Выслоўяў Саламонавых 11 разьдзел

Кніга выслоўяў Саламонавых
Пераклад Чарняўскага 2017 → Пераклад Яна Станкевіча

 
 

Агіднасць для Госпада — вага падманная, а дакладная вага — воля Яго.
 
Хвальшывая вага — агідна СПАДАРУ, але супоўны камень — любата Яму.

Прыходзіць пыхлівасць — прыйдзе і ганьба; а ў пакорлівых — мудрасць.
 
Прыйдзе пыха, і прыйдзе сорам, але ізь сьціплымі — мудрасьць.

Чыстасардэчнасць справядлівых будзе накіроўваць іх, а падкопы крывадушных загубяць іх.
 
Беззаганнасьць пасьцівых будзе весьці іх, але папсаванасьць выступнікаў зьнішча іх.

У дзень гневу не дапаможа багацце, а справядлівасць выратуе ад смерці.
 
Багацьце не даець карысьці ў дзень гневу, але справядлівасьць вывальняе ад сьмерці.

Справядлівасць чыстасардэчнага будзе кіраваць яго дарогай, а бязбожнік загіне ў сваёй бязбожнасці.
 
Справядлівасьць беззаганных раўнуе дарогу іхную, але ў нягоднасьці сваёй паваліцца нягодны.

Справядлівасць справядлівых вызваліць іх, а несправядлівыя будуць захоплены ўласнымі падкопамі.
 
Справядлівасьць пасьцівых вывальняе іх, але нягоднасьць выступнікаў злове іх.

Калі памрэ бязбожнік, ніякай надзеі ў яго больш не будзе; а чаканне багацця загіне.
 
Як нягодны чалавек памірае, спадзева загіне, і надзея несправядлівых гіне.

Справядлівы будзе вызвалены ад беднасці, а на месца яго трапіць бязбожнік.
 
Справядлівы вывальнены зь немарасьці, і луча нягодны замест яго.

Крывадушнік вуснамі падманвае сябра свайго, а справядлівыя будуць вызвалены ведамі.
 
Вуснамі падлыжніка гіне прыяцель ягоны, але ведаю справядлівага будзе вывальнены.

У час росквіту справядлівых радуецца горад, а ў час пагібелі бязбожнікаў будзе пахвала.
 
З дасьпеху справядлівых цешыцца места, і як гінуць нягодныя — вяселіцца.

Дабраславеннем справядлівых узвысіцца горад, а вусны бязбожнікаў разбураць яго.
 
Дабраславенствам пасьцівых места павышаецца, але вуснамі нягодных бурыцца,

Хто пагарджае сябрам сваім, той бедны на разважлівасць, а разважлівы чалавек будзе маўчаць.
 
Хто грэбуе прыяцелям сваім; у тога не стаець розуму, але людзіна разумная маўчыць.

Хто ходзіць перашэптваючыся, выяўляе таемнае, а верны душою ўтоіць справу.
 
Язычнік адкрые тайну, але верны дух пакрывае справу.

Дзе няма парадку — народ загіне, а збаўленне там, дзе шматлікія парады.
 
Ідзе няма парадаў, люд упадае, але помач ад шмат параднікаў.

Той будзе вынішчаны ліхам, хто за другога ручаецца; хто ненавідзіць паручыцеляў, той будзе агароджаны ад небяспекі.
 
Ліха будзе таму, хто паручыўся за чужніка, але бясьпечны, хто ненавідзе рукаемства.

Паслужлівая жанчына знойдзе славу, а дужыя набудуць багацце.
 
Пасьцівая жонка заховуе пасьцівасьць, а дужы заховуе багацьце.

Міласэрны чыніць дабро душы сваёй, а бязлітасны мучыць самога сябе.
 
Дзее добра душы сваёй людзіна міласэрная, але немарасьце цела свае неміласьціўны.

Бязбожнік робіць ілжывую справу, а для таго, хто сее справядлівасць, — пэўная ўзнагарода.
 
Нягодны робе ашукаю работу, але сяўбіт справядлівасьці — праўдзівая заплата.

Надзейны чалавек рыхтуецца да справядлівасці, а прыхільнік ліха — да смерці.
 
Справядлівасьць да жыцьця, а хто жанецца за ліхам — да свае сьмерці.

Агіда для Госпада — сэрца крывадушнае, а ласка Яго — да тых, хто ходзіць прама.
 
Агіда СПАДАРУ крутадушныя сэрцам, але зычлівасьць Яго да пасьцівых у дарозе сваёй.

Вядома, ліхі чалавек не будзе беспакараны, а нашчадкі справядлівых збавяцца.
 
Можна паручыцца, што ліхадзей ня будзе непакараны, насеньне ж справядлівых будзе вывальнена.

Залатое кольца ў лычы свінні — гэта прыгожая, але неразумная жанчына.
 
Залатая жуковіна ў лычу сьвіньні — харошая жонка без разважнасьці.

Пажаданне справядлівых — толькі дабро, чаканне бязбожнікаў — абурэнне.
 
Жаданьне справядлівых — адно дабро, спадзева нягодных — гнеў.

Адны дзеляцца ўласным і становяцца багацейшымі, а другія, што занадта беражлівыя, заўсёды ў беднасці.
 
Ё шчодры, і дадаецца яму, а другі лішне ашчадны, адылі галее.

Будзе насычана душа, якая дабраслаўляе; і хто напоіць другіх, той сам таксама будзе напоены.
 
Дабрадзейная душа ўесца; і хто даець піць, таму дадуць.

Хто хавае сваё збожжа, той праклінаецца ў народзе, а на галаву тых, якія прадаюць збожжа, — дабраславенне.
 
Хто задзержуе збожжа, таго клінець люд; але дабраславенства на галаву таго, хто прадаець.

Хто настойліва шукае дабра — шукае ласкі [Божай], а хто шукальнік ліха — да таго яно і прыйдзе.
 
Хто ўлегліва шукае дабра, шукае зычлівасьці; але хто шукае ліха, да тога яно прыйдзе.

Хто спадзяецца на багацці свае, загіне, і, як зялёны ліст, будуць расці справядлівыя.
 
Хто спадзяецца на свае багацьце, упадзець; але, як зяленіва, справядлівыя заквітуць.

Хто турбуе дом свой — атрымае вятры, а хто бязглузды — будзе слугою мудрага.
 
Хто бурае дом свой, таму спадзець вецер, і дурны будзе слугою мудраму сэрцам.

Плод справядлівага — дрэва жыцця; і хто мудры — прыцягвае душы.
 
Плады справядлівага — дзерва жыцьця, і мудры прыдбаець душы.

Калі справядліваму адплачваецца на зямлі, тым больш бязбожніку і грэшніку.
 
Вось, справядлівы будзе мець адплату на зямлі, пагатове нягоднік а грэшнік.