Судьи 16 Судьи 16 разьдзел

¹ От[ъ]иде же Самсонъ во градъ Газу, и жену блудницу, и внииде к ней.a

² Сие егда уве узрелъ тамъдали суть Филистымляне и рознеслося межи ими, яко Самсонъ внииде во градъ, оступили суть его, поставивши сторожу во вратахъ градовыхъ. И ту целую нощь, утаившися, ждали его, да — егда бы рано вышолъ — убили и.

³ И спалъ естъ Самсонъ даже до полунощи. И потом, въстав, иде ко вратомъ градовымъ, и взявъ обое врата из вереами ихъ и з замки, и возложивъ на рамена своя, несе е на гору, иже естъ против Хеврону-граду.

⁴ Потом опять Самсонъ возлюби жену в долине Сорете, именемъ Далиду.

⁵ И пришли суть к ней князи Филистымскии, и рекли ей: «Прельсти Самсона и доведайся от него, в чемъ имать такъ великую силу и яко быхомъ могли его няти и связаного казнити. А естъли же то уделаешъ, дадимъ тобе кажный с нас тысещу и сто сребреникъ».

⁶ Тогда нача молвити Далида Самсону: «Поведь ми, прошу тебе, в чемъ естъ твоя такъ великая сила, и чимъ бы тя могли звязати, чего бы не моглъ розторгнути?»

⁷ Рече к ней Самсон: «Егда бы мя связали седми вервями жиловыми, не сухими, но мокрыми, не могъ бых ся боронити, яко и иные люде».

⁸ И принесли суть к ней князи Филистымстии седмъ вервей жиловыхъ, якоже поведила была имъ, и связала его вервями тыми,

⁹ имеющи сокритыхъ у себе в коморе, ониже хотели его няти, токмо ждали того, яковый будеть конець делу. И крикла над ним Далида, глаголющи: «Филистымове на тя, Самсоне!» Он же расторже на собе верви, яко кто разторгает нить, приткненую ко огню. И не познали суть, в чемъ имать силу.

¹⁰ Тогда рече к нему Далида: «Се, а ты мною смеешися и поведилъ ми есь ложъ! Ну еда ныне правду вже повеси мне, чимъ бы тя могли связати?»

¹¹ Рече к ней Самсонъ: «Егда бы мя связали новыми гужами, имиже несть делано дело, не возмогу гнутися и буду, яко иный человек».

¹² Тогда связала и Далида гужами новыми и крикла над ним, глаголя: «Филистымляне на тя, Самсоне!» Они же были въ сокритии готови, хотяще няти его. Самсонъ пакъ такъ скоро розторгъ гужи тые, яко кто розторгаеть нить полотняную.

¹³ И рече опять Далида Самсону: «И доколе жъ хощеши мною лгати? Яви ми то, чим бы еси моглъ связанъ быти». Отвеща ей Самсонъ: «Егда бы седмъ власовъ главы моея с прядивомъ новымъ сплела и, узязавши около гвозду, в землю вбила, не возмогу ся рушити, яко и иныи».

¹⁴ Сее внегда учинила Далида, крикла над ним: «Филистымове на тя, Самсоне!» Он же, прочутивъ, выторгнулъ гвоздь ис прядивомъ из власы.

¹⁵ Тогда рекла к нему Далида: «Яко то ты молвиши “милую тебе”, ано серце твое не есть со мною? Се, вже трижды солгалъ еси мне и не хотел поведити, в чемъ естъ сила твоя тако великая”».

¹⁶ И [е]гда пытала его уставичне на каждый день, за долгий часъ не дающи ему отпочинения, стужила естъ души его и даже ко смерти изнеможе,

¹⁷ и поведа ей правду, глаголя: «Бритва николи не была естъ на главе моей, яко посвященъ есмъ Господу Богу от чрева матери моея. Сего ради егда бы оголили главу мою, от[ъ]идеть от мене и сила моя, и сомглею, и буду, яко иные люде».

¹⁸ Тогда знаючи тое Далида, иже отверзе ей Самсонъ серце свое, послала естъ ко княземъ Филистымскимъ, глаголющи: «Приидите еще ко мне единова, понеже отверзе ми ныне серце свое». Они же пришли суть и принсли с собою сребреники, еже были слюбили ей дати.

¹⁹ Далида же велела Самсону на лоне своемъ поспати. И позвала голича, и оголи ему седмъ плетениць власъ на темени его, и почала его от себе сторкати, и отошла естъ сила его от него.

²⁰ И рече: «Филистымляне на тя, Самсоне!» Той же, прочутивъ от сна, помыслилъ въ серци своемъ: «Выскочу, якоже и первей есми чинилъ, и пробиюся», не ведя того, иже Господь Богъ отступилъ от него.

²¹ Его пакъ егда иняли Филистымляне, скоро выбрали суть очи ему и ведоша и во градъ Газу. И оковаша его путами железными, и всадиша до темници, и велеша ему молоти жерновомъ.

²² По неколицем же часе начаша власы на главе Самсонове отростати.

²³ Князи пакъ Филистымстии съехалися были до Газы приносити жертву славную богу своему Дагону, и пировали суть посполу, глаголюще: «Предалъ естъ богъ нашъ врага нашего Самсона в руце наше».

²⁴ Видячи же сее, людие посполитые по тому жъ вопиаху, глаголюще: «Далъ ест богъ нашъ Дагонъ неприателя нашего в руце наше, онже землю нашу показилъ и многихъ побил».

²⁵ И егда ся были розвеселили пирующие, велели привести Самсона, абы предъ ними игралъ. Той же, приведеный с темници, игралъ предъ ними. И казали ему стояти межи двема столпы.

²⁶ И рече Самсонъ ко отроку, водящему его: «Допусти мя, абых ся доткнул столповъ, на нихже весь домъ стоить, да мало прислонюся к ним и отпочину».

²⁷ Домъ пакъ той полонъ былъ мужевъ и женъ, и к тому были суть вси князи Филистимстии, на сеняхъ тыхъ и в доме якобы на три тысещи людей посполитыхъ с ними, ониже ся дивовали Самсону играющему.

²⁸ Тогда Самсонъ призва Господа Бога, глаголя: «Господи, Боже мой! Воспомяни на мя и дай ми первую силу мою, Сътворителю мой, да помщуся над враги моими за две очи мои, еже выбрали ми, да едину месть отдамъ имъ».

²⁹ Потомъ инялъ два столпы, единый правою рукою, а другий левою, на нихъже весь домъ держашеся,

³⁰ и рече: «Да умреть душа моя со враги моими Филистымляны!» И затрясе моцьне тыми столпы, и паде домъ на князей Филистымскихъ и на все множество людей, иже ту беша. И многым более побилъ естъ, умирая, нежели первей, егда живъ былъ.

³¹ Тогда пришедши братия его и вся родина, взяли суть тело его и погребли е межи Сараемъ и Ешкалемъ, во гробе Мануа, отца его. И судилъ естъ Самсонъ людей Ізраилевыхъ двадцеть летъ.