Дельвора-пророчица и Варахъ воевашеся со Зизарою, воеводою Явина, царя Ханааня, егожъ убила естъ жена Яверова Цинейскаго, именемъ Яхиль.
1 И приложиша опять сынове Ізраилевы, абы чинили злая дела предъ лицемъ Божиимъ по смерти Аиофове.a
2 И предалъ естъ ихъ Господь Богъ въ руце Явину, царю Ханааню, онже царствовалъ естъ у Азоре. И той имеаше воеводу силы своея, именемъ Зизару,b сам пак живяше у Асерофе странстемъ.c
3 И возъпиша сынове Ізраилевы к Господу Богу, понеже деветьсотъ колесниць с косами железными имеаше той и двадцетъ летъ велми их мучаше.
4 И была естъ в ты часы Дельвора-пророчица, жена Ляпидотова, и та судяше людей Ізраилевыхъ в то время.
5 И живяше подъ Фуникомъ, иже слылъ ея именемъ, межи Рамою и Вефилем, на горе Ефраимле; и прихождяху к ней сынове Ізраилевы с кажным судом.
6 Сея же Дельвора послала и позвала Вараха, сына Овеноева,d с поколения Нефталимля, и рече к нему: «Приказалъ ест тобе Господь, Богъ Ізраилевъ: иди, и ступи, и збери войско на гору Фаворъ, и поимеши с собою десеть тысещей воинъ от сыновъ Нефталимлихъ и теже от сыновъ Зевулонихъ.
7 И я приведу тобе к потоку Кисонъ Зизару, воеводу силы царя Явина, и колеснице его, и все множество людей, и предамъ е в руце твое».
8 Отвещалъ ей Варахъ: «Пойдеши ли сама со мною, то пойду; пакли же не пойдеши, не пойду».
9 Она же рече: «Се, пойду с тобою, но не будет тобе прип[ъ]сана слава сия, понеже в руце женские преданъ будеть Зизара». Тогда воста Дельвора и иде с Варахомъ въ Цедесъ.e
10 Он же созвалъ поколение Нефталимле и Зевулоне, и появъ от нихъ десеть тысещь воинъ, имея с собою Дельвору в полъце, и иде с ними.
11 Яверъ пакъ Цинейский предъ тымъ былъ отышолъ от иныхъ Цинеанъ, братии своея, сыновъ Обавовыхъ, племени Моисеова, и той розбилъ былъ станы своя даже до долины, именемъ Семмимъ, и живяше подле града Цедесъ.
12 Тогда поведено естъ Зизаре, иже прииде з войскомъ Варахъ, сынъ Овеноевъ, на гору Фаворъ,
13 и той скоро собралъ ест деветьсотъ колесниць, еже на странахъ имели суть косы остры, и вси полки от Асерофа-Странеска к потоку Кесонъ.
14 И рече Делвора къ Вараху: «Въстани, сей убо естъf воистинну день, в онже предалъ Господь Богъ Зизару в руце твое, и Той будеть помощникъ твой». Тогда снииде Варахъ с горыg Фаворески и десеть тысещъ мужей с нимъ.
15 И перепустилъ естъ Господь Богъ страхъ на Зизару, и поразилъ вси колеснице его со всимъ войскомъ оружиемъ Варахъ тако, иже Зизара скочивъ с колеснице и пешъ бежаше.
16 Варахъ же гнаше останокъ колесниць и людей, иже утекаху даже до Астарофа, поколе всехъ враговъ своихъ не побилъ.
17 Зизара пак, утекая, прибежал естъ ко стану жены, именем Яхили, еяже мужъ былъ Яверъ Цинейский, понеже былъ естъ миръ межи Явиномъ, царемъ Асорским, и домомъ Яверовымъ Цинейскаго.
18 Тогда вышла естъ Яхиль во стретение Зизарови и рече к нему: «Пойди ко мне, господине мой, а не бойся». Той же внииде до стану ее и прикрися плащем ея,
19 и рече к ней: «Дай мне, молю ти ся, мало воды, яко велми быхъ пилъ». Она же взявши сосудъ съ млеком и дала ему напитися, и прикрила его опять.
20 И рече к ней Зизара: «Стой же предъ дверми, и придет ли кто, пытаяся тебе: “Естъ ли сезде кто?”, откажи: “Несть никого”».
21 Тогда узяла Яхиль, жена Яверова, колъ становый и млатъ, и въшедши к нему, тихо наставила на заушие главы его, и ударила млатомъ, и проразила до мозгу, аже в земълю колъ увязъ; той же и умре, спяй.i
22 И се Варах, женучися за Зизарою, прииде. И изыйде Яхиль на стретение ему, и рече к нему: «Пойди семо и покажу тобе мужа, егоже ищеши». Той пак егда вшолъ к ней, узрелъ ест Зизару, лежаща мертва, и колъ, вязящъ въ главе его.
23 И покорилъ ест Господь Богъ в той день Явина, царя Ханааня, предъ сынми Ізраилевыми.
24 Они же по вся дни множахуся и силне побежаху Явина, царя Ханааня, даже и выгубиша его.
a Ad marginem: Выше 2[:11-13]; Выше, 3[:7]; Ниже, 6[:1]; Ниже, 10[:6]; Ниже, [1]3[:1].
b 1 Царстваў, 12[:9].
c у Асерофе-Странстемъ (Вульгата: in Haroseth gentium, ‘у Асерофе родаў/народаў’; ЦСБ: во Арисофе языковъ).
d Вульгата дадае: de Cedes; ЦСБ дадае: из Кедеса.
e Кедесъ.
f Erratum: еетъ.
g 1 Царстваў, 14[:11].
i Псалом 82[:10].
Знайшлі памылку ў тэксце? Вылучыце яе і націсніце:
Ctrl + Enter
Книги Судей Израилевыхъ, 4 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.