Выхад 40 разьдзел
Выхад
Пераклад Чарняўскага 2017 → Пераклад Васіля Сёмухі
І прамовіў Госпад да Майсея, гаворачы:
І наказаў Гасподзь Майсею сказаць:
«У першы дзень першага месяца паставіш скінію, палатку сустрэчы,
у першы месяц, у першы дзень месяца пастаў скінію сходу,
і паставіш у ёй каўчэг сведчання, накрый яго пакрывалам; і, калі
і пастаў у ёй каўчэг адкрыцьця, і захіні каўчэг заслонаю;
ўнясеш стол, пакладзі на яго тое, што прадпісана па традыцыі, падсвечнік хай стаіць з лямпамі сваімі
і ўнясі стол і пастаў на ім усе рэчы яго, і ўнясі сьвяцільню і пастаў на ёй лампады яе;
і залаты ахвярнік для каджэння хай стаіць перад каўчэгам сведчання, і памясці пакрывала пры ўваходзе ў скінію,
і пастаў залаты ахвярнік, каб дыміць перад каўчэгам адкрыцьця, і павесь заслону на ўваходзе ў скінію;
а ахвярнік цэласпалення — перад палаткай сустрэчы,
і пастаў ахвярнік цэласпаленьня перад уваходам у скінію сходу;
і пастаў таз між палаткай сустрэчы і ахвярнікам, і напоўні яго вадою.
і пастаў умывальнік паміж скініяй сходу і ахвярнікам і налі ў яго вады;
І акружы панадворак пакрываламі, і размясці пакрывала ў браме яго.
і пастаў двор вакол і павесь заслону ў браме двара.
І, узяўшы алею намашчэння, памажаш скінію і ўсё, што ў ёй, і асвяці яе з яе пасудзінамі, і будзе яна святыняй.
І вазьмі алею памазаньня, і памаж скінію і ўсё, што ў ёй, і асьвяці яе і ўсе прылады яе, і будзе сьвята;
Памаж таксама ахвярнік цэласпалення і ўсе яго пасудзіны, і асвяці ахвярнік, і будзе ён святым з святых.
памаж ахвярнік цэласпаленьня і ўсе прылады яго і асьвяці ахвярнік, і будзе ахвярнік сьвятыня вялікая;
І памажаш таз з падножжам яго, і асвяці яго.
і памаж умывальнік і падножжа яго і асьвяці яго.
І прывядзі Аарона і яго сыноў да ўваходу ў палатку сустрэчы; абмытых вадою,
І прывядзі Аарона і сыноў ягоных да ўваходу ў скінію сходу і абмый іх вадою;
апрані Аарона ў святыя шаты, намасці і пасвяці яго, каб служыў Мне святаром.
і апрані Аарона ў сьвяшчэннае адзеньне, і памаж яго, і асьвяці яго, каб ён быў сьвятаром Мне.
Прывядзі сыноў яго, і апрані ў шаты,
І сыноў ягоных прывядзі, і апрані іх у хітоны,
і намасці іх, як намасціў іх бацьку, каб служылі яны Мне святарамі, і намашчэнне іх будзе ім у вечнае святарства ў іх пакаленнях».
і памаж іх, як памазаў ты бацьку іхняга, каб яны былі сьвятарамі Мне, і памазаньне іх прысьвеціць іх у вечнае сьвятарства ў роды іхнія.
І Майсей зрабіў усё, як яму загадаў Госпад; так і зрабіў.
І зрабіў Майсей усё: як загадаў яму Гасподзь, так і зрабіў.
Такім чынам, у першы месяц другога года, у першы дзень месяца паставілі скінію.
У першы месяц другога года, у першы дзень месяца пастаўлена скінія.
І паставіў яе Майсей, і паклаў падножжы, і дошкі, і жэрдкі, і слупы паставіў,
І паставіў Майсей скінію, паклаў падножжы яе, паставіў брусы яе, паклаў жэрдкі і паставіў слупы яе,
і разбіў палатку над скініяй, накрыўшы яе пакрыццем зверху, як загадаў Госпад Майсею.
напяў покрыва над скініяю і паклаў века паверсе гэтага покрыва, як загадаў Гасподзь Майсею.
Ён узяў сведчанне і паклаў яго ў каўчэг, і, прасунуўшы скрозь жэрдкі, накрыў зверху перамольняй.
І ўзяў і паклаў адкрыцьцё ў каўчэг, і ўклаў жэрдкі ў колцы каўчэга, і паклаў века на каўчэг зьверху;
І, калі ўнёс каўчэг у скінію, ён павесіў перад ім пакрывала, як загадаў Госпад Майсею.
і ўнёс каўчэг у скінію, і павесіў заслону, і засланіў каўчэг адкрыцьця, як загадаў Гасподзь Майсею.
Паставіў і стол у палатцы сустрэчы на паўночным баку скініі перад пакрывалам,
І паставіў стол у скініі сходу на паўночным баку скініі, паза заслонаю,
разлажыўшы перад абліччам Госпада па парадку хлябы пакладныя, як загадаў Госпад Майсею.
і расклаў на ім рад хлябоў перад Госпадам, як загадаў Гасподзь Майсею.
Паставіў і падсвечнік у палатцы сустрэчы насупраць стала ў паўднёвай частцы,
І паставіў сьвяцільню ў скініі сходу насупраць стала, на паўднёвым баку скініі,
размясціўшы лямпы па парадку, як загадаў Госпад Майсею.
і паставіў лампаду перад Госпадам, як загадаў Гасподзь Майсею.
Паставіў і залаты ахвярнік у палатку сустрэчы перад перамольняй,
І паставіў залаты ахвярнік у скініі сходу перад заслонаю
і на ім спаліў кадзіла з вострых духмяных рэчаў, як загадаў Госпад Майсею.
і задыміў на ім пахучае дымленьне, як загадаў Гасподзь Майсею.
Размясціў і пакрывала ля ўваходу ў скінію,
І павесіў заслону пры ўваходзе ў скінію;
і ахвярнік цэласпалення паставіў перад уваходам у скінію, у палатку сустрэчы, ахвяруючы на ім цэласпаленне і ахвяру, як загадаў Госпад Майсею.
і ахвярнік цэласпаленьня паставіў каля ўваходу ў скінію сходу і прынёс на ім цэласпаленьні і ахвяру хлебную, як загадаў Гасподзь Майсею.
Паставіў таксама таз між палаткай сустрэчы і ахвярнікам, напоўніўшы яго вадою;
І паставіў умывальнік паміж скініяй сходу і ахвярнікам і наліў у яго вады для абмываньня,
і мылі ў ім рукі і ногі свае Майсей, Аарон і сыны яго,
і абмывалі зь яго Майсей і Аарон і сыны ягоныя рукі свае і ногі свае;
калі ўваходзілі ў палатку сустрэчы і набліжаліся да ахвярніка, як загадаў Госпад Майсею.
калі яны ўваходзілі ў скінію і падыходзілі да ахвярніка, тады і абмывалі, як загадаў Гасподзь Майсею.
Паставіў ён і панадворак вакол скініі і ахвярніка, пры яго ўваходзе павесіўшы пакрывала. Такім чынам, Майсей закончыў работу.
І паставіў двор вакол скініі і ахвярніка і павесіў заслону ў браме двара. І так закончыў Майсей дзею.
І воблака накрыла скінію разам з палаткай сустрэчы, і слава Госпада напоўніла скінію.
І ўкрыла воблака скінію сходу.
І не мог Майсей увайсці ў палатку сустрэчы, бо спачывала на ёй воблака, і слава Госпада напоўніла скінію.
І ня мог Майсей увайсьці ў скінію, бо засланяла яго воблака, і слава Гасподняя напаўняла скінію.
Калі воблака падымалася над палаткай, сыны Ізраэля пускаліся ў дарогу ва ўсякіх абставінах;
Калі падымалася воблака ад скініі, тады выпраўляліся ў дарогу сыны Ізраілевыя падчас усяго падарожжа свайго;
а калі воблака не падымалася, не пускаліся яны ў дарогу аж да дня, пакуль не падымалася воблака.
калі ж не падымалася воблака, дык і яны не выпраўляліся ў дарогу, пакуль яно не падымалася;
Бо ўдзень пакрывала скінію воблака Госпада, а ўночы свяціла, быццам бляск агню, на вачах усяго дома Ізраэля ў час усіх іх вандровак.
бо воблака Гасподняе стаяла над скініяй удзень, і агонь быў уначы ў ёй перад вачыма ўсяго дома Ізраілевага падчас усяго падарожжа іхняга.
