Песня, юже поаше Дельвора-пророчица и Варах, воевода людей Ізраилевыхъ, егда победиша Зизару с войском и с колесницами Явина, царя Ханааня.
1 Въ той же день воспели суть Господу песнь Делвора-пророчица и Варахъ, сынъ Овеноевъ, глаголюще:
2 «Вы, иже есте от людей Ізраилевыхъ добровольне выдали животы своя на битву сию, благославите Господа!
3 Слышьте, цари, и пилне послухайте, князи: азъ есмъ, иже Господу воспою и восхвалю Бога Ізраилева!
4 Господи! егда вышолъ еси з горы Сеиръ и шолъ по странахъ Едомлих, земля потрясеся и небеса, и облаци спустиша дождь.
5 Горы розплынулися пред лицем Господьним и гора Синай предъ тварию Бога Ізраилева!
6 Во днехъ Сангара, сына Анафова, и во днехъ Ягеловыхъ отпочинули стежки, и еже по них ходиша, поблудиша.
7 Престали суть силънии во Израили и згинули, дондеже воста Делвора, мати людей Ізраилевыхъ.
8 Новые боеa выбралъ естъ собе Господь Богъ, и Той врата вражия съкрушилъ. Копие и щитъ не указалися суть въ четырдесяти тысещехъ людей Ізраилевых.
9 Серце мое любить князей Ізраилевыхъ. Вы, иже з доброе воли вашее вышли есте на брань сию, похвалите Господа Бога!
10 Вы пакъ, иже въсседаете на хорошие ослы и седаете на суде, и ходите путемъ, ирците, игде сокрушены суть колеснице и побито войско вражие?
11 На томъ месте исповедайте правды Божия и доброты силнаго Бога Ізраилева». (А в то время приидоша людие Божии ко вратом градовым и обдержали суть господствие.)
12 «Въстани, востани, Дельвора, въстани, востани и пой песню! Въстани и Вараху, сыне Овеноев, и поимай плен, соблюдены бо суть останци людей!
13 Господь в силных воевал з людей Ефраимлих и поразилъ людей Амалехитских.
14 И по Ефраиме воевал Бог мужми силными о Вениамина противу людемъ твоимъ, Амалеху. Приидоша князи з Махира и с поколенья Зевулоня, ониже вели войско к битве.
15 Воеводы от племеня Ізахарова быша съ Дельворою и шли суть за Варахом, онже, яко с порока, бежа до пропасти, выдалъ ся ест в небеспеченство. И сего для повста Рувим противу ему и межи силными стался ест сваръ.
16 Почто живеши межи двема пределома, абы слышалъ громотъ стадъ? Протожъ воста Рувимъ противу ему и межи мужными бысть брань.
17 Гадъ за Іорданомъ отпочивал и Данъ празновалъ при лодьяхъ. Асеръ беше на брегу морском и ту, где былъ складъ, пребывал.
18 Зевулон же и Нефталим выдали животы своя на смерть во стране Мороме,
19 пришли убо цареве и воевашася с ними. Воеваше цари Хананейстии на месте Фамна, у водъ Маедом, но не взяли ту ни единое користи.
20 С небеси воевано ест против имъ, звезды ряды своими и двизаниемъ воевалися со Зизарою.
21 Потокъ Кисонъ захватилъ тела мертвая их, потокъ Кадуминъ, потокъ Кисонъ. Потопчи жъ, душе моя, силныхъ!
22 Копыта отпадаху с ногъ конем их, егда утекаху квапне, и падаху с них мужи силнии врази.
23 “Злоречите земли Мероенъ! — рече ангелъ Божий. — Злоречите и живущих на ней, яко не придоша на помощ Божию и на помощъ силнымъ Его”.
24 Благославена в женахъ Яхиль, жена Яверова Цинейскаго, и благославена в дому своемъ,
25 та бо Зизарови, просящему воды, подала млека, и в чаши княземъ подала масла.
26 Левою рукою взяла колъ, а правою млатъ ковалский, и узревше место за ухомъ, моцне проразила главу его.
27 Межи ноги ея палъ ест, погибе и умре, и валялся пред ногами ее безъ души и бедне.
28 Мати его, с окна выгледаючи, вопиала и с плачем молвила: “И чему такъ долго не едеть? И прочто мешкают возатае его?
29 Отповедела едина мудрейшая от женъ его и рекла ко свекре своей:
30 “Еда ныне делить пленъ и користьb, жены найкраснейшие выбирають ему, ризы разноличные давають Зизаре с користей или самъ собе выбираеть ретези драгие, иже носять на горле”.
31 Тако да погибнуть вси врази Твои, Господи! Любящие же Тебе да просветятся, яко восходящее солнце!»
32 И былъ ест потомъ покой на земли за тридцеть летъ.
a боги.
b 1 Царстваў, 15[:9].
Знайшлі памылку ў тэксце? Вылучыце яе і націсніце:
Ctrl + Enter
Книги Судей Израилевыхъ, 5 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.