Грады леувитом и посады их указуеть, теже места утекающим убийцем з нехотения уставляет.
1 Сия теже слова глаголал ест Господь к Моисею надъ Іорданем, противу Ерихону:
2 «Прикажи сыномъ Ізраилевымъ, да дадуть леувием грады ко пребыванию во частехъ достоания своего и посады, еже суть около ихъ,
3 да бы жили во градехъ и въ посадех, да бы кормили скот и говяда.
4 Их же стайни будуть от стены градовы вооколо тысеща локот,
5 а паства ко востоку солнеца две тысещи локот; на полъден по тому же от града две тысещи локотъ; к морю пакъ, еже естъ на западъ солнеца, тая жъ мера будеть и ко стране полунощной по тому же отмерите имъ; грады же будуть во средине, а стайни ихъ вооколо.
6 От тых пак градовъ, еже отдасте леувиемъ, шесть будеть отделено ко утеканию, абы убежалъ до нихъ убивый з нехотения ближнего своего. А окроме тыхъ еще и иных градов отделите четыредесятъ и два,
7 абы всехъ градов было число четыредесятъ и осмъ ис посады их.
8 Сие же грады даны будуть от сыновъ Ізраилевыхъ по тому: кои имають болшую часть земли, тые боле градовъ да выдадут, и кои меншую часть имають, тые мене — вси по мере частей своихъ дадуть грады леувитомъ».
9 И рече Богъ к Моисею:
10 «Глаголи сыномъ Ізраилевымъ: Егда прейдете Іорданъ до земли Ханаани,
11 да отлучите сами собе грады ко утеканию тым. Он же бы не хотяй убилъ ближнего своего и втеклъ во единъ от градовъ тыхъ,
12 то не будеть мощи его убити приетель забитого, дондеже станеть предъ сонмомъ и пря его будеть розсужена.
13 От тыхъ пакъ градовъ, еже отделены суть ко утеканию,
14 три будуть предъ Іорданомъ и три в земли Ханаони:
15 тако ку помощи сыномъ Ізраилевымъ, яко и гостемъ, и пришелцемъ убежати во грады ты убившему человека з нехотения.
16 Естъли же пакъ кто ранить железомъ человека, и умреть, повиненъ будеть убийства той и самъ смертию да умреть.
17 Ащели каменемъ некого кто ударить и убиеть, той самъ убитъ да будет.
18 Пакли же деревомъ некого ударить и забиеть, и самъ забитъ да будеть.
19 Племенникъ убитого да забиеть убийцу, и яко скоро иметь его, да загубить и.
20 Естъли бы кто для зависти пхнулъ некоего или зверху на него хитростию нечто упустил и забил и,
21 или рукою и забилъ, будучи врагомъ его, и от того бы умеръ, виненъ будеть учинивый тако убийства. Сего ради племенникъ убитого, скоро найдеть его, да убиет и.
22 Естъли же бы пакъ пригодою и не хотяй,
23 и не бывши врагомъ его, а нечто с таковых речей прилучилося,
24 а тое доведено будеть людми и была бы тая пря сужена межи племенемъ убитого и тымъ, онже не хотяй убил его,
25 то высвобожен будеть невинный от руку мстителя и воведется во градъ, до негоже утеклъ, и пребудеть в немъ, донеле же не умреть жрець великий, помазаный олеемъ посвещеным.
26 Ащели пакъ убийца вынийдеть из града убежнаго
27 и знайдет и мститель крови вне града, естъли же убиеть и мститель, то не будеть повиненъ крови его,
28 понеже имеаше убийца пребыти во граде убежища даже до смерти жерцевы. И по смерти жерца великого убийца да навратится во страну свою.
29 Сее приказание да будеть вамъ вечно во всехъ народехъ ваших.
30 Всякий убийца да будет каранъ по сведецст[в]у неколиком, сведетелемъ единым никого да не осужаете.
31 И да не возмете искупу сребра от того, онже ест винен крови, но скоро и самъ да уморенъ будеть.
32 Выповеденыи и тые, еже утекоша во грады убежищъ, да не возвращаются во места своя предъ умертвиемъ жерца великого.
33 Не поскверняйте земли вашее, еже кровию невинною бываеть посквернена и ниже иначей может быти очищена, едино вылитиемъ крови того, онже иного убилъ.
34 Сего ради по тому очистится земля ваша, внегда Я пребуду с вами, Азъ убо есмъ Господь Богъ, живяй посреди сыновъ Ізраилевыхъ».
Знайшлі памылку ў тэксце? Вылучыце яе і націсніце:
Ctrl + Enter
Книги Числа, 35 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.