Выслоўяў Саламонавых 9 разьдзел
Кніга выслоўяў Саламонавых
Пераклад Чарняўскага 2017 → Пераклад Леаніда Галяка
Мудрасць пабудавала сабе дом і выцесала сем калон;
Мудрасьць збудавала дом свой, выцесала сем ягоных слупоў,
закалола ахвяры свае, развяла віно і прыгатавала свой стол.
пабіла быдла сваё, разьвяла віно сваё і прытагавала свой стол;
Паслала служанак сваіх, каб клікалі ў замак з узвышшаў гарадскіх:
разаслала слугаў сваіх, абвяшчаючы з меставых вышыняў:
«Калі ёсць хто просты чалавек, хай прыйдзе да мяне!» А неразумнаму казала:
— хто неразумны заходзь сюды, а да дурных гаворыць:
«Прыходзьце, ежце хлеб мой і піце віно, якое я развяла для вас;
— прыйдзеце, ешце хлеб мой і пійце разьведзенае мною віно;
пакіньце глупства і жывіце, і хадзіце па дарогах разважлівасці».
пакіньце нярозум і жывеце і хадзеце шляхом розуму.
Хто вучыць кпліўца, сам сабе робіць несправядлівасць; а хто ганьбіць бязбожніка, сябе заплямлівае.
Той, хто павучае блюзьнерцу нажывае сабе ганьбу і той, хто абвінавачывае бязбожнага будзе высьмеяны.
Не ганьбуй насмешніка, каб ён не зненавідзеў цябе, ганьбуй мудрага — і будзе ён цябе любіць.
Не абвінавачывай блюзьнерцу, каб ён не зьненавідзеў цябе; абвінавачывай мудрага і ён будзе любіць цябе;
Кажы мудраму — і ён стане мудрэйшы, вучы справядлівага — і ён павялічыць веды.
зрабі гэта мудраму і ён будзе мудрэйшы; навучы справядлівага і ён будзе разумнейшым.
Пачатак мудрасці — страх Госпадаў, а веданне Святога — разважлівасць.
Пачаткам мудрасьці зьяўляецца страх Госпада, а веда Сьвятога — розумам,
Бо праз мяне дні твае павялічацца і прыбавяцца табе гады жыцця.
бо праз мяне памножацца дні твае і дадасцца табе гадоў жыцьця.
Калі будзеш мудры — будзеш мудры для самога сябе, кпліўцам будзеш — будзеш сам несці ліха.
Калі будзеш мудрым, дык будзеш мудрым сабе, а калі насьмявальнік, дык сам будзеш мець шкоду.
Жанчына бязглуздая — крыклівая, неразумная і што нічога не ведае,
Неразумная жанчына, шумлівая, дурная і нічога ня ведаючая
сядзіць яна каля дзвярэй дома свайго на зэдліку і на ўзвышшах горада,
сядае каля дзьвярэй свайго дому, на крэсьле, на высокіх месцах места,
каб заклікаць тых, хто праходзіць па дарозе, і тых, хто ідзе шляхам сваім:
каб клікаць праходзячых дарогаю, што ідуць проста сваймі сьцежкамі:
«Хто бязглузды, хай звернецца да мяне». А неразумнаму сказала яна:
— хто дурны заходзь сюды, а маларазумным сказала яна:
«Воды крадзеныя — саладчэйшыя, а схаваны хлеб — смачнейшы».
крадзеныя воды саладзейшыя і захаваны хлеб прыемны, —
І не ведае яна, што там цемра і што ў глыбінях апраметнай — госці яе.
але ён ня ведае, што там памершыя, а тыя, якіх заклікалі, — у глыбіні пекла.
