1 летапісаў 2 разьдзел
Першая кніга летапісаў
Пераклад Чарняўскага 2017 → Пераклад Яна Станкевіча
А сыны Ізраэля: Рубэн, Сімяон, Леві, Юда, Ісахар, Забулон,
Гэта сынове Ізраелявы: Рувін, Сымон, Леў а Юда, Іссахар а Завулон,
Дан, Язэп, Бэньямін, Нэфталі, Гад, Асэр.
Дан, Язэп а Венямін, Неффалім, Ґад а Ашэр.
Сыны Юды: Гэр, Анан і Шэла: гэтыя тры нарадзіліся ў яго ад дачкі Шуа, хананейкі. Гэр жа быў першародным Юды, ліхі перад Госпадам, і Ён забіў яго.
Сыны Юдзіны: Ір а Онан а Шэла — трох нарадзіліся ў яго ад дачкі Бат-Шуевае, Канаанянкі. І быў Ір, пяршяк Юдзін, благі ў ваччу СПАДАРОВЫМ, і Ён зрабіў яму сьмерць.
А Тамар, нявестка яго, нарадзіла яму Пэрэса і Зару; дык усіх сыноў Юды пяцёра.
І Тамара, нявестка ягоная, нарадзіла яму Перэца а Зэру. Усіх сыноў у Юды было пяцёх.
А сынамі Пэрэса былі Эсром і Гамул.
Сыны Перэцавы: Гэцрон а Гамул.
Таксама сыны Зары: Замбры, і Этан, і Геман, Халхол і таксама Дарда; разам — пяць.
Сынове Зэрыны: Зымра а Ефан а Гэман а Халкол а Дара; усіх іх пяцёх.
Сыны Хармі: Ахар, які ўстрывожыў Ізраэль і зграшыў крадзяжом заклятага.
Сынове Хармі: Ахар, засмучэнік Ізраеля, што ўзрушыў аканаваньне.
Сын Этана: Азарыя.
Сыны Ефановы: Азара.
Сыны ж Эсрома, што нарадзіліся ў яго: Ерамээль, і Арам, і Калеб.
Сыны Гэцронавы, што нарадзіліся ў яго: Ерагмеель а Рам а Хелувай.
А Арам быў бацькам Амінадаба, Амінадаб жа быў бацькам Наасона, кіраўніка сыноў Юды.
Рам жа нарадзіў Амінадава; Амінадаў нарадзіў Нагшона, князя сыноў Юдзіных;
Наасон таксама быў бацькам Салмона, з якога нарадзіўся Баоз.
Нагшон нарадзіў Салму; Салма нарадзіў Воаза;
Баоз жа быў бацькам Абэда, які і сам меў сына Ясэя.
Воаз нарадзіў Овіда; Овід нарадзіў Еса;
А Ясэй быў бацькам першароднага Эліяба, другога Абінадаба, трэцяга Самы,
Есэ нарадзіў першака свайго Елява, другога — Амінадава, трэйцяга — Шыму,
чацвёртага Натанаэля, пятага Радая,
Чацьвертага — Нефанэля, пятага —Раддая,
шостага Асома, сёмага Давіда.
Шостага — Оцэма, сёмага — Давіда.
Іх сёстрамі былі: Сэруя, і Абігайль; сыны Сэруі: Абісай, Ёаб і Асаэль — трое.
Сёстры іхныя: Цэруя а Авіґаіль. Сыны Цэруіны: Акішай а Ёаў а Азагэль, трох.
А Абігайль нарадзіла Амасу, бацькам якога быў Етэр, ізмаэлец.
Авіґаіль нярадзіла Амасу; бацька ж Амасін — Ефер Ізмайлянін.
Калеб жа, сын Эсрома, ад жонкі сваёй на імя Азуба меў сыноў Ерыёта, Ясэра, і Сабаба, і Ардона.
І Калеў Гэцронёнак нарадзіў ад Азувы, жонкі свае, і ад Ерофы, гэта сыны ейныя: Ешэр а Шоваў а Ардон.
Калі памерла Азуба, Калеб узяў сабе за жонку Эфрату, якая нарадзіла яму Гура.
І памерла Азува; і ўзяў сабе Калеў Ефрафу, і яна нарадзіла яму Гура.
А Гур быў бацькам Ура, а Ур быў бацькам Бесэлеэля.
Гур нарадзіў Ура; Ур нарадзіў Весалэля.
Потым Эсром пайшоў да дачкі Махіра, бацькі Галаада, і ўзяў яе за жонку, калі сам ён меў шэсцьдзесят гадоў; яна нарадзіла яму Сэгуба.
Потым Гэцрон увыйшоў да дачкі Махіровае, айца Ґілеадовага, і ўзяў яе, маючы шасьцьдзясят год, і яна нарадзіла яму Сэґува.
Але і Сэгуб меў сына Яіра, які меў у зямлі Галаад дваццаць тры гарады.
Сэґуў нарадзіў Яіра, і было ў яго дваццаць тры месты ў зямлі Ґілеадзкай.
І забралі Гэсур і Арам у іх гарады Яіра, і Канат, і пасяленні яго — шэсцьдзесят гарадоў. Усе яны належалі сынам Махіра, бацькі Галаада.
Але Ґешур а Арам адабралі ў іх местачкі Яіровы, Кенаф ізь сёламі яго, шасьцьдзясят местаў. Усі гэта сыноў Махіровых, айца Ґілеадовага.
А калі памёр Эсром, то Калеб пайшоў да Эфраты, жонкі Эсрома, бацькі свайго. Эсром меў таксама жонку Абію, якая нарадзіла яму Асура, бацьку Тэкуа.
Па сьмерці Гэцрона ў Калеў-Ефрафе, жонка Гэцронава, Ава, нарадзіла яму Ашгура, айца Фекоі.
Сынамі Ерамээля, першароднага Эсрома, былі: Рам — яго першародны, і Буна, і Аран, і Асом, і Ахія.
І былі сынове Ерагмеелявы, першака Гэцронавага: пяршак Рам а Буна а Орэн а Оцэм, Агія.
Ерамээль меў таксама другую жонку на імя Атара, якая была маці Анама.
І была ў Ерагмееля й другая жонка, імя яе Атара; яна маці Онама.
Але і сынамі Рама, першароднага Ерамээля, былі: Маас, і Ямін, і Акар.
І былі сыны Рамовы, першака Ерагмеелявага: Маац а Ямін а Екер.
А сынамі Анама былі: Самай і Яда. Сынамі ж Самая — Надаб і Абісур.
І былі сыны Онамовы: Шаммай а Яда. Сыны Шаммаёвы: Надаў а Авішур.
Імя ж жонкі Абісура — Абіайл, якая нарадзіла яму Агабана і Маліда.
А імя жонкі Авішуровае Авігаіль; і яна нарадзіла яму Агбана а Моліда.
А Надаб меў сыноў: Саледа і Апайма; Салед жа памёр, не маючы дзяцей.
Сыны Надавовы: Сэлед а Аппаім. І памер Сэлед бязьдзетным.
А сын Апайма Есі, які быў бацькам Сэсана; Сэсан жа быў бацькам Агалая.
Сыны Аппаімовы: Іш. Сын Ішаў: Шэшан. Сын Шэшаноў: Аглай.
Сынамі ж Яды, брата Сэмэя, былі Етэр, і Ёнатан; але і Ятэр памёр бяздзетны.
Сыны Ядзіны, брата Шаммаёвага: Ефер а Ёнафан. Ефер памер бязьдзетным.
А Ёнатан меў сыноў Палета і Зізу. Яны былі сынамі Ерамээля.
Сыны Ёнафановы: Пелеф а Заза. Гэта былі сынове Ерагмеелявы.
Сэсан жа не меў сыноў, але меў дачок і паслугача егіпцяніна на імя Ераа;
У Шэшана ня было сыноў, адно дачкі. У Шэшана быў слуга Егіпцянін, імя ягонае Ярга.
і яму аддаў ён дачку сваю за жонку, якая нарадзіла яму Этэя.
Шэшан аддаў дачку сваю Яргу, слузе свайму за жонку, і яна нарадзіла яму Аттая.
А Этэй меў сына Натана, і Натан быў бацькам Забада;
Аттай нарадзіў Нафана; Нафан нарадзіў Завада;
таксама Забад меў сына Афлала, і Афлал быў бацькам Абэда.
Завад нарадзіў Ефлала; Ефлал нарадзіў Овіда;
Абэд меў сына Егу, і Егу быў бацькам Азарыі.
І Овід нарадзіў Егу; Егу нарадзіў Азару;
Азарыя меў Гэлеса, і Гэлес быў бацькам Эласы.
І Азара нарадзіў Гэлеца; Гэлец нарадзіў Елясу;
Эласа быў бацькам Сісамоя, а Сісамой быў бацькам Сэлума;
Еляс нарадзіў Сысмая; Сысмай нарадзіў Шалума;
Сэлум меў сына Яцэмія, і Яцэмій быў бацькам Элісамы.
Шалум нарадзіў Екаму; Екама нарадзіў Елішаму.
А сыны Калеба, брата Ерамээля: Мэса, яго першародны, а ён быў бацькам Зіфа; і сын яго Марэса — бацькам Геброна.
Сынове Калевавы, брата Ерагмеелявага: Марэша, пяршак ягоны, — ён айцец Зыфа; і сыны Марэшы, айца Гэўронавага.
А сыны Геброна: Корэ, і Тафуа, і Рэкем, і Сама.
І сыны Гэўронавы: Кора а Таппуаг а Рэкем а Шэма.
Сама меў Рагама, бацьку Еркаама, і Рэкем быў бацькам Самы.
Шэма нарадзіў Рагама, айца Ёркеамовага; а Рэкем нарадзіў Шаммая.
Сынам Самы быў Маон, і Маон быў бацькам Бэтсура.
Сын Шаммаёў Маон; а Маон айцец Беф-Цура.
Эфа ж, наложніца Калеба, нарадзіла: Харана, і Мосу, і Гезэза; Харан жа меў Гезэза.
І Ефа, мамошка Калевава, нарадзіла Гарана а Моцу а Ґазэза. І Гаран нарадзіў Ґазэза.
Сыны Ягадая: Рэгэм, і Ётам, і Гэзан, і Палет, і Эфа, і Сааф.
І сынове Егдаёвы: Рэґем а Ёфам а Ґешан а Пелет а Ефа а Шааф.
Наложніца Калеба Мааха нарадзіла Сабэра і Тарану.
Мамошка Калевава, Мааха, нарадзіла Шэвера а Фіргану;
Нарадзіла яна таксама Саафа, бацьку Мадмены, Суэ, бацьку Махбены і бацьку Габы. Акса ж была дачкой Калеба.
Яна ж нарадзіла Шаафа, айца Мадманны, Шэву, айца Махбены і айца Гівелі. Дачка ж Калевава — Акса.
Гэта былі сыны Калеба. Сыны Гура, першароднага Эфраты: Сабал, бацька Карыят-Ярыма,
Гэта былі сыны Калевавы, сына Гура, першака Ефрафы: Шовал, айцец Кіраф-Еарыма;
Салмон, бацька Бэтлехэма, Гарыф, бацька Бэтгадэра.
Салма, айцец Бэтлеема; Гарэф, айцец Бефґадэра.
Сабал, бацька Карыят-Ярыма, меў сыноў: Раая, палову Манагатаў.
І былі сыны ў Шовала, айца Кіраф-Еарыма: Гарое, Гацы-Гамафенухот.
І плямёны Карыят-Ярыма: ятрэі, і путэі, і суматэі, і масэрэі. З іх выйшлі: сараіты і эстааліты.
І радзімы Кіраф-Еарыма: Іфрычы а Пуцічы, Шумафічы а Мішраічы. Ад гэтых пашплі Цоране а Ештаолічы.
Сыны Салмона: Бэтлехэм, і Нэтафатыты, Атарот-Бэт-Ёаб, і палова Манагатаў з Сараа,
Сынове Салміны: Бэтлеем а Нетофафяне, Атроф дому Ёвавага і палавіца Менахты Цоране,
І плямёны Карыят-Сэфэра, што пражываюць у Явісе: тэратэі, сэматэі і сухатэі. Яны кінэі, якія нарадзіліся ад Амата, бацькі дому Рэхаба.
І радзімы кніжнікаў, што былі ў Ябецу, Тырэйцы, Шымейцы, Сухайцы. Гэта Кіняне, што прышлі ад Гамафа, айца дому Рэхававага.
