Судьи прадмова Судьи прадмова

КНИГИ СУДЕЙ, ЕЖЕ ОТ ЕВРЕИ НАЗЫВАЮТСЯ ШОФЪТИМЪ, ЗУПОЛЪНЕ ВЫЛОЖЕНЫ НА РУСЪКИЙ ЯЗЫКЪ ДОКТОРОМ ФРАНЪЦИСКОМ СКОРИНОЮ

ИЗ СЛАВНАГО ГРАДА ПОЛОЦКА, БОГУ КО ЧТИ И ЛЮДЕМ ПОСПОЛИТЫМ К НАУЦЕ, ПОЧИНАЮТСЯa

ПРЕДОСЛОВИЕ ДОКТОРА ФРАНЪЦИСКА СКОРИНЫ С ПОЛОЦЬКА ВЪ КНИГИ СУДЕЙ ІЗРАИЛЕВЫХЪ

Богъ Вседержитель, предъ воплощением Слова своего з Пречистое Девици Марии выведши сыновъ Ізра илевыхъ із Египта, троякимъ обычаемъ спра во валъ естъ ихъ в земли обетованной.

Найпервей судьями, поченши от Исуса Навина, даже до Самуила-пророка триста летъ, яко пишеть о томъ Книга сия Судей.

Потомъ справовал ест ихъ царми, поченши от Саула-царя даже до Седехии и до пленения Ерусалима Навходносоромъ, царемъ Вавилонским, четыреста осм десятъ и четыре лета. О томъ пишеть въ Книгахъ Царствъ и въ Книгахъ Паралипоменона.

Наостанце же справова[л] их жерцами великими, поченши от выпущения съ пленения Вавилонскаго, то естъ от Цира, царя Перскаго, даже до нарожения Слова Божия летъ пятьсотъ и двадесеть, яко пишеть о томъ во книгах Езъдры и Неемии и во Книгахъ Махавейскихъ.

Судей пакъ по Исусе Навине было естъ дванадесеть, еже знаменовали двунадесет апостоловъ, бывшихъ по І[су]се, Сыну Божиемъ.

Первый судья сыновъ Ізраилевыхъ былъ естъ Офониель от поколения Іюдина. Сей поразилъ Хузарсатана, царя Мезопотамскаго, и судилъ людей Ізраилевыхъ четырдесятъ летъ.

Вторый судья былъ ест Айофъ от племени Веньаминова. Той убилъ Еглона, царя Моавъска, а судилъ людей осмъдесятъ летъ.

Третий судья была естъ Дельвора-пророчицаb от племеня Ефраимля. Сия поразила ест с Варахомъ Зизаруc, воеводу Явина, царя Азорскаd, и судила сыновъ Ізраилевых летъ четыредесятъ.

Четвертый судья былъ Гедеонъ, или Еровоаль, от поколения Манасиина. Тому далъ естъ Богъ знамя на руне волняне, и поразил со тремисты мужми сто тысещей и двадцет тысещей воинъ Мадиамлянъ и Амалехитянъ, и судилъ Ізраиля четырдесятъ летъ.

Пятый судия ихъ былъ естъ Авимелехъ, сынъ Гедеоновъ от меншици его. Сей убилъ братии своей, сыновъ Гедеоновыхъ, седмъдесятъ мужей; судил же людей три лета.

Шестый судья людей Ізраилевыхъ былъ Фоляй от племеня Ізахарова, онже судилъ двадесеть и три лета в покои.

Седмый судья был естъ Яиръ от колена Манасиина. Сей имелъ тридцеть сыновъ, ездящихъ на тридцети ослехъ и княжащихъ во тридесети градехъ, а судилъ сыны Ізраилевы двадцеть и две лете.

Осмый судья — Епътай, сынъ жены-блудници от племени Гадова. Той поразилъ сыновъ Амонихъ и добылъ градовъ ихъ; и судилъ людей шесть летъ.

Девятый судья — Авесай от Вефлиома с поколения Іюдина. Сей былъ предокъ царя Давыдовъ, а имелъ тридесеть сыновъ и толико жъ дочекъ, ихже всехъ самъ за муже подавал, и сыны поженилъ; и судилъ людей седмъ летъ.

Десятый судья — Агилонъ от семеня Зевулоня. Той судилъ людей Ізраилевыхъ летъ десеть и умре в покои.

Одинънадесятый судья былъ естъ Авдонъ от племеня Ефраимля. Сей имелъ за живота своего четрыдесятъ сыновъ и тридесеть внуковъ, ездящих на седмидесети ослехъ, и судилъ Ізраиля осмъ летъ.

Дванадесятый судья, и останочный, сыновъ Ізраилевых былъ естъ Самсон пресилный с поколения Данова. Той единою щекою ословою тысещу мужей Филистымскихъ убилъ и льва, поткавши на пути, расторгалъ, и иныи богатырскии многии дела чинилъ, и судилъ людей Ізраилевыхъ двадцеть летъ.

А сии дванадесеть судей сыновъ Ізраилевыхъ не справовали суть их яко цари или властели вышнии, силу имеюще надъ ними, но яко ровнии и товариши, раду имъ даючи и справедливость межи ними чинячи, тако бо приказалъ былъ Господь Богъ Моисеомъ, рабомъ своимъ, глаголя:e «Судьи и справце уставите собе во всехъ вратахъ градов вашихъ, еже Господь Богъ дасть вамъ от кажного поколения, да судять людей судомъ справедливымъ и да не уклонятся ни на жадную страну, и да не зрять на лица и не приимають даровъ, понеже дарове ослепляють очи мудрых людей и зменяють слова справедливых. Справедливе, что справедливаго ест, чините, абы есте живи были и владели землею, юже Господь, Бог вашъ, дасть вамъ».

И тым обычаемъ справовашеся найпервей людие в земли обетованной. И егда на часъ отступоваша от Господа, Бога своего, и служиша ідоломъ и делаша грехи разноличныи, тогда предаваше е Господь Богъ в руце вражие, ониже велми обижаху их. И внегда паки навращахуся к Господу Богу и каяхуся греховъ своихъ, то даяше имъ Господь Богъ судью, онже избавляше ихъ от руку вражиихъ.

И тако вся Книга сия пишеть найболей о безаконии и о гресехъ людей Ізраилевых, и о работе их царемъ чуждимъ, и о воплю их к Господу Богу, и о великомъ милосердии Божиемъ, много бо летъ грехъ для своихъ работаша врагомъ, и скоро навращахуся, высвобожены бываша, греховъ убо ради ихъ укрепляхуся врази и покаания для понижены быша.

А то дано естъ к науце намъ, хрестианомъ: егда грешимо предъ лицемъ Божиимъ, укрепляются врази наши душевныи, яко суть диаволи, и телесныи, яко суть поганы. И внегда каемся греховъ своихъ, то посылаеть намъ Господь Бог пастырей и докторовъ, ониже научають насъ противитися бесовскимъ покусамъ, теже князей и воеводъ добрыхъ, иже боронят насъ от рукъ поганскихъ, готово бо естъ милосердие Божие всемъ, призывающимъ Его в целомъ серци.

Конецъ Предъсловия.

Книги Судей Израилевыхъ, уступ

Public Domain — народны здабытак.
2022, укладальнік — Бразгуноў Алесь.