещей и двесте.
35 Старейшина ихъ — Зуриилъ, сынъ Абиилевъ. Сие поставять шатры своя ко стране полунощной.
36 И стеречи будуть дощекъ храмовыхъ, жердок их и столпов с подставками ею, и все, еже ко службе таковой прислушить;
37 колейка с вервами ихъ и столпы притвора, еже суть около храму, с подставками их.
38 Розбиють пакъ шатры своя с прихода храмова, то естъ на востокъ солнеца, Моисей и Ааронъ со сынми своими, стрегуще Святыни Святыхъ посреди сыновъ Ізраилевых. Приступит ли кто к ней чужди, да умрет.
39 Всехъ пакъ леувитъ, ихже счелъ ест Моисей и Ааронъ по повелению Божию по племенехъ и челедех своихъ, от единого месеца и вышей мужеска полу было вкупе двадесеть и два тысеща.
40 И рече Господь Моисееви: «Сочти теже всихъ первороженныхъ межи сынми Ізраилевыми мужеска полу, от единого месеца и вышей, и будеши ведати число их.
41 И возмеши Мне леувиты за всехъ первороженных во сынех Ізраилевыхъ — Азъ Господь! И скотъ их за весь скотъ первороженный посреди сыновъ Ізраилевыхъ отлучиши Мне».
42 И сочте Моисей, якоже повеле ему Господь, всехъ первороженных во сынехъ Ізраилевыхъ,
43 и было их поглавия мужескаго полу, от единаго месеца и вышей, двадцеть тысещей и две тысещи двесте седмъдесят и три.
44 И глагола Богъ Моисееви:
45 «Возми леувиты вместо первороженных сыновъ Ізраилевыхъ и скотъ леувитовъ во скоту место первороженнаго сынов Ізраилевыхъ, и будуть леувитове Мои — Азъ Господь!
46 За искупъ пакъ тыхъ двусту седмидесятъ и трехъ, еже избывають надъ число леувитское, первороженныхъ сыновъ Ізраилевыхъ
47 возмеши от каждое главы осмъ сиклевъ сребра по вазе Храму Божия, то естъ сикль важить двадесет сребреникъ.
48 И даси тое сребро Ааронови и сыном его — искупъ за тыхъ, еже избывають от сыновъ Ізраилевыхъ».
49 И собралъ естъ Моисей цену тыхъ, еже избывали и еже выкуплены были от леувитъ,
50 за первороженныхъ во сынехъ Ізраилевыхъ тысещу триста шестьдесятъ и пять сиклевъ сребра — по вазе, еже естъ во Храме Божиемъ, — и далъ е Ааронови и сыном его, по словеси, якоже повеле ему Господь.
a Erratum: свя.
b Erratum: е.
Знайшлі памылку ў тэксце? Вылучыце яе і націсніце:
Ctrl + Enter
Книги Числа, 3 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.