Марка 3 разьдзел
Паводле Марка Сьвятое Дабравесьце
Пераклад Яна Станкевіча → Пераклад Л. Гарошка
І ўвыйшоў ізноў у бажніцу. Там быў чалавек із сухой рукою.
І ўвайшоў зноў у бажніцу і там быў чалавек, які меў сухую руку.
І назіралі за Ім, ці не ўздарове яго ў сыботу, каб абвінаваць Яго.
І назіралі за Ім, ці не аздаровіць яго ў суботу, каб абвінаваціць Яго.
Ён жа кажа сухарукаму: «Стань пасярэдзіне».
І кажа да сухарукага чалавека: стаць пасярэдзіне.
А ім кажа: «Ці праўна ў сыботу добра ці блага рабіць? Душу спасьці, ці загубіць?» Але яны маўчэлі.
І кажа да іх: Ці належыць у суботу рабіць дабро, ці рабіць зло? ратаваць жыцьцё, ці загубіць? Яны-ж маўчалі.
І, глянуўшы на іх із гневам, зьнёмарасьціўшыся з калянасьці сэрцаў іхных, кажа таму чалавеку: «Выцягні руку сваю». Ён выцягнуў, і стала рука ягоная здаровая, як другая.
І глянуўшы на іх з гневам, сумуючы аб засьляпленьні іхных сэрцаў, сказаў чалавеку: выцягні тваю руку. Ён выцягнуў і аздаравела ягоная рука.
Фарысэі, вышаўшы, без адвалокі зрабілі зь гіродыянамі нараду супроці Яго, каб загубіць Яго.
Фарысэі выйшаўшы зараз-жа зрабілі нараду з ірадзіянамі, супраць Яго, як-бы Яго загубіць.
А Ісус із вучанікамі сваімі адышоў над мора; і вялікая множасьць ішла за Ім із Ґалілеі а зь Юдэі
адсутнічае
А зь Ерузаліму а з Ідумеі а зза Ёрдану. І з каля Тыру а Сыдону, пачуўшы, што Ён робе, вялікая множасьць прышла да Яго.
адсутнічае
І сказаў вучанікам Сваім, каб гатова была Яму лодка, з прычыны груду, каб ня сьціскалі Яго.
адсутнічае
Бо шмат каго Ён уздаравіў, так што ціснуліся да Яго, хто меў хваробу, каб даткнуцца да Яго.
адсутнічае
І нячыстыя духі, як бачылі Яго, падалі перад Ім і крычэлі, кажучы: «Ты — Сын Божы!»
адсутнічае
Але Ён шмат перасьцерагаў іх, каб не выяўлялі Яго.
адсутнічае
Потым узышоў на гару і пагукаў да Сябе, каго Сам хацеў; і прышлі да Яго.
адсутнічае
І прызначыў двананцацёх, каб маглі быць ізь Ім, і каб пасылаць іх на казань,
адсутнічае
І каб яны мелі ўладу ўздараўляць ад хваробаў і выганяць нячысьцікаў:
адсутнічае
Сымона, дадаўшы яму імя Пётра,
адсутнічае
А Якава Зэведэявага а Яана, брата Якававага, дадаўшы ім мянушку Воанерґес, значыцца «Сыны громавы»,
адсутнічае
Андрэя а Піліпа а Варфаломея а Мацьвея а Хаму а Якава Алфеевага а Хвадзея а Сымона Канояніна
адсутнічае
А Юду Іскарыёта, каторы й ізрадзіў Яго. І прыходзяць да дому.
адсутнічае
І ўзноў зыходзіцца люд, ажно нельга было ім хлеба ізьесьці.
адсутнічае
І, пачуўшы, свае Ягоныя пайшлі няць Яго, бо дзейкалі, што Ён вонках сябе.
адсутнічае
А кніжнікі, што прышлі зь Ерузаліму, дзейкалі, што Ён мае веельзэвула, і што выганяе нячысьцікаў сілаю старшага нячысьцікаў.
адсутнічае
І прыгукаўшы іх, гутарыў ім прыпавесьцьмі: «Як можа шайтан выганяць шайтана?
адсутнічае
Калі гаспадарства падзеліцца само ў сабе, ня можа ўстоіць гаспадарства тое.
адсутнічае
І, калі дом падзеліцца сам у сабе, ня можа ўстоіць дом тый.
адсутнічае
І калі шайтан паўстаў на самога сябе й падзяліўся, ня можа ўстоіць, але канец яму.
адсутнічае
«Бо ніхто, увыйшоўшы ў дом дужасіла, ня можа расхапаць маемасьці ягонае; хіба ўперад зьвяжа дужасіла, і тады аграбе дом ягоны.
адсутнічае
«Запраўды кажу вам: будуць дараваны сыном людзкім усі грахі а блявузґаньні, якімі б блявузґалі;
адсутнічае
Але хто будзе блявузґаць на Духа Сьвятога, ніколі ня будзе мець дараваньня, але ён у небясьпечнасьці вечнага засуджэньня».
адсутнічае
Бо гукалі: «У Ім нячысты дух».
адсутнічае
І прыйшлі Маці Ягоная а браты Ягоныя і, стоячы вонках, паслалі да Яго пагукаць Яго.
адсутнічае
А навокал Яго сядзеў груд. І сказалі Яму: «Гля, а Маці Твая а браты Твае а сёстры Твае вонках, шукаюць Цябе».
адсутнічае
І, адказаўшы ім, сказаў: «Хто маці Мая або браты Мае?»
адсутнічае
І глянуўшы на тых, што сядзелі навокал Яго, кажа: «Во маці Мая а браты Мае!
адсутнічае
Бо хто будзе паўніць волю Божую, той Імне а брат а сястра а маці».
адсутнічае
