Выслоўяў Саламонавых 4 разьдзел
Кніга выслоўяў Саламонавых
Пераклад Чарняўскага 2017 → Пераклад Яна Станкевіча
Слухайце, дзеці, бацькоўскае настаўленне і слухайце, каб навучыцца разважлівасці;
Слухайце, сынове, навуку айцову, слухайце ўважліва, каб пазнаць розум;
я дам вам добрае навучанне, не пагарджайце запаветам маім.
Бо добрую навуку даю вам. Не пакідайце права майго;
Бо і я быў сынам бацькі майго, пешчаны і адзіны — у маці маёй;
Бо я быў сын айца свайго, кунежны адзіны ў маці сваёй;
вучыў ён мяне і казаў мне: «Хай прымае сэрца тваё словы мае, беражы настаўленні мае — і будзеш жыць.
І ён вучыў мяне, і казаў імне: «Няхай сэрца твае дзяржыць моцна словы мае; дзяржы расказаньні мае й жыві;
Набывай мудрасць, набывай разважлівасць, не забывайся і не ўхіляйся ад слоў вуснаў маіх.
Прыдбавай мудрасьць, прыдбавай кемнасьць; не забывайся а не адхінайся ад слоў вуснаў маіх.
Не пакідай яе, і яна зберажэ цябе, любі яе, а яна выратуе цябе.
Не пакідай яе, і яна будзе бараніць цябе; любі яе, і яна будзе сьцерагчы цябе.
Пачатак мудрасці: валодай мудрасцю і набывай разважлівасць ва ўсякай тваёй маёмасці.
Галоўна мудрасьць: прыдбай мудрасьць і за ўсю сваю маемасьць прыдбай кемнасьць;
Набывай яе, і яна ўзвысіць цябе, яна праславіць цябе, калі будзеш любіць яе.
Вывыш яе, і яна цябе падыйме; яна ўславе цябе, калі ты абыймеш яе;
Ускладзе на галаву тваю вянок ласкі, абароніць цябе ўслаўленым вянцом».
Яна дасьць на галаву тваю вянок зычлівасьці, падаруе цябе каронаю харашыні».
Слухай, сыне мой, і ўспрымай словы мае, каб памножыліся гады жыцця твайго.
Слухай, сыну мой, і прыймі словы мае, і памножацца гады жыцьця твайго.
Паказаў я табе шлях мудрасці; вяду цябе сцежкамі справядлівымі,
У дарозе мудрасьці я вучыў цябе, вёў цябе па простых сьцежках.
калі ўступіш на іх, не будуць сціснутыя крокі твае, і, калі пабяжыш, не сустрэнеш перашкоду.
Як ты пойдзеш, сіг твой ня будзе зьдзержаваны, і як пабяжыш, не спатыкнешся.
Трымай настаўленне і не адпускай яго; беражы яго, бо яно — жыццё тваё.
Моцна дзяржыся навукі, ня кволь, сьцеражы яе; бо яна жыцьцё твае.
Не ўступай на сцежкі бязбожнікаў і не хадзі па дарозе ліхіх людзей.
На сьцежку нягодных ня ўходзь і ня ступай на дарогу благіх;
Пазбягай яе і не хадзі па ёй; ухіляйся і адступіся ад яе.
Сьцеражыся яе, абмінай яе, адхініся ад яе й абміні;
Бо не спяць яны, пакуль благога не зробяць, і сон іх не ахоплівае, калі не дадуць камусьці падножку.
Бо яны не заснуць, пакуль ня зробяць ліха, і спабудуцца сну, калі ня прычыняць спатыкненьня;
Бо ядуць яны хлеб бязбожнасці і п’юць віно несправядлівасці.
Бо яны ядуць хлеб нягоднасьці і п’юць віно ўсілства.
А сцежка справядлівых — быццам святло ззяючае ўзыходзіць і расце аж да поўнага дня.
А сьцежка справядлівых, як сьвятліня сьвітаньня, зьзяе ясьней а ясьней аж да супоўнага дня.
Шлях бязбожнікаў — цёмны, і не ведаюць яны, дзе зваляцца.
Дарога нягодных, як глыбокая цямнота: яны на ведаюць, аб што спатыкнуцца.
Сыне мой, слухай уважліва размовы мае і схіляй вуха сваё да размоў маіх;
Сыну мой! уважай на словы мае, да казаняў маіх нахіні вуха свае.
хай не знікаюць яны з вачэй тваіх, беражы іх у глыбіні сэрца свайго;
Няхай яны не адступаюць ад аччу тваіх; дзяржы іх у сэрцу сваім;
бо яны — жыццё для тых, хто знаходзіць іх, і здароўе — для ўсяго цела.
Бо яны — жыцьцё таму, хто знайшоў іх, і ўсяму целу ягонаму ўздараўленьне.
Усялякім наглядам сцеражы сэрца сваё, бо з яго жыццё ўзнікае.
Над усе сьцеражонае сьцеражы сэрца свае, бо зь яго жаролы жыцьця.
Адхілі ад сябе крывадушны язык, і хай будуць далёка ад цябе шкодныя вусны.
Адвярні ад сябе ашукны рот і крутадушныя вусны здаль ад сябе.
Вочы твае хай глядзяць прама, а павекі хай накіраваны будуць перад сабой.
Вочы твае хай глядзяць проста, і векі твае проста перад табою.
Сачы за сцежкай ног тваіх, і ўсе дарогі твае будуць цвёрдыя.
Разваж добра сьцежку ног сваіх, і ўсі дарогі твае ўладзяцца.
Не паварочвай ані направа, ані налева, беражы нагу сваю ад ліха.
Не адхінайся ані направа, ані налева; адвярні нагу сваю ад ліха.
