Навина 11 Навина 11 разьдзел

¹ Тые пакъ речи егда слышал естъ Явинъ, царь Азорескъ, послалъ ко Іоваву, царю Маданеску, и къцарю Сомерону, и къ царю Ахзафу,

² и къ царемъ, иже живяху на горах ко стране полуночной и на ровнинахъ Ценерофскыхъ, противъ полудни, в поляхъ теже и в ровнинах Доръ по брегу моря,

³ и к Хананеаномъ от усходу солнца и от западу, и ко Амореаномъ, и къ Етеаномъ, и къ Ферезеаномъ, и ко Евузеаномъ на горахъ, и къ Еввеаном, иже живяху под горою Гермонъ в земли Насфатъ.

⁴ И сниидошеся вси з войски своими, людие велми мнози, яко песокъ, иже естъ по брегу моря, ездцевъ теже и возовъ множество, без числа.

⁵ И зъехалися суть вси цари сии вкупу к водамъ Мерое, абы билися со сынми Ізраилевыми.

⁶ И рече Господь ко Исусу: «Не бойся их, понеже утро в сей же часъ Азъ предам всехъ сихъ язвеныхъ пред лицем сыновъ Ізраилевых, конем их подрежеши жилы, а возы их спалиши огнем».

⁷ Тогда иде Исусъ з войском Ізраилевым к водамъ Мерое скоро битися с ними и нагле наскочи на нихъ.

⁸ И предалъ естъ их Господь Богъ в руце людемъ Ізраилевым, ониже поразивши их и гонили е даже до Сидона великаго, и даже к водамъ Масрефот, и даже до поля Масфы, еже естъ къ выходу солнца страны тое. И побилъ ест всехъ, и ни единаго от нихъ не живилъ,

⁹ но учинилъ такъ, якоже повелел былъ ему Господь Богъ; конемъ теже их жилы подрезалъ и возы их огнем спалилъ.

¹⁰ И скоро потомъ навративъся, добылъ градъ Азоръ и царя его убилъ мечем, Азоръ убо град от стародавна межи всеми царствы тыми наславнейший был естъ.

¹¹ И побилъ в немъ всехъ людей, и не оставилъ ни единого живого, но всехъ выгубилъ даже до конца, градъ же той созже огнемъ.

¹² И вси иные грады околичные здобывалъ и царей их поималъ и побилъ, якоже повеле ему Моисей, рабъ Божий.

¹³ Кроме градовъ, еже были на холмехъ и на горахъ поставленыa, иные грады спалиша сынове Ізраилевы; самъ теже градъ Азоръ найтвердъший огнемъ выпалилъ.

¹⁴ И всю користь з градовъ тыхъ и скот розделиша собе сынове Ізраилевы, побивши всех людей.

¹⁵ Якоже повелел былъ Господь Бог Моисею, рабу своему, тако и Моисей приказлъ Исусу Навину; Исус же вси речи наполнилъ и ни единого слова не поминулъ от всехъ заповедей, еже заповедал былъ Господь Богъ Моисеови.

¹⁶ И добылъ ест Исусъ всея земли, еже на горах к полудню, и земли Гесенлиb, и ровнины, и страны на западъ солнца, и гору Езраилеву и поля ея,

¹⁷ и теже часть горы Сеиръ, еже уступуеть даже до Вал-Гата по ровнине Ливанской под гору Гермонъ, и всех царей их поималъ и побилъ.

¹⁸ За долгии часы воевался Исусъ съ царми сими,

¹⁹ и не бе градъ, ижебы не поддался сыномъ Ізраилевым, кроме толико Еувея, иже живяше в Гаваоне; всихъ иныхъ, воюя, добылъ,

²⁰ Божие бо осужение было, абы затвердело серце их и билися с людми Ізраилевыми, и пали предъ ними, и не были годни ни единое лютости, якоже заповедалъ Богъ Моисеови.

²¹ Того теже часу прииде Исусъ и погуби поколение Енахимъ з горы Хевронъ, и Давиръ, и Надав, и со всехъ горъ Іюдиныхъ а Ізраилевых, и грады их сказилъ,

²² и не оставилъ ни единаго з роду Енахимъ в земли сыновъ Ізраилевых, кроме едино градовъ сихъ — Газа и Етъ, и Азотъ, в нихже самих толико остали суть врази.

²³ И взялъ естъ всю землю, якоже глагола Господь Богъ к Моисеови, и далъ ю сыномъ Ізраилевым, абы владели ею по частямъ въ племенохъ своихъ. И престала естъ земля от боевъ.