1 летапісаў 7 разьдзел

 

 

Сыны Ісахара: Тола і Пува, Ясуб і Сэмрон — чацвёра.

 

І ў сыноў Іссасхаровых: Фола а Пуа, Яшуў а Шымрон, чатыры.

Сыны Толы: Озі, і Рафая, і Ерыэль, і Ема, і Ібсэм, і Самуэль, кіраўнікі родаў сваіх; з нашчадкаў Толы людзі наймужнейшыя, палічаныя і ў дні Давіда па іх радаводах — дваццаць дзве тысячы шэсцьсот.

 

І сынове Фоліны: Уз а Рэфая а Ерэль а Ягмай а Іўсам а Самуйла, галавы дому айцоў сваіх ад Фолы, мужы харобрыя ў пакаленьнях сваіх, каторых лік за дзён Давіда дваццаць дзьве тысячы шасьцьсот.

Сыны Озі: Ізрахія, які быў бацькам Міхаэля і Абадзіі, і Ёэль, і Ясія: усіх пяць кіраўнікоў.

 

І сыны Узавы: Ізрага; а сынове Ізражыны: Міхайла а Овада а Ёель, Ішша, пяцёх; усі яны галоўныя.

І пры іх былі ўзброеныя да бою дружыны па радаводах родаў сваіх, трыццаць шэсць тысяч, наймужнейшыя людзі, бо мелі яны многа жонак і дзяцей.

 

І ад іх, у родах іхных, па дамох айцоў іхных, былі вяткі вояў на вайну — трыццаць шэсьць тысячаў; бо ў іх было шмат жонак і сыноў.

І браты іх ва ўсіх пакаленнях Ісахара, наймацнейшыя ў бітве, налічвалі восемдзесят сем тысяч.

 

Братоў жа іхных, у вусіх радзімах Іссасхаровых, мужоў харобрых, было асьмідзясят сем тысячаў; усі лічаныя подле радаводаў іхных.

Сыны Бэньяміна: Бэла, і Бахор, і Ядзігэль — трое.

 

У Веняміна: Бела а Бехер а Едзяель, трох.

Сыны Бэлы: Эцбон, і Озі, і Азіэль, і Ерымот і Урай: пяць кіраўнікоў родаў з наймацнейшых у бітве; лік іх — дваццаць дзве тысячы трыццаць чатыры.

 

Сынове Беліны: Ецбон а Уз а Узель а Ерымоф а Іры, пяцёх, галавы дому айцоў, мужы харобрыя. І палічаных іх подле радаводаў іхных дваццаць дзьве тысячы трыццаць чатыры.

Далей сыны Бахора: Заміра, і Ёас, і Эліязэр, і Эліёэнай, і Амры, і Ярмут, і Абія, і Анатот ды Алмат; гэта ўсе сыны Бахора.

 

І сынове Бехеравы: Зэміра а Ёаш а Елезэр а Елёенай а Омры а Ірэмоф а Ава а Анафоф а Алемеф, — усі гэтыя сынове Бехеравы.

А ў радаводах сваіх палічаны кіраўнікі родаў сваіх, наймужнейшыя ў войнах, — дваццаць тысяч дзвесце.

 

І лік іх, подле радаводаў іхных у родах іхных, подле галоў дому айцоў іхных, мужоў харобрых — дваццаць тысячаў дзьвесьце.

Затым сыны Ядзігэля: Більган, сыны ж Більгана: Ягус, і Бэньямін, і Эгуд, і Ханаана, і Зэтан, і Тарсіс, і Ахісахар;

 

І сыны Едзяелявы: Білган. І сынове Білгановы: Еуш а Венямін а Егуд а Хенаана а Зэфан а Фаршыш а Агішагар.

усе гэтыя сыны Ядзігэля — кіраўнікі родаў сваіх, наймужнейшыя — семнаццаць тысяч дзвесце тых, хто выходзіць на бой.

 

Усіх гэты сыноў Едзяелявых подле галоў айцоў іхных, мужоў харобрых — сямнанцаць тысячаў дзьвесьце, уступаючых у войска на вайну.

Таксама Супім і Хупім, сыны Гіра, і Хусім — сын Агэра.

 

І Шуппім і Гуппім Іранкі; Гушым Агеронак.

А сыны Нэфталі: Ясіэль, і Гуні, і Язэр, і Сэлум — сыны Більгі.

 

Сыны Неффалімовы: Ягцэель а Ґуні а Ецэр а Шаллум, сыны Білжыны.

Затым сыны Манасы: Асрыэль, якога нарадзіла наложніца яго Сіра; яна таксама нарадзіла Махіра, бацьку Галаада.

 

Сыны Манасавы: Асрэль, каторага нарадзіла мамошка ягоная Арамлянка, яна ж нарадзіла Махіра, айца Ґілеада.

Махір жа ўзяў жонку ад Хупіма і Супіма, і ён меў сястру на імя Мааха; імя ж другога сына — Салпаад, і ў Салпаада былі толькі дочкі.

 

І Махір узяў жонку Гуппіму а Шуппіму; імя сястры ягонае Мааха; імя другога Цэлофегад. І Цэлофегад меў дачкі.

І Мааха, жонка Махіра, нарадзіла сына і назвала яго Парэс; а імя брата яго было Сарэс, і яго сынамі былі Улам і Рэкем.

 

І Мааха Махірыха нарадзіла сына і назвала імя ягонае Перэш, а імя брата ягонага Шэрэш; і сыны ягоныя: Улам а Рэкем.

А сынамі Улама быў: Бадан; гэта сыны Галаада, сына Махіра, сына Манасы.

 

І сыны Уламовы: Бедан. Гэта сыны Ґілеадовы, сына Махіра Манасёнка.

Сястра ж яго Амалехэт нарадзіла Ісода, і Абіязэра, і Маалу.

 

А сястра ягоная Гаммолехеф нарадзіла Ішгода а Авезэра а Маглу.

А сынамі Сэміды былі: Ахін, і Сэхэм, і Лецы, і Аніям.

 

І былі сыны Шэмідзіны: Агіян а Шэхем а Лікгі а Аням.

А сыны Эфраіма: Сутала, сын яго, Барэд, сын яго, Тагат, сын яго, Элада, сын яго, Тагат, сын яго

 

Сыны Яхрэмавы: Шутэлаг, а Берэд, сын ягоны, а Фагаф, сын ягоны, а Елеада, сын ягоны, а Фагаф, сын ягоны,

і яго ж сын Забад, і яго ж сын Сутала, і яго ж сын Эзэр і Элад. А забілі іх людзі з Гета, тутэйшыя, бо тыя напалі, каб захапіць уладанні іх.

 

А Завад, сын ягоны, а Шутэлаг, сын ягоны, а Езэр а Елеад. І забілі іх жыхары Ґафу, што радзіліся ў зямлі, бо яны зышлі захапіць стады іхныя.

Такім чынам, Эфраім, бацька іх, доўгі час насіў па іх жалобу, і прыходзілі яго браты, каб суцешыць яго;

 

І плакаў па іх Яхрэм, айцец іхны, шмат дзён, і прышлі браты ягоныя пацешыць яго.

і наведаў жонку сваю, якая пачала ды нарадзіла сына, і даў яму імя Бэрыя, бо здарылася няшчасце ў яго доме.

 

І ўвыйшоў да жонкі свае, і яна зачала а нарадзіла сына, і ён назваў імя ягонае: Бэра, бо ліха, было ў доме ягоным.

А дачка ў яго была Сара, якая пабудавала Бэтарон, Ніжні і Верхні, і Азэнсару.

 

І дачка ў яго Шэера. Яна збудавала Беф-Горон дольні й вышні а Уззэн-Шэеру.

Затым сынамі яго былі Рэфа, і Рэсэф, і Тале, сын яго, які быў бацькам Таана,

 

А Рэфаг, сын ягоны, а Рэшэф а Фелаг, сын ягоны, а Фаган, сын ягоны,

які быў бацькам Лаады; яго сын таксама Аміюд, які быў бацькам Элісамы,

 

Ладан, сын ягоны, Аммігуд, сын ягоны, Елішама, сын ягоны,

які меў сына Нуна, які меў сына Ешуа.

 

Нун, сын ягоны, Ігошуа, сын ягоны.

А ўладанні іх і месцы іх пражывання былі: Бэтэль з ваколіцамі яго і Наран на ўсход, а на захад — Газэр з ваколіцамі і Сіхэм з ваколіцамі яго аж да Гая з ваколіцамі яго.

 

І дзяржавы іхныя і сялібы: Бэт-Эль а местачкі яго; на ўсход Нааран, на захад Ґезэр а местачкі яго; Шыхем таксама й местачкі яго аж да Айі а местачкаў яе.

Каля сыноў Манасы: Бэт-Сан і ваколіцы яго, Танах і ваколіцы яго, Магеда і ваколіцы яго, Дор з яго ваколіцамі. Тут пражывалі сыны Язэпа, сына Ізраэля.

 

А з боку сыноў Манасавых: Беф-Шэан а местачкі яго, Фаанах а местачкі яго, Меґіддо а местачкі яго, Дор а местачкі яго. У іх жылі сынове Язэпавы, сына Ізраелявага.

Сынамі Асэра былі: Емна, і Ешуа, і Ішві, і Бэрыя ды Сараі, сястра іх.

 

Сынове Ашэравы: Імна а Ішва а Ішві а Бэра, а Сэраг, сястра іхная.

А сыны Бэрыі: Гебэр, і Мэлхіэль, які быў бацькам Барзайта.

 

Сыны Бэрыны: Гэвер а Малхіель. Ён айцец Бірзаіфа.

Гебэр жа меў сына Ефлата, і Самэра, і Гатама, і сястру іх Суаа.

 

Гэвер нарадзіў Яфлета а Шомера а Гофама а Шую, сястру іхную.

Сыны Ефлата: Пасэх, і Бамааль, і Асот; гэта сыны Ефлата.

 

Сыны Яфлетавы: Пасах а Бімгал а Ашваф. Гэта сыны Яфлетавы.

Затым сыны Самэра, яго брата: Раага, і Габа, і Арам.

 

Сыны Шэмеравы: Агі а Рогґа, Гуўва а Арам.

Сыны ж Гатама, брата яго: Суфа, і Емна, і Сэлес, і Амал.

 

І сыны брата ягонага Гэлема: Цофаг а Імна а Шэлеш а Амал.

Сыны Суфы: Суэ, Хамафэр, і Суал, і Бэры, і Ямра,

 

Сынове Цофаговы: Суаг а Гарнефер а Шуал а Беры а Імра.

Басор, і Од, і Сама, і Салуса, і Етра, і Бээра.

 

Бецэр а Год а Шамма а Шылша а Іфран а Беера.

Сыны Етэра: Ефонэ, і Пасфа, і Ара.

 

Сыны Еферавы: Ефунне а Піспа а Ара.

Сыны ж Олы: Арэ, і Ханіэль, і Рэсія.

 

Сыны Ульліны: Араг а Ганнель а Рыца.

Усе гэтыя сыны Асэра, кіраўнікі адборныя родаў, галовы кіраўнікоў і наймужнейшыя людзі; а лік тых, хто быў запісаны ў баявое войска, — дваццаць шэсць тысяч.

 

Усі гэтыя сынове Ашэравы, галавы дому айцоў сваіх, абраныя дужасілы, галоўныя з князёў. І іх лік подле радаводаў у войску, на вайне дваццаць шэсьць тысячаў чалавекаў.