Хвалить и воспоминаеть Исусъ добродетели и чудеса Господьня предъ людъми Ізраилевыми. И людие завещаша завет пред Господем. О смерти Исуса Навина и Елиазара-жерца и о погребении костей Іосифовых.
1 Собралъ же естъ Исусъ вся поколения Ізраилева в Сихемъ, и позвалъ старейшинъ людскихъ и князей, и судей, и вчителевъ теже, и стали суть ту пред Господем.
2 И рече Исусъ к людем: «Сие глаголеть Господь, Богъ Ізраилев. За рекою живяху отцеве ваши от початку, Фаран, отець Авраамов, и Нахоръ,a и служили суть богом чужимъ.
3 И взялъ есми отца вашего, Авраама, от страны Мезопотамии и приведохъ его до земли Ханаани, и розмножих его, и дахъ ему Ісаака, сына,
4 и Іса[а]ку далъ есмъ Іякова и Ісава.c С тых же дву Ісаву дахъ гору Сеиръ владети ею. Іяковъ пакъ и сынове его вниидоша въ Египетъ,
5 и пустихъ тамъ Моисея и Ааронаc, и поразихъ Египетъ многими чудесы и знамены.
6 И изведохъ васъ васъ и отцевъ ваших зъ Египта, и пришли есте к морю, и гониша Египтяне отцевъ вашихъ на конехъ и на возехъ к морю Чермному.
7 И возопиша сынове Ізраилевы к Господу, и Той положи тмы межи ними и Египътяны, и наведе на них море и потопи е. Видеша отцеве ваши вси речи, еже учинихъ въ Египте. И пребысте в пустыни за много летъ.
8 И въвелъ есмъ васъ до земли Аморея, иже живяше предъ Іорданом. И егда воевашеся с вами, предалъ есмъ ихъ в руце ваше, и взяли есте землю ихъ, погубивше е.
9 Тогда восталъ естъ Валакъ, сынъ Сефоровъ, царь Моавъский, и воева на людей Ізраилевыхъd. И послал ест, и позвал Валаама, сына Вехорова, абы злоречил вамъ,
10 Азъ же не хотехъ послушати его, но воспять устами егожъ во место злоречения далъ есмъ вамъ благославение и избавилъ есмъ васъ з руку его.
11 И потомъ шли есте черезъ Іорданъ, и пришли есте ко Ерихону, и воевашеся с вами мужи града того; к тому Хананейстии, Аморейстии, Ферезейстии, Ефейстии, Еръгизейстии, Еввейстии и Евузейстии, и предахъ их всих в руце ваше.
12 И послалъ есми предъ лицем вашим шершниe, ониже выжалили е из градовъ ихъ двухъ царей Аморейскихъ, не оружиемъ ани лукомъ вашимъ изгнани быша.
13 И далъ есми вамъ землю, о нейже не трудистеся, и грады, ихже есте не ставили, да поживете в нихъ, и винограды и сады маслинные, ихже не насадисте.
14 Протожъ ныне бойтеся Господа, Бога вашего, и служите Ему всимъ серцемъf и совершенымъ! И заверзите от себе боги чуждии, имже служили суть отцеве ваши въ Мезопотамии и во Египте, и поработайте Господу Богу!
15 Пакли же не добро ся вамъ видить служити Господу, Богу Ізраилеву, gсе, дается вамъ на волю, выберите собе днесь, еже ся любитъ, кому хощоте служити: тым ли богомъ, имже послужиша отцеве ваши въ Мезопотамии, чили пакъ богомъ Аморейскимъ, в нихже земли ныне пребываете. Азъ же и домъ мой служити будемъ Господу Богу».
16 Отвещаша вси людие и рекоша: «Отступи сее от насъ, абыхомъ опустили Господа, Бога нашего, и служили богомъ чужимъ!
17 Господь убо, Богъ нашъ, Той естъ вывелъ насъ и отцевъ нашихъ изъ Египта, з дому роботы, и учинилъ естъ видящимъ намъ дивы великие, и съхранилъ насъ во всехъ путехъ нашихъ, по нихже ходихомъ, и во всехъ народехъ, скрозе нихже идохомъ,
18 и погубил пред нами вси языки Аморейские, живущие на земли сей, до неяже увошли есмо. Сего ради служити будемъ Господу, яко Той естъ Богъ нашъ».
19 И рече Исусъ к людем Ізраилевымъ: «Не возможете служити Господу, Богъ убо святъ естъ и силный миловникъ, а ниже отпустить безакония и грехъ вашихъ:
20 естъли же вы опустите Господа, Бога вашего, и будете служити богомъ чужимъ, обратится на васъ и засмутить, и погубить васъ, Онже учинилъ вамъ первее добро».
21 И рекоша людие ко Исусу: «Николи того не будеть, якоже ты глаголеши, но Господу Богу, Тому самому служити будемъ».
22 И рече паки Исусъ к людемъ: «Сведетели вы есте сами того, яко избрасте Господа за Бога собе служити Ему». Отвещаша людие: «Се, мы есмо сведетели».
23 И рече к нимъ Исус: «Выверзите жъ ныне богы чуждия, иже суть посреди васъ, и наклоните серца ваша к Господу, Богу вашему».
24 Тогда рекоша людие ко Исусу: «Господу, Богу нашему, будемъ служити и полнити заповеди Его».
25 И завеща Исусъ с людми заветъ въ той день в Сихеме, и положи пред ними приказания Божия и суды,
26 и написал вся слова тая во книгахъ Закона Божия. И взялъ камен велми великий предъ всими людми и положил и под дубом, иже былъ во Святыни Господьней,
27 и рече ко всемъ людемъ: «Се, камень сей будеть вамъ на сведецство, яко слышали есте вся слова Божия, еже глаголалъ есмъ к вамъ, абы есте потомъ не заперли и не лгали Господемъ, Богом вашимъ».
28 И по сем роспустил естъ Исусъ людей единого каждого в домъ свой и в достоание свое.h
29 И по сихъ умре Исусъ, сынъ Навинъ, рабъ Божий, егда былъ во сту и в десети летех.
30 И погребоша и во стране достоания его Тамнаф-Саре, во граде, еже естъ на горе Ефраимъ, на стране полуночной горы Гаиасъ.
31 И служили суть Господу Богу людие Ізраилевы по вся дни, поколе справовал их Исус, сынъ Навин, и старейшины людей, ониже долго живи были по Исусе и ониже знали вся дела Божия, еже учинилъ естъ людемъ Ізраилевымъ.
32 Кости пакъ Іосифовы, еже взяли были ізъ Египту, похранили суть в Сихеме на части поля, еже былъ купил Іяковъ от сыновъ Еморовыхъ, отца Сихемова, за сто ягнетъ. И досталося было поле то в достоание сыном Іосифовым.
33 Умре теже и Елиазаръ-жрець, сынъ Аароновъ. И погребоша и въ Гаваоте, граде Финеиса, сына его, еже даша ему на горе Ефраим.i
* * *
Сит Део лавсъj. Аминъ.
* * *
Доконаваются книги Исуса, сына Навина, зовемая от Евреи Егошуаk бин-Нун, Божиею ласкою и Его Пресвятое, Преблагославеное и Пречистое Деви ци, Матери Марии.
Къ науце людемъ посполитым руского языка выданы и выложены повелением и працею ученаго мужа Франциска Скорины из славнаго града Полоцька, в на вукахъ вызволеных и в лекарстве доктора.
У великомъ месте Празскомъ.
По летехъ Нарожения нашего Спасителя, Ісуса Христа, Сына Божия, з Непорушенное Панны Марии тысещи пятистехъ и осминадесети, месеца декаврия дня двадцатого.
То Фео харитас.l
a Быцця, 11[:26].
b Быцця, 21 — 25; у Ф. Скарыны памылкова пададзена спасылка на Кнігу Выхад, 4.
c Выхад, 14.
d Лічбы, 22.
e Выхад, 23[:28]; Другі Закон, 7[:20].
f 1 Царстваў, 7[:3].
g Тавіта, 14[:8-9].
h Паслядоўнасць вершаў 29-33 пададзена Францыскам Скарынам паводле Вульгаты. У ЦСБ верш 31 размяшчаецца пасля верша 28 і мае, адпаведна, нумар 29.
i У перакладзе Францыска Скарыны, як і ў Вульгаце, адсутнічаюць вершы 34-36, якія маюцца ў ЦСБ: «34 Въ той день вземше сынове Ізраилевы Ківотъ Божій, обношаху съ собою; и Фінеесъ жречествова вместо Елеазара, отца своего, дондеже умре и погребеся въ Гаваафе своемъ. 35 Сынове же Ізраилевы от[ъ]идоша кійждо въ место свое и въ свой градъ. 36 И почитаху сынове Ізраилевы Астарту и Астарофа и боги языковъ, сущихъ окрестъ ихъ. И предаде ихъ Господь въ руки Еглому, царю Моавлю, и облада ими летъ осмьнадесять».
j Сит Део лавсъ (лац. sit laus Deo [Patri, summo Christo decus]. — Хай будзе хвала Богу [Айцу, ушанаванне — Хрысту].
k Erratum: Егушуа.
l То Фео харитас (грэц. τῶ θεῶ εὺχαριστία ). — Хвала Богу.
Знайшлі памылку ў тэксце? Вылучыце яе і націсніце:
Ctrl + Enter
Книги Исуса Навина, 24 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.
