Выслоўяў Саламонавых 4 разьдзел
Кніга выслоўяў Саламонавых
Пераклад Чарняўскага 2017 → Пераклад Леаніда Галяка
Слухайце, дзеці, бацькоўскае настаўленне і слухайце, каб навучыцца разважлівасці;
Слухайце сыны павучэньня бацькі і пільнуйце, каб навучыцца розуму,
я дам вам добрае навучанне, не пагарджайце запаветам маім.
бо даю вам добрую навуку: не пакідайце майго запавету.
Бо і я быў сынам бацькі майго, пешчаны і адзіны — у маці маёй;
Калі я быў малодзенькім сынам у майго бацькі і адзіным у маёй маці,
вучыў ён мяне і казаў мне: «Хай прымае сэрца тваё словы мае, беражы настаўленні мае — і будзеш жыць.
ён вучыў мяне, гаворачы мне: — няхай захавае сэрца тваё словы мае, пільнуй мае запаветы і будзеш жыць.
Набывай мудрасць, набывай разважлівасць, не забывайся і не ўхіляйся ад слоў вуснаў маіх.
Набывай мудрасьць, набывай розум; не забывай гэтага і не ухіляйся ад словаў маіх вуснаў.
Не пакідай яе, і яна зберажэ цябе, любі яе, а яна выратуе цябе.
Не пакідай яе і яна будзе сьцерагчы цябе і яна будзе аховываць цябе.
Пачатак мудрасці: валодай мудрасцю і набывай разважлівасць ва ўсякай тваёй маёмасці.
Пачаткам усяго зьяўляецца мудрасьць: набывай мудрасьць і усёю маемасьцяй тваёй набывай розум.
Набывай яе, і яна ўзвысіць цябе, яна праславіць цябе, калі будзеш любіць яе.
Цані яе высока і яна узвысіць цябе; уславіць цябе, калі ты прыймеш яе;
Ускладзе на галаву тваю вянок ласкі, абароніць цябе ўслаўленым вянцом».
Дадасьць галаве тваёй упрыгажэньня, вянцом упрыгажэньня абдорыць цябе.
Слухай, сыне мой, і ўспрымай словы мае, каб памножыліся гады жыцця твайго.
Слухай, мой сын, прыймі словы мае і памножацца годы твайго жыцьця.
Паказаў я табе шлях мудрасці; вяду цябе сцежкамі справядлівымі,
Навучаю цябе шляхоў мудрасьці, вяду цябе па простых сьцежках,
калі ўступіш на іх, не будуць сціснутыя крокі твае, і, калі пабяжыш, не сустрэнеш перашкоду.
калі пойдзеш імі ня будзе сьцесьненай твая хада, а калі пабяжыш не паткнешся.
Трымай настаўленне і не адпускай яго; беражы яго, бо яно — жыццё тваё.
Прыймі павучэньне, не пакідай яго і сьцеражы, бо яно тваім жыцьцём.
Не ўступай на сцежкі бязбожнікаў і не хадзі па дарозе ліхіх людзей.
Не уваходзь на сьцежку бязбожных і не хадзі шляхом благіх;
Пазбягай яе і не хадзі па ёй; ухіляйся і адступіся ад яе.
пакінь яго, не хадзі па ім; ухіліся ад яго і прайдзі міма,
Бо не спяць яны, пакуль благога не зробяць, і сон іх не ахоплівае, калі не дадуць камусьці падножку.
бо яны не заснуць, калі ня зробяць благога і не супакояца, пакуль не прывядуць каго да упадку,
Бо ядуць яны хлеб бязбожнасці і п’юць віно несправядлівасці.
бо яны ядуць хлеб бязбожнасьці і п’юць віно грабежа.
А сцежка справядлівых — быццам святло ззяючае ўзыходзіць і расце аж да поўнага дня.
Сьцежкі-ж справядлівых, як ясны сьвет, які чым далей тым больш сьвеціць да поўнага сьвету,
Шлях бязбожнікаў — цёмны, і не ведаюць яны, дзе зваляцца.
шляхі-ж бязбожных, як цемра; яны ня ведаюць, аб што паткнуцца.
Сыне мой, слухай уважліва размовы мае і схіляй вуха сваё да размоў маіх;
Сын мой, уважай на мае словы і схілі вуха да мовы маёй.
хай не знікаюць яны з вачэй тваіх, беражы іх у глыбіні сэрца свайго;
Няхай яны не адыходзяць ад вачоў тваіх, захавай іх у сярэдзіне твайго сэрца,
бо яны — жыццё для тых, хто знаходзіць іх, і здароўе — для ўсяго цела.
бо яны жыцьцё для таго, хто знайшоў іх і лек для цела.
Усялякім наглядам сцеражы сэрца сваё, бо з яго жыццё ўзнікае.
Больш усяго, што сьцерагуць людзі, сьцеражы тваё сэрца, бо з яго крыніцы жыцьця.
Адхілі ад сябе крывадушны язык, і хай будуць далёка ад цябе шкодныя вусны.
Адкінь ад сябе манлівасьць вуснаў і аддалі ад сябе злосны язык.
Вочы твае хай глядзяць прама, а павекі хай накіраваны будуць перад сабой.
Вочы твае няхай глядзяць на добрыя рэчы, а павекі твае няхай будуць скіраваныя наперад.
Сачы за сцежкай ног тваіх, і ўсе дарогі твае будуць цвёрдыя.
Абдумай сьцежкі для тваёй нагі і усе шляхі твае будуц пэўныя.
Не паварочвай ані направа, ані налева, беражы нагу сваю ад ліха.
Не адхіляйся ані направа, ані налева; адвярні нагу тваю ад благога.
