Марка 3 разьдзел
Паводле Марка Сьвятое Дабравесьце
Пераклад Праваслаўнай Царквы → Пераклад Л. Гарошка
І прыйшоў зноў у сінагогу. І быў там чалавек, які меў усо́хлую руку́.
І ўвайшоў зноў у бажніцу і там быў чалавек, які меў сухую руку.
І сачы́лі за Ім, ці не ацалíць яго ў суботу, каб абвінава́ціць Яго.
І назіралі за Ім, ці не аздаровіць яго ў суботу, каб абвінаваціць Яго.
І кажа Ён чалавеку, што меў усо́хлую руку́: стань пасярэ́дзіне.
І кажа да сухарукага чалавека: стаць пасярэдзіне.
А ім кажа: ці дазволена ў суботу дабро рабіць, альбо зло рабіць? душу́ ўратаваць альбо загубíць? Яны ж маўчалі.
І кажа да іх: Ці належыць у суботу рабіць дабро, ці рабіць зло? ратаваць жыцьцё, ці загубіць? Яны-ж маўчалі.
І, паглядзеўшы на іх з гневам, засму́чаны жорсткасцю сэрцаў іх, кажа чалавеку: працягні руку́ тваю. І працягнуў ён, і стала рука яго здаровай, як другая.
І глянуўшы на іх з гневам, сумуючы аб засьляпленьні іхных сэрцаў, сказаў чалавеку: выцягні тваю руку. Ён выцягнуў і аздаравела ягоная рука.
І, вы́йшаўшы, фарысеі адразу ўчынíлі з ірадыянамі змову су́праць Яго, як Яго загубíць.
Фарысэі выйшаўшы зараз-жа зрабілі нараду з ірадзіянамі, супраць Яго, як-бы Яго загубіць.
Іісус жа з вучнямі Сваімі адышоў да мора, і мноства народу з Галіле́і пайшло за Ім, і з Іудзеі,
адсутнічае
і з Іерусаліма, і з Ідуме́і, і з-за Іардана. І з навако́лляў Ты́ра і Сідо́на мноства вялікае, пачуўшы, што Ён рабіў, прыйшло да Яго.
адсутнічае
І сказаў вучням Сваім, каб лодка была́ для Яго напагато́ве, каб натоўп не цясніў Яго.
адсутнічае
Бо многіх Ён ацаліў, так што нядужныя кíдаліся да Яго, каб да Яго дакрану́цца.
адсутнічае
І духі нячыстыя, калі бачылі Яго, па́далі перад Ім і крычалі, ка́жучы: Ты — Сын Божы.
адсутнічае
І Ён строга забараня́ў ім абвяшча́ць пра Яго.
адсутнічае
І ўзышоў на гару, і паклíкаў, каго Сам хацеў; і прыйшлі да Яго.
адсутнічае
І паставіў дванаццаць, каб былí з Ім і каб пасыла́ць іх прапаве́даваць,
адсутнічае
і каб яны ме́лі ўладу ацаля́ць не́мачы і выганя́ць дэманаў.
адсутнічае
Паставіў Сíмана, даўшы яму імя́ Пётр,
адсутнічае
і Іакава Зевядзе́евага і Іаана, брата Іакава, да́ўшы ім імёны Ваане́ргес, што азначае «сыны́ громавы»;
адсутнічае
і Андрэя, і Філіпа, і Варфаламе́я, і Матфея, і Фаму́, і Іакава Алфе́евага, і Фадзе́я, і Сíмана Кананíта,
адсутнічае
і Іуду Іскарыёта, які і вы́даў Яго.
адсутнічае
І прыйшлі ў дом, і сабраўся зноў народ, так што яны не маглі нават хле́ба паесці.
адсутнічае
І, дачу́ўшыся, блізкія Яго вы́йшлі забраць Яго; бо казалі, што Ён не ў Сабе.
адсутнічае
А кніжнікі, якія прыйшлі з Іерусаліма, казалі, што Ён ма́е ў Сабе веельзеву́ла і што сілай князя дэманскага выганя́е дэманаў.
адсутнічае
І, паклíкаўшы іх, прытчамі казаў ім: як можа сатана сатану выганя́ць?
адсутнічае
І калі царства раздзе́ліцца самое ў сабе, не можа ўстая́ць царства тое;
адсутнічае
і калі дом раздзе́ліцца сам у сабе, не можа ўстая́ць дом той;
адсутнічае
і калі сатана паўстаў сам на сябе і раздзялíўся, не можа ўстая́ць, але прыйшоў канец яму.
адсутнічае
Ніхто не можа, увайшоўшы ў дом дужага, нарабава́ць дабра яго, калі перш не звя́жа дужага, і тады абрабу́е дом яго.
адсутнічае
Праўду кажу вам: адпу́шчаны будуць сына́м чалавечым усе грахі і блюзне́рствы, якімі б ні блюзне́рылі,
адсутнічае
але хто будзе блюзне́рыць на Духа Святога, не будзе мець адпушчэ́ння даве́ку, а падляга́е вечнаму асуджэ́нню.
адсутнічае
Так казаў Ён, бо гаварылі: Ён духа нячыстага ма́е ў Сабе.
адсутнічае
І прыйшлі Маці Яго і браты Яго і, сто́ячы на дварэ, паслалі да Яго паклíкаць Яго.
адсутнічае
І сядзеў народ вакол Яго. і сказалі Яму: вось Маці Твая, і браты Твае, і сёстры Твае на дварэ, шукаюць Цябе.
адсутнічае
І адказаў ім, гаворачы: хто Маці Мая́ і браты Мае́?
адсутнічае
І агле́дзеўшы тых, што сядзелі вакол Яго, кажа: вось маці Мая́ і браты Мае́;
адсутнічае
бо хто будзе выконваць волю Божую, той Мне брат, і сястра, і маці.
адсутнічае
