Именуются людие мнозии, иже осталися суть со сынми Ізраилевыми в земли обетованной, абы воевалися с ними. Съгрешиша сынове Ізраилевы и предалъ е Господь Бог в руце вражие, а потом избавилъ ихъ.
1 Сии суть народове, ихже оставилъ былъ Господь Бог в земли обетованной, абы училися и привыкали людие Ізраилевы и вси иные, иже не умели боевъ Хананейскихъ,
2 да бы потомъ сынове ихъ научилися от нихъ, яко ся имають быти со враги своими, и ведали обычае рати:
3 пять князей Филистымскихъ и всего Хананея, и Сидонея, и Еувея, онже живяше на горе Ливанской, от горы Ваал-Ермот даже где входять до Емафа.
4 И не погубилъ естъ Господь Богъ тыхъ народовъ, абы искусил, будут ли людие Ізраилевы хранити заповеди Его, еже заповедал имъ Моисеомъ, рабом своимъ, чи ли ни.
5 И тако сынове Ізраилевы живяху посреди людей Хананейскихъ, Ефейских, Аморейскихъ, Евузейских, Ферезейскихъ, Еувейскихъ,
6 и понимали собе за жены дщеры их и сыном их давали за жены дщеры своя, и послужили суть богомъ ихъ.
7 И чинили злая дела пред лицемъ Божиимъ, и запомянули Господа, Бога своего, служаще ідолу Ваалю и Астарофу.a
8 Сего ради разгневася Господь Богъ на людей Ізраилевыхъ и предалъ их в руце Хузарсатанови, царю Мезопотамскому, и работаша ему осмъ летъ.
9 Тогда возпиша сынове Ізъраилевы к Господу Богу. Той же востави имъ избавителя, и избавилъ их Офониель, сынъ Ценезеовъ, братъ Калефовъ младший.
10 И бысть в немъ Духъ Божий, и судил людей Ізраилевыхъ. И изыйде на войну, и предал ест Господь Богъ в руце его Хузарсатана, царя Мезопотамъскаго, и поразил его.
11 И бысть покой на земли четырдесятъ летъ. И умре потом Офониель, сынъ Ценезеовъ.
12 Тогда опять приложиша сынове Ізраилевы, абы чинили злая дела предъ лицемъ Божиимъ, и Господь Богъ укрепилъ на нихъ Еглона, царя Моавскаго, понеже злая делаху предъ Господемъ Богомъ.
13 И принялъ к собе сыны Амонаb и Амалеха, и шедъ, поразилъ людей Ізраилевых, и взялъ градъ, иже слылъ Фуниковый.
14 И работали суть сынове Ізраилевы царю Моавъскому, Еглону, осмънадесет летъ.
15 И потом возпиша к Господу Богу. Той же воздвиже имъ высвободителя, именем Аиофа, сына Ерова, сына Еминиина, онже такъ левою рукою, яко и правою заровно деаше. И послали суть имъ сынове Ізраилевы дары царю Еглону Моавскому.
16 Той же Аиофъ уделалъ собе мечикъ, на обе стране острый, съ елцами на длань и припоясал и к собе под плащ, под правую страну,
17 и несе дары царю Еглону; былъ же естъ Еглонъ теломъ сытъ велми.
18 И егда подалъ царю Еглону дары, от[ъ]иде с товариши своими, еже были с ним пришли.
19 И навратився паки из места Галгалы, гдеже беша кумиры, прииде ко царю и рече: «Слово тайное имам к тобе, царю». А онъ велелъ ему помолчати. Егда вси вышли вонъ, иже предъ царемъ стояли,
20 приступил ближей к царю Аиофъ, онже в полате своей летней седяше самъ, и рече: «Слово Божие имамъ глаголати тобе». И царь скоро восталъ естъ с престола своего.
21 Тогда Аиофъ простеръ естъ руку свою левую и вынялъ мечикъ, иже бе у правого боку, и вразилъ въ чрево его тако силне,
22 иже ся мечикъ сокрилъ съ елцами в ране и во чреве тучномъ увязъ; а ниже исторгнулъ мечика, но яко в онь вразилъ, тако и нехалъ, даже и лайна задкомъ брюха указалися суть.
23 Потомъ Аиофъ, затворивъ двери полатные и замкомъ замкнувъ, задними дверцами вышолъ ест.
24 Слузи пакъ царевы, вшедши предъ полату, узреша двери затворены и рекоша: «Подобно, ест царь на выходе».
25 И ждавши велми долго, здивишеся, иже нихто не отвираеть, взяли ключь, и отомкнувши, узрели господина своего, лежащего на земли мертва.
26 Аиофъ пакъ в той час, егда они смущахуся, бежаше и минулъ место, игде были кумиры, от негоже ся былъ навратилъ. И пришол естъ до Сеирафа,
27 и затруби у трубу на горе Ефраим, и идоша с нимъ сынове Ізраилевы, той же идяше напредъ.
28 И глагола к ним Аиофъ: «Не бойтеся! Пойдите за мною, яко предалъ естъ Господь враговъ нашихъ, Моавитянъ, в руце наше». Тогда шли суть за нимъ и заскочили броды Іордана, игдеже прехождаху Моавляне от земли своея, и не даша туды никому ити,
29 но побиша Моавлян в той часъ якобы десеть тысещей, всих силныхъ и вдатных мужей, и не моглъ от них ни един утечи.
30 И понижены суть Моавляне в той день под руце сыном Ізраилевым. И былъ ест покой в земли их осмъдесят летъ.
31 По сем же Аиофе былъ ест Сенгар, сын Анатов, той поразил шестьсотъ мужев Филистымлян радлицеюc и бранил людей Ізраилевых.d
a Ad marginem: Выше, 2[:11-13], Ниже 4[:1], Ниже 6[:1], Ниже 10[:6], Ниже 13[:1].
b Erratum: Амоня.
c радлицею — валовым ярмом.
d 1 Царстваў, 17[:39-50].
Знайшлі памылку ў тэксце? Вылучыце яе і націсніце:
Ctrl + Enter
Книги Судей Израилевыхъ, 3 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.