Навина 12 Навина 12 разьдзел

¹ Сие беша цари, ихже побили суть сынове Ізраилевы и приняли земли ихъa за Іорданомъ, на востокъ лесолнца, от потока Арнон даже до горы Гермон, и всю страну к востоку солнца, еже ся хилить к пустыни:

² Сеона, царя Аморейскаго, иже живяше въ Езвоне; сей владеше от Ароира-града, еже поставленъ былъ на брегу потока Арнона, и половина страны на вдолии, и половина Галаад даже до потока Явотъ, иже естъ пределъ сыновъ Амоновъ,

³ и от пустыни даже до до моря Ценеротъ, противу усходу солнца, и даже до моря пустыни, еже естъ море Пресланое, ко стране усходу солнечнаго, по пути, еже ведеть к Вет-Есимофу; и от полуденное страны, еже прилежить ко Асерофу, даже до Фазги,

⁴ предела Огова, царя Васанскаго, от племеня Рафаимля, онже живяше во Астарофе и во Едраи

⁵ и владеше на горе Гермонъ и у Фатлафе, и во всемъ Васане даже до пределовъ Есурянъ и Махазы, и половина страны Галаадъ пределовъ Сеона, царя Есевонска.

⁶ Моисей, рабъ Господень, и сынове Ізраилевы подбили суть их; и далъ естъ Моисей землю ихъ в достоание сыномъ Рувиновым и Гадовым и полуплемени Манасиину.

⁷ Сии пакъ суть цари земли, ихже побилъ Исус и сынове Ізраилевы за Иорданомъ, к западу солнца от Ваал-Гада, на поли Ливанском даже до горы Ливанское, еяже страна протягается до Сеира; и далъ ест ю Исусъ в достоание поколениемъb Ізраилевым, всем части ихъ,

⁸ тако на горахъ, яко и на ровнинахъ, и въ полях, и въ Асерофе, и в пустыни, игдеже живяше Етфейстии и Аморейстии, и Хананейстии, и Ферезейстии, и Еввейстии, и Евузейстии:

⁹ царь Ерихонескъ единъ; царь Гаи, иже естъ на боку Вефиля, единъ;

¹⁰ царь Ерусалимескъ единъ, царь Хевронескъ единъ;

¹¹ царь Еримотъ единъ, царь Лахисъ единъ;

¹² царь Еглонъ единъ, царь Газеры единъ;

¹³ царь Давира единъ, царь Гадирескъ един;

¹⁴ царь Германескъ един, царь Гереты един;

¹⁵ царь Левны един, царь Одоламескъ единъ;

¹⁶ царь Мацеды един, царь Вефиля единъ;

¹⁷ царь Тафныи единъ, царь Офирескъ единъ;

¹⁸ царь Афека единъ, царь Сарона единъ;

¹⁹ царь Мадана единъ, царь Азора единъ;

²⁰ царь Самерона единъ, царь Аксафа единъ;

²¹ царь Тенафы единъ, царь Маедды единъ;

²² царь Цедеса единъ, царь Яханенъ с Кармелюc единъ;

²³ царь Доръ, иже владяше в Доре, единъ; царь народовъ Галгалских единъ,

²⁴ царь Терсы един — всих царей тридесеть и един.