Судьи 15 Судьи 15 разьдзел

¹ По некоих же часехъ, егда настала естъ жатва пшеници, навратися опять Самсон к жене своей, абывиделъ ее, неся козля от стада. И егда хотелъ вниити до ложници ея, якоже обычай имеаше первей, не далъ ему отець ея,

² глаголя: «Реклъ есми, иже ненавидиши ея и прото ж дахъ ю иному, другу твоему. Но имамъ сестру ее, младъшую и краснейшую, сию возми собе в нея место».

³ Тогда рече к нему Самсонъ: «Так ли же естъ, от сего дня не будуть винити мене Филистымляне, отдам убо вамъ сее всимъ злымъ».

⁴ И шедъ оттоле, иззымалъ триста лисиць, и связалъ всихъ едину съ другою хвосты уместо, и ко средине хвостовъ привязал лучнице,

⁵ и зажегъши е, розогналъ лисицъ, да бы бежали тамо и семо розно. Тии же бежаша до нив Филистымских и попалиша вся жита их нежатая и у копнах пожатая такъ, иже и винограды, и древа маслинная огонь попалил.

⁶ И пыташеся Филистымляне, глаголюще: «Кто сее уделалъ?»a А поведено естъ имъ, иже Самсонъ, зять Фамнатовъ, понеже взялъ жену его и далъ ю иному, той учинилъ естъ сее. Тогда идоша Филистымляне и спалиша жену Самсонову и отца ея.

⁷ Имъ же рече Самсонъ: «Ачкольве[к] есте сее уделали, прото еще буду ся мстити над вами, и по томъ почию».

⁸ И поразилъ естъ ихъ по сем Самсонъ раною великою вельми такъ, иже, боячися его, корчилися и лытки свое ко стегномъ пригибали. И иде оттоле Самсонъ, и живяше в пещере каменне, именемъ Ефанъ.

⁹ В ты часы Филистымляне, собравшися, вниидоша до земли Іюдины и положишеся с войском своим на месте, еже слыло естъ Лехи, зовемое «щека», и гдеже потомъ поражено было войско ихъ.

¹⁰ И рекоша к нимъ мужи от племеня Іюдина: «Прочто пришли есте на насъ?» Отвещаша имъ Филистымляне: «Иняти и связати Самсона приидохомъ и хощемъ учинити ему, яко и онъ учинилъ естъ намъ».

¹¹ Тогда шли суть три тысещи мужей от сынов Іюдиных к пещере каменной Ефан, в нейже живяше Самсонъ, и рекоша ему: «Не веси ли того, иже владеють над нами Филистымляне? И прочто еси учинилъ сее?» К ним же отповеделъ Самсонъ: «Яко они учинили суть мне, тако и азъ учинихъ имъ».

¹² Рекоша к нему паки: «Пришли есмо к тобе, да свяжемъ тя и предадимъ в руце Филистымляномъ». Отвеща имъ Самсонъ: «Слюбите ми и присягните, яко не убиете мя».

¹³ Они же рекоша: «Не убиемъ тя, но связана предадимъ». И связали суть его двема вервями новыми и вывели с пещеры Ефамли.

¹⁴ И егда привели его на место то, игде стояло естъ войско Филистымское, и выбегоша противу ему Филистымляне, кричаще. И ступилъ естъ Духъ Божий на Самсона, и быша верви на руках его, яко паздеро, егда захватить и огнь, и разторга е скоро.

¹⁵ И знайде щеку ослову, еже лежала ту, и похвативъ ю, забилъ ею тысещу мужев.

¹⁶ И рече: «Щекою ословою и челюстию осляти ослицьb поразилъ есми их и убихъ тысещу мужей».

¹⁷ И егда сия слова домолвилъ, поверже щеку из руки на землю, и прозва место то Рамаф-Лехи, еже исказуется «възятие щеки».

¹⁸ И хотяй пити велми, вопил к Господу Богу, глаголя: «Господи! Ты еси далъ рукою раба Твоего высвобожение сее и победу великую. И се безпитиемъ умру и впаду в руце необрезанныхъ».

¹⁹ И отворилъ естъ Господь Богъ зубъ кутний у щеки ословы, и выплынули суть с него воды. И пие, и навратися духъ его, и укрепися. Прото ж названо ест место то Источник призывающего от щеки даже до днешнего дня.

²⁰ И судилъ естъ Самсонъ во времена ты людей Ізраилевыхъ двадцеть летъ.