Навина 10 Навина 10 разьдзел

¹ И егда слышал сее Адониседехъ, царь Ерусалима, яко взялъ естъ Исусъ градъ Гай и сказилъ и, теже елика учинилъ ест граду Ерихону и царю его, и по тому же учинилъ естъ и граду Гай и царю его, а иже поддалися суть Гаваонитяне людемъ Ізраилевымъ и заветъ завещали с ними,

² ужаснеся серце его вельми, градъ убо воистинну былъ естъ великъ Гаваон и единъ от градъ царскихъ, и больший нежели градъ Гай, и мужи, иже жиша в немъ, беша вельми сильни.

³ Тогда послалъ Адония-Седехъ, царь Ерусалимескъ, ко Ахаму, царю Хевронеску, и ко Фарану, царю Еримотъ, и ко Яфию, царю Ляхисъ, и ко Давиру, царю Еглонъ, глаголя:

⁴ «Приедьте ко мне и дайте ми помощъ, да добудемъ града Гаваона, понеже поддалися суть Исусу и сыномъ Ізраилевымъ».

⁵ В той часъ собравъшися пять царей Аморейскихъ — царь Ерусалимский, царь Хевронеский, царь Еримотъ, царь Лахисъ, царь Еглонъ — вкупе з войскы своими, идоша и облягоша градъ Гаваонъ.

⁶ Тогда мужи, живущии въ Гаваоне, суще во обляжении, послали ко Исусу, онже в ты часы былъ з войскомъ во станехъ въ Галъгалахъ, и усказали суть к нему, глаголюще: «Не отнимай руки твоея от рабовъ твоих, но поспеши, приедь скоро и дай помощъ и высвободи нас, понеже зъехашеся на насъ вси цари Аморейскые, иже живуть на горахъ».

⁷ И иде Исусъ с Галгалъ и все войско Ізраилево с нимъ, мужи пресилнии.

⁸ Тогда рече Господь ко Исусу, глаголя: «Не бойся их, в руце бо твое предалъ есмъ е и ни единый з нихъ не возможеть спротивитися тобе».

⁹ И иде на нихъ целую нощь Исусъ со хватанием, вышедъ з Галгал, и ударил на них.

¹⁰ Бог же небеский смутил их пред лицем людей Ізраилевыхъ и поразил е язвою великою в Гаваоне. И гонилъ их Исусъ путемъ, еже ведеть къ Веф-Ерону, и билъ их даже до Асеха и до Мацеда.

¹¹ И егда бежаху пред сыны Ізраилевыми до долины Вефa-Еронъ, Господь Богъ перепустилъ на не камение великое, еже падало на них с неба даже до Азефа. И померло их многим болей от камения градового, нежели от оружия сыновъ Ізраилевыхъ.

¹² Тогда рече Исусъ къ Господу Богу в той день, в оньже былъ поразилъ Амореанъ, пред лицемъ сыновъ Ізраилевыхъ глаголя: «Солнце противу Гаваону да не двизается и месець противъ долине Гаилонъ!»

¹³ И стояло естъ Солнце и Месець, дондеже людие Ізраилевы не помстилися надъ враги своими. И написано ест сее во Книгахъ Справедливыхъ Людей. И тако ста солнце посреди неба, якобы за един день, а не зашло.

¹⁴ Не былъ первей ани потомъ такъ долгый день, егда Богъ услышалъ человека и егда воевалъ за людей Ізраилевыхъ.

¹⁵ И навратися воспять Исусъ со всеми людми Ізраилевыми до станов своих, на место Галгалы.

¹⁶ Царей пакъ пять, еже утекли, были исокрилися до пещеры града Мацеды.

¹⁷ Возвестиша же сее Исусу, яко пять царей знайдены суть, иже сокрилися в пещере града Мацеды.

¹⁸ Исусъ же приказалъ естъ товаришомъ своимъ, глаголя: «Привалите камение великое на дирю пещеры и приставте к нимъ мужей разумныхъ, да стрегуть их в пещере той.

¹⁹ Вы же не стойте, но гоните воследъ враговъ вашихъ, и когоколи з них угоните, убийте и не дайте имъ, абы утекали во грады своя, яже предалъ естъ Господь, Богъ нашъ, в руце наша».

²⁰ И егда поразили суть враги своя тако, иже не оставиша с них ни единаго, кроме толико тых, иже убежаша во грады ограженные пред людми Ізраилевыми,

²¹ и потомъ навратишеся вси людие ко Исусу въ Мацеду, и вси полки Ізраилевы быша целы и здравы, и никтоже тогда противъ сыномъ Ізраилевымъ не смелъ ани вуръкнути.

²² В той часъ заповедалъ естъ Исусъ, глаголя: «Отвалите камение от дири пещеры и выведите ко мне пять царй, иже в ней съкрилися суть».

²³ И учиниша отроци его, якоже заповеда имъ, и вывели суть к нему пять царей с пещеры — царя Ерусалимска, царя Хевронеска, царя Еримот, царя Лахисъ, царя Еглонъ.

²⁴ И егда выведены были к нему, созвалъ всехъ мужей Ізраилевыхъ и рече ко князем войска, еже с нимъ беша: «Идите и ступайте ногама вашима на горла царем симъ». Они же егда шли и ступали на горла ихъ,

²⁵ рече опять к нимъ Исусъ: «Не бойтеся и не страшитеся, но укрепитеся и будьте мужъни, понеже тако учинить Господь, Богъ нашъ, всемъ врагомъ вашимъ, с коими же вы воеватися будете».

²⁶ И повелелъ естъ Исусъ побити тыхъ пяти царей, и повесилъ их на пяти расохахъ. И висели суть до вечера.

²⁷ b И егда запало солнце, повеле дружине, абы их сложили с расохъ. Они же, сложивши, вметали их до пещеры, в нейже ся были сокрили, и заклали суть дирю ея камениемъ великимъ, еже ест тамъ даже и до днешнего часу.

²⁸ Того же дня добылъ Исусъ града Мацеды и побилъ оружиемъ всехъ, царя и живущихъ в немъ, и не оставилъ в немъ ни единаго осталца. И учинилъ естъ царю града Мацеды, яко былъ учинилъ царю града Ерихона.

²⁹ Потомъ иде со всеми людми Ізраилевыми Исусъ от Мацеды-града до Ловны,

³⁰ и добылъ града Ловны, понеже предалъ ест и Господь и царя его в руце Исусове, и побие всехъ живущихъ оружиемъ, и не остави в немъ ничегожъ. И учинил царю града Ловны, яко учинилъ ест царю града Ерихона.

³¹ Из Ловны пакъ иде Исусъ к Лахису со всем войскомъ Ізраилевым и обляже градъ, и добываше его.

³² И предалъ ест Господь Богъ градъ Лахисъ в руце сыномъ Ізраилевым, и добыша его на другий день, и побиша в нем всехъ людей оружием, якоже и во граде Ловне.

³³ Того часу пришолъ былъ з войском царь Гирамъ Газерескъ на помощь граду Лахису, егож поразилъ естъ Исусъ со всеми людми даже наконец.

³⁴ От Лахиса же иде къ Еглону, и обогнавъ град,

³⁵ добылъ его в той жъ день и побилъ всехъ людей, иже беша в нем, по всему, якоже учинил и Лахису.

³⁶ От Еглона пак града иде со всеми людми Ізраилевыми до Хеврона,

³⁷ и добылъ града Хеврона, и побилъ всехъ людей, живущихъ в немъ, и не оставилъ жадныхъ останковъ. И побил все дышущее во всехъ градехъ, прилежащих к нему, царя теже их убил. И яко учинил ест граду Еглону, тако и Хеврону — вся, еже знайде в них, погуби оружиемъ.

³⁸ Оттуду же навратися к Давиру-граду и добылъ его

³⁹ и сказил, и царя их убилъ, и всех людей во градехъ околичныхъ его оружиемъ побил, и не остави в нихъ ни единого. И якож учинилъ естъ градом Хеврону и Ловне и царемъ их, тако учинил граду Давиру и царю его.

⁴⁰ И тако добылъ ест Исусъ всея земли горнее и полуденное и по ровнинах і Асерофа съ царми их; не оставилъ в них ничего живого, но все, еже могло дыхати, погубилъ, якоже повелелъ былъ ему Господь, Богъ Ізраилевъ,

⁴¹ от Кадес-Варны даже до Газама, всю землю Есемлю даже до Гаваона.

⁴² Всехъ царей и земли их единымъ выштиемъ здобывалъ и сказил, Господь убо, Богъ Ізраилевъ, воевалъ ест вместо его.

⁴³ И навратися назадъ со всеми людми Ізраилевыми до становъ своих в Галгалы.