Братию свои Авимелехъ, сынъ Гедеоновъ, погубил, кроме Іонафы, найменшего. Той притчу кажет Сихемляномъ. Авимелехъ повоева градъ Сихемъ. И жена и каменемъ ранила с столпа. И о смерти его.
1 Тогда иде Авимелех, сынъ Гедеонов, во град Сихемъ ко братии матки своея, и молвил естъ к нимъи ко всему роду отца и матери своея, глаголя:
2 «И рците ко всимъ мужемъ града Сихемска: и что естъ лепей вамъ — то ли, абы владели надъ вами седмъдесятъ мужевъ, сыновъ Еровоалевыхъ, чи ли абы единъ владелъ над вами? Помыслите на то вси, иже есмъ тело и кость ваша».a
3 Тогда молвили суть братия маткиb его ко всему множеству людей града Сихемска вся слова его, и наклонили серца ихъ ко Авимелеху, глаголюще: «Братъ естъ нашъ».
4 И дали суть ему седмъдесятъ цетнеревъc сребра ис храму кумира своего Баал-Берита. Он же нанялъ собе за не мужей празнующих и збродневъ, и идоша за ним.
5 И прииде с ними Авимелех в домъ отца своего до Ефры, и побилъ братию свою, сыны Гедеоновы, седмъдесятъ мужевъ, на единомъ каменю. И осталъ естъ толико Іонафа, сынъ Гедеоновъ наменший, и сокрися от него.
6 Потомъ сошлися суть вси мужиd Сихемстии и все племя града Мелоа и поставили собе царемъ Авимелеха под дубом, иже былъ ту, у града Сихема.
7 Сее егда поведено Іонафови,e сыну Гедеонову, шолъ на верхъ горы Гаризим, и стоя тамъ, воспиf гласом велиимъ, глаголя: «Послушайте мене, мужи Сихемстии, да и васъ послушаеть Господь Богъ!
8 Идоша древа з дубравы поставити собе царя, и рекоша к масличине: “Царствуй над нами!”g
9 Она же отвеща имъ: “Не могу я опустити тучности своее, еяже поживають бози и человеци, и ити, абых была повышена над древы”.
10 Тогда опять молвили суть древы дубравныи, ко смоковници глаголюще: “Пойди и царствуй над нами!”
11 К ним же рече смоковница: “Не могу я опустити сладкости своея и плоду своего добраго и ити надъ инымъ древиемъ царствовати”.
12 Потомъ опять рекло есть древие дубравы ко винничине: “Пойди и царствуй над нами!”
13 Тая же рече: “Не могу я опустити вина моего, иже обвеселяеть Бога и человеки, и надъ иное древие воздвижена быти”.
14 Наостанце же молвило ест все древие ко тернию, глаголюще: “Пойди ты и царствуй над нами!”
15 И рече к нимъ терние: “Естъли же от правды берете собе мене в царя место, то пойдите и отпочинте подъ стенемъ моимъ. Пакли же не восхощете, то да выскочить огнь с терния и попалить древа на горе Ливанской”.
16 Ныне же справедливе ли есте собе уделали царемъ Авимелеха? И верне ли есте учинили съ Еровоалемъ, отцемъ моимъ, и с родом его, и отдали ли есте ему добрымъ?
17 Онъ убо живот свой выдалъ ест для васъ на погыбель, абы избавилъ васъ от руку Мадиамскихъ.
18 Вы же ныне востали на домъ отца моего и побили есте сыновъ его, седмъдесятъ мужевъ, на камени единомъ, и поставили есте собе царемъ Авимелеха, сына рабыне его, надъ живущими в Сихеме, понеже естъ братъ вашъ.
19 Сего ради, естъли же есте то справедливе и верне учинили со Еровоалемъ и с сыны его, веселитеся ныне о Авимелеху, и онъ да веселится о васъ.
20 Пакли же несправедливе и неверне есте учинили надъ отцемъ моимъ, тогда выйдеть огнь с него и попалить живущих во граде Сихеме и во граде Мело. Или опять, да выйдеть огнь из града Сихема и из града Мело и спалить Авимелеха».
21 Сее егда доконалъ, глаголя, Іоафанъh утече з горы и иде въ Беру, и живяше ту, боячися брата своего Авимелеха.
22 И царствовалъ естъ Авимелехъ надъ людми Ізраилевыми три лета.
23 Тогда пустилъ ест Господь Богъ духа презлого межи Авимелехом и Сихемляны, ониже почали его имети в ненависти
24 и воспоминати ему грехъ убийства седмидесятъ сыновъ Еровоалевых, яко виненъ былъ Авимелехъ крови пролития ихъ и старейшины града Сихемска, понеже ему в томъ помощни были.
25 И поделали на него залоги поверху гор, и тыи, ждущи Авимелеха, обираху людей, ониже туде хождяху. И ведяше добре о томъ Авимелех.
26 В то теже время прииде Гаиль, сын Оведов, з братиею своею и внииде въ Сихемъ-градъ на помощь имъ. Для его же пришествиа вознесошеся мужи Сихемляне,
27 и вышедъши на поле, все показиша винограды и грозны потопташа. И вделавши танци, и поюще. вошли суть до храму кумира своего, и пирующе посполу, злоречили суть Авимелехови.
28 И Гаиль, сынъ Оведовъ, с ними вопиаше, глаголя: «И что естъ Авимелехъ или кто естъ Сихемъ, абыхомъ служили ему? Еда ли несть сынъ Еровоалев? И поставил Зевула, раба своего, надъ мужми Еморовыми, отца Сихемова. И прочто быхом служили ему?
29 О, абы кто далъ людей сих в руце мое, высвободил бых я их от руку Авимелеховых!» Тогда поведено ест сее Авимелехови, абы собрал людей,
30 понеже Зевул, старейшина града, услышавши слова Гаилевы, розгневался велми
31 и послал тайне ко Авимелехови послы, глаголя: «Се Гаиль, сынъ Оведовъ, прииде въ Сихемъ съ братиею своею и укрепляеть градъ на тя.
32 Сего для въстани вночи с людми тыми, иже с тобою суть, и сокрийся на поли.
33 И егда солнце будеть усходити, удариши на градъ. И егда онъ выедеть с людми своими противу тобе, то учиниши ему, еже восхощеши».
34 Тогда въстал ест Авимелех со всими людми своими вночи и учинилъ залогы около града Сихема на четырехъ местехъ.
35 И изыйде противу ему Гаиль, сынъ Оведовъ, и ста во вратехъ градовыхъ. В той часъ вышолъ естъ Авимелехъ с людми своими из залогъ.
36 И егда узрелъ Гаиль людей, рече ко Зевулю: «Видь, оно многые людие з горъ идуть». К нему же глагола Зевуль: «Стени горъ зриши и видятся тобе, яко главы людьские, и тым ся мылиши».
37 И рече опять Гаиль: «Погледь, се оно людие из загорка указываются, и единъ полкъ идеть путемъ, иже ест к дубу».
38 К тому рече ему Зевуль: «И где суть ныне уста твоя, еже глаголаша: “Кто естъ Авимелехъ, абыхомъ служили ему?” То суть тые людие, имиже погорделъ еси. Выйди жъ ныне и бийся с ними».
39 Тогда иде Гаиль и воевался со Авимелехом, людие же Сихемстии ждаша его.
40 Той пакъ гнаше за нимъ даже до града, и пало ест з людей Гаилевых много даже до вратъ градовыхъ.
41 Авимелехъ пакъ осталъ того часу въ Раме. Зевуль же выгнал ест из града Гаиля и дружину его и не хотелъ ихъ потомъ въ Сихеме-граде имети.
42 Во вторый пакъ день изыйдоша людие Сихемстии на поле, и возвестиша сие Авимелехови.
43 И понялъ с собою войско свое, и розделилъ е на три полки, и поделалъ залоги по поляхъ. И видя тое, иже людие изыдоша из града, ударилъ на нихъ со однымъ полкомъ, и поразивъ их,
44 обляже и добываше со всехъ стран града. Иные пакъ два полки его, по поляхъ бегающе, гоняху и побиаху гражанъ.
45 Авимелехъ же целый день добываше града, даже и достал его, и всехъ живущихъ в немъ погубилъ и градъ сказилъ тако, иже на знамя скажения и соль по тому месту посыпал.
46 Егда сие услышали мужи некои гражане, иже были на столпе Сихемскомъ, увошли суть до храму кумира своего Верофа, игдеже первей завещали были завет с ним, и от того место то прозывалося именем его и бе огражено и крепко велми.
47 Тогда Авимелехъ, доведався того, иже мужи Сихемстии утекли на столпъ вси вкупе,
48 и иде на гору, именем Селмонъ, со всими людми своими, и взяв секиру, утялъ веть великую и возложи на рамена своя, и рече ко дружине: «Что азъ делаю, на то гледечи, и вы по тому же прудце делайте».i
49 Тогда вси утяша по вети великой и несоша за Авимелехомъ; и пришедъши къ столпу тому, запалиша ветие зысподу так, иже змерло тысеща людей дымом и огнемъ, мужей и женъ, на столпе, гражанъ Сихемъскихъ.
50 Авимелех же, оттоле идя, прииде ко граду Тевису, и обляже и, и взя.
51 И былъ естъ столпъ высокъ посреде града того, на нже утекли были мужи посполу и жены и вси старейшины града, затворивши крепце двери, и с столпа браняхуся, стояще на преходехъ.
52 Тогда пришедъ Авимелехъ ко столпу, доставаше его смеле, и приближився ко дверем, хотел запалити.
53 И се жена едина пустила с столпа уломокъ жерновный и лучила в главу Авимелеха, аже с нея мозгъ выскочилъ.
54 Той же скоро позвалъ раба своего и рече к нему: «Выйми мечь свой и добий мя,j абы не рекли, яко жена убила мя». Он же наполнилъ приказание и уби господина своего.
55 И егда убитъ былъ Авимелехъ, вси людие, иже беша с нимъ от сыновъ Ізраилевыхъ, навратишеся в домы своя.k
56 И такъ отдалъ Господь Богъ злость Авимелехову, юже учинилъ дому отца своего, побиая седмъ десятъ мужевъ братии своея.
57 И Сихемляномъ теже злоба их наврачена естъ, еже учинили против господе своей; и пришло на нихъ проклятие Іонафино, сына Еровоалова.l
a 2 Царстваў, 15[:4].
b Erratum: матка.
c цетнеревъ (Вульгата: pondo, ‘фунтаў’; ЦСБ: сребреникъ).
d Erratum: муми.
e Іонафови (Вульгата: Joatham; ЦСБ: Иоафаму).
f возпи.
g 4 Царстваў, 14[:9].
h Вышэй (верш 6): Іонаф (ЦСБ: Иоафам; у Вульгаце адсутнічае).
i Ad marginem: Выше 7[:17].
j 1 Царстваў, 31[:4-5]; 1 Параліпаменан, 10[:4-5].
k 1 Царстваў, 17[:51].
l Erratum: Еровоамова.
Знайшлі памылку ў тэксце? Вылучыце яе і націсніце:
Ctrl + Enter
Книги Судей Израилевыхъ, 9 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.