Навина 8 Навина 8 разьдзел

¹ Тогда молвил ест Господь Богъ ко Исусу, глаголя: «Не бойся и не ужасайся! Поими с собою все множество воинъ, и вставъ, иди ко граду Гай. Се предахъ в руце твое царя его и всехъ людей, и град, и землю.

² И учиниши граду Гай и царю их, якоже учинилъ еси Ерихону и царю его. Користь же всю их и скот да розделять собе, и вделай залогу за градомъ».

³ Тогда въстал ест Исусъ и вси воини с нимъ, абы шли ко граду Гай. И выбрав Исус тридесеть тысещъ мужей силныхъ, послалъ их в нощи

⁴ и заповедалъ имъ, глаголя: «Уделайте залогу за градомъ и далеко не отходите, и будте вси готови.

⁵ Азъ же и все множество людей, иже со мною суть, приступимо ко граду з другое страны.

⁶ И егда вытекуть на насъ, яко и первей, утечем пред ними,a да бы отдалилися от града, женучися за нами, неприятели, понеже рекуть: “Се утекають пред нами, яко и первей”.b Протож егда мы будемы утекати, а они гонити,

⁷ тогда вы выскочте из залогы и ускочите во градъ, и возмите и, и предасть и Господь, Богъ нашъ, в руце ваше.

⁸ И егда возмете град, зазжите и учините вся сия, якоже приказую вамъ».

⁹ И послалъ ест их, и приидоша на место, игдеже стояша в залозе, и были суть межи Вефилемъ и Гай, к заходу солнца от града Гай.

¹⁰ Исусъ же тое нощи осталъ ест посреди войска, и вставъ рано, сочте воины и справи полки,

¹¹ и иде самъ напредъ со старейшинами людей. И егда пришли ко граду, стали сут на стране града, иже естъ к полунощи.

¹² Межи ими же и враги их была долина. Пять же тысещей мужевъ выбралъ былъ Исусъ и поставилъ их у залозе межи Вефилем и Гай, от страны западнее града Гай.

¹³ Все пакъ войско шиковалося ко стране полуночной, тако иже последние множество войска досягали на западъ солнца до града. Тогда Исусъ иде в ту нощь и ста посреди долины.

¹⁴ Сее егда узрелъ ест царь града Гай, поспешил рано со всеми людми своими и справовал войско свое противъ пустыни, не ведяй того, иже за градомъ естъ залога.

¹⁵ Исусъ же со всимъ множествомъ людей Ізралевыхъ поступилъ з места; якобы боячися, утекали путемъ пустыни.

¹⁶ Они же, кричаще, из града вкупе, едины другыхъ понюкающи, гонили их.

¹⁷ И егда изыйдоша вси из града Гай, тако иже ни единъ не осталъ во граде Гай и ни во граде Веф-Анене, онже бы не гонилъ людей Ізраилевыхъ, и такъ, якоже были отбегли, нехавши градовъ отвореныхъ, и уже были поодаль от нихъ,

¹⁸ тогда рече Господь ко Исусу: «Воздвигни щитъ свой, еже имаши в руце, против граду Гай, понеже тобе предаю и». И егда воздвиг щитъ Исусъ противъ граду,

¹⁹ тогда залогы, иже ся были сокрили суть, выскочили и, убежавши во градъ, взяли и и запалили.

²⁰ Мужи пакъ града, иже гнашеся за Исусомъ, огледшися назад, видеша дымъ града, возносящийся к небеси, не могли суть к тому убежати ани тамъ, ани семъ, наболей понеже тии, которыи учинилися были, якобы утекали, застоновляхуся и силне противу имъ браняху.

²¹ Тогда видя Исусъ и вси людие Ізраилевы, яко взяли суть, еже беша в залозе, градъ, а иже дымъ от него въступуеть, навратишеся вси назад и побияше мужей града Гай; и людие теже, иже были запалили градъ, вышедши из града, побияху их, заскочивши от града.

²² И егда со обудву стран враги биты были так, иже з великого множества ни единъ не остал живъ,

²³ царя теже града Гай няли суть живого и привели его ко Исусу.

²⁴ И тако побивши всехъ тыхъ, иже гнашеся за ними в пустыню, навратишеся сынове Ізраилевы ко граду Гай и побили всехъ, иже были во граде.

²⁵ И было естъ тыхъ, иже в той день побиты суть, от мужа и до жены, дванадесеть тысещъ головъ — вси живущии во граде Гай.

²⁶ Исусъ же не спустилъ естъ руки своеяc, юже былъ воздвиглъ к горе, держа щитъ, поколе не были побиты вси живущии во граде Гай.

²⁷ Скотъ пакъ и користь града Гай розделиша собе сынове Ізраилевы, якоже повелел былъ Господь Исусу,

²⁸ онже былъ добыл града и спалил и, и учинил и громаду вечную.

²⁹ И царя их повесил на древе даже до западу солнца; и увечеръ приказалъ Исусъ и сложили суть с древа тело его, и повергоша е во вратехъ градовыхъ, и наметали на нь кучу великую камения, еже ест и до днешнего дня.

³⁰ В той часъ уделалъ былъ Исусъ олтарь Господу Богу на горе Еваль,

³¹ якоже приказалъ былъ рабъ Божий Моисей сыномъ Ізраилевымъ и якоже написано естъ в законе книгъ его: «Олтарь уделаетеd с камения нетесаного, егоже бы не дотыкалося железо». И приношаше на немъ жертвы победныя и мирныя Господу.

³² И написалъ на камени приказание закону Моисеова, иже заповедалъ былъ сыном Ізраилевым.

³³ Вси пакъ старейшины людей Ізраилевых и воеводы, и суди, и все посполство стояли суть по обою страну Кивота, и пред ними жерци, носящии Кивот Завета Божия, тако приходыи, яко и домашнии. Половина же людей стояли у горы Гаризимъ, и половина их у горы Еваль, якоже повелелъ былъ имъ Моисей, рабъ Божий. И напервей благославилъ естъ Исусъ людей Ізраилевыхъ,

³⁴ потомъ же чте имъ вся слова благославенией и клятвы, и вси иные речи, иже написаны были во книгах закона Божия.

³⁵ Ничего не опустил со всехъ слов, еже былъ приказалъ Моисей, но вся прочте предъ всемъ множествомъ сыновъ Ізраилевыхъ, женамъ и детемъ, и гостемъ, живущимъ посреди ними.