Судьи 2 Судьи 2 разьдзел

¹ Въступил естъ ангелъ Божий от Галгалъ на место, гдеже плакали сутьa сынове Ізраилевы, и глагола к ним: «Се, выведохъ васъ изъ Египта и введохъ в землю, юже обещал былъ есми дати отцем вашим, абыхъ не разорил завета Моего, иже завещах с вами во веки.

² Толико вы да не чините смолвы с людми, живущими на земли той; требники их да показите. Вы пакъ не хотесте послушати речи Моея.

³ И сего ради не хотел есми выгубити их пред лицем вашим, абы есте имели на ся врагы и боеb их абы вамъ были на погибел».

⁴ И егда глаголал ест ангелъ Божий слова сия ко всем сыномъ Ізраилевым, возпиша вси людие и плакаша.

⁵ И прозвано ест место то Плачущих, или Слезъ. Тогда принесоша людие жертвы Господу Богу.

⁶ И потом розыйдошеся единый каждый в домы своя, игдеже живяше.

⁷ И служили были сынове Ізраилевы Господу Богу по вся дни Ісуса Навина и по вся дни старейшин, иже по нем долго живы были и знали вси дела Божия, еже удела з людми Ізраилевыми.

⁸ Умершу же Исусу, сыну Навину, рабу Божию, в летех сто и десяти,

⁹ и погребоша и на пределех причастия его въ Фамнат-Саре, на горе Ефраимъ, ко стране полуночной горы Гаиасъ.

¹⁰ И помершимъ всемъ старейшинам первым людей Ізраилевых, и по них настали суть иныи родове, ониже не знаша Господа и ни дел Его, еже чинил ест сыном Ізраилевымъ.

¹¹ И тии пахали суть злая дела предъ лицемъ Божиимъ и служиша ідолу Ваалиму,

¹² и опустиша Господа, Бога отцевъ своихъ, Онже был их вывелъ из земли Египетское, и наследоваша боговъ иныхъ, кумировъ поганских, иже около нихъ живяху, и кланяхуся имъ, и къ гневу приводили Господа Бога,

¹³ опустивши Его и служаще ідолу Ваалю и Асторофу.c

¹⁴ И разгневался на них Господь Бог, и предал е в руце врагов их, ониже имали е и продавали неприятелем, живущим около их. И не могоша спротивитися врагомъ своим,

¹⁵ но аще где обращахуся, везде рука Божия была естъ противу имъ, якоже глаголал и клялся к ним. И зазлиша имъ врази велми.

¹⁶ Тогда возбудил Господь Богъ имъ судей, ониже бы ихъ избавили з руку вражиих.

¹⁷ Но ни тыхъ не хотеша послухати, служащи богом чуждимъ и кланяющеся имъ, и уклонишеся скоро с путей тыхъ, по нихже ходиша отцеве их, и слухающи заповедей Божиихъ, не чиниша тако.

¹⁸ И егда за днев ихъ Господь Богъ воставяше имъ судью, слютовашеся надъ ними воздыхания ради их, и збавляше е от лица врагов, воюющих на не.

¹⁹ И бысть: яко умре добрый судья, паки навращахуся ко грехомъ своимъ и многым горшая деаху, нежели отцеве их, наследующе боговъ чуждихъ и служаще и кланяющеся имъ. Не осташа вымыслов своихъ и путей претвердыхъ, по нихже были привыкли первей ходити.

²⁰ Протожъ разгневася ярость Божия на людей Ізраилевыхъ, и рече: «Людие сие, понеже зрушили суть заветъ Мой, еже завещахъ съ отци их, и заповеди Моя повергоша,

²¹ Азъ теже не погублю погановъ из земли тое, ихъже оставилъ Исусъ, сынъ Навин, и умерлъ ест,

²² да искушу того, будут ли людие Ізраилевы полнити заповеди Моя, якоже полънили суть отцеве их, или ни».

²³ И оставил ест Господь Бог тыхъ народов поганских и не хотел их всехъ нагле выгубити из земли обетованное и ниже предал их в руце Исусу Навину.