Мужей дванадесеть взяли по каменю из Іорданя и вынесли е вонъ, а другую дванадесеть каменей взяли на брезе и несли до Іордана на паметь вечную.
1 Прешедшимъ имъ Іорданъ, рече Господь ко Исусу, глаголя:
2 «Выбери дванадесеть мужей, единого от кажного поколения, и повели имъ,
3 да возмуть от среди глубокости Іоръдана, игде стояли суть жерци, дванадесеть каменей претвердыхъ и да положать е на томъ месте, где розбиете станы сея нощи».
4 И позвалъ ест Исусъ дванадесеть мужей, ихъже былъ избралъ от сыновъ Ізраилевыхъ, от каждого племеня единаго, и рече к ним:
5 «Идите предъ Кивотъ Завета Господа, Бога вашего, до среды Іордана и возмите оттуду каждый з васъ по каменю великомъ, и несите на раменохъ вашихъ по числу сыновъ Ізраилевыхъ,
6 да будуть во знамения межи вами. И егда бы пытали васъ сынове ваши потом, глаголюще: “Что знаменуют камение сее?”,
7 отповедите имъ: “Сплынули суть воды Іорданъскыи пред лицемъ Кивота Завета Господьня, егда прехожаше и”. И протожъ положены суть камение сее на память сыномъ Ізраилевым даже во веки».
8 И учинили суть сынове Ізраилевы, якоже заповедалъ имъ Исусъ, взявши от среды глубокости Іордана дванадесет каменей, якоже росказалъ имъ Господь, по числу двунадесети поколеней сыновъ Ізраилевыхъ, и несли е даже на место, игде розбили были станы, и положили их ту.
9 Иных же дванадесеть каменей положилъ естъ Исус до Іордана на месте том, игде стояли суть жерци, несяще Кивотъ Завета Господьня, и суть тамо даже и до днешнего дня.
10 Жерци пак, несущии Кивот Завета Господьня, стояли суть посреди Іордана, дондеже вси речи наполнишеся, еже глаголалъ Исусъ к людемъ, якоже заповедалъ ему Господь и Моисей молвил к нему. Людие же поспешиша и прейдоша Іордан.
11 И егда вси прейдоша, шолъ и Кивотъ Господень, жерци же идоша пред людми.
12 a Сынове пакъ Рувиновы и Гадовы и половица племеня Манасиина идоша пред братиею своею, сынми Ізраилевыми, въ зброи, якоже заповедал былъ имъ Моисей.
13 И четырдесят тысещей воевниковъ полки своими шли суть пред ними по полехъ и по ровнинахъ града Ерихона.
14 В той день возвеличилъ естъ Господь Богъ Исуса предъ всеми людми Ізраилевыми, абы боялися его, якоже боялися суть Моисея, поколе живъ былъ.
15 И рече Господь ко Исусу:
16 «Повели жерцемъ, несущим Кивотъ, да выйдуть из Іордана».
17 Он же повеле имъ, глаголя: «Выйдите изъ Иорданя».
18 И внегда выступили несущии Кивотъ Завета Господьня и почали ити по сухой земли, збегошеся воды на своя места и потече река, яко и первей.
19 Людие же изыйдоша із Іордана во десятый день перваго месеца и положишеся з войскомъ въ Галгалахъ, на выходъ солнца от града Ерихона.
20 Дванадесет пак каменей, иже были взяли от среды глубокости Іордана, положилъ естъ е Исусъ въ Галгалах. И рече к сыном Ізраилевым:
21 «Ащели бы пытали сынове ваши отцевъ своихъ утро, глаголюще: “Что знаменують камение сие?”,
22 возвестите имъ и ирците: “Шли есмо сухою ногою по глубокости Іордана сего,
23 Господь убо, Богъb нашъ, высушилъ ест воды его предъ лицемъ нашимъ, поколе есмо не перешли его, якоже и первей учинил былъ в мори Чермном, поки были не перешли его,c
24 да познають вси народи земли пресилную руку Господа, Бога нашего, да и вы возбоитеся Господа Бога по вся дни живота вашего”».
a Лічбы, 32[:33], у Ф. Скарыны нумар главы ўказаны памылкова — 33.
b Erratum: Бого.
c Выхад, 14.
Знайшлі памылку ў тэксце? Вылучыце яе і націсніце:
Ctrl + Enter
Книги Исуса Навина, 4 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.