Выслоўяў Саламонавых 3 разьдзел
Кніга выслоўяў Саламонавых
Пераклад Яна Станкевіча → Пераклад Чарняўскага 2012
Сыну мой, права майго не забудзься, і расказаньні мае хай дзяржыць сэрца тваё;
Сыне мой, не забывайся на закон мой, і хай сэрца тваё беражэ прыказанні мае;
Бо даўгія дні а гады жыцьця і супакой яны дададуць табе.
бо яны табе прыбавяць працягласць дзён, гады жыцця і супакой.
Міласэрдзе а праўда хай не пакінуць цябе; завяжы іх на шыі сваёй, напішы іх на табліцы сэрца свайго,
Хай міласэрнасць і праўда не пакідаюць цябе; абвяжы імі шыю сваю і запішы на скрыжалях сэрца свайго,
Знаходзячы гэтак зычлівасьць і добры розум у ваччу Бога й людзіны.
і знойдзеш ты ласку і спагаду ў вачах Бога і людзей.
Спадзявайся на СПАДАРА ўсім сэрцам сваім і не апірайся на розум свой;
Спадзявайся на Госпада ад усяго сэрца свайго і не спадзявайся на разважлівасць сваю.
У вусіх дарогах сваіх пазнай Яго, і Ён будзе кіраваці дарогі твае.
Думай аб Ім на ўсіх шляхах тваіх, і Ён накіруе крокі твае.
Ня будзь мудры ў ваччу сваім; бойся СПАДАРА й адхінайся ад ліха:
Не будзь мудрацом перад самім сабою; шануй Бога і пазбягай ліха,
Гэта будзе лекам пупу твайму і вогкасьцю касьцём тваім.
бо гэта будзе здароўем для цела твайго і падсілкоўваннем для касцей тваіх.
Сьці СПАДАРА зь меньня свайго і першым з усёга прыбытку свайго. —
Ушаноўвай Госпада ад усёй маёмасці тваёй і ад пачаткаў усіх пладоў тваіх,
І сьвірны твае напоўняцца множасьцяй, і вінны сок будзе пералівацца ў таўчэльнях тваіх.
і напоўняцца свірны твае збожжам, а давільні твае будуць багатыя на віно.
Ня грэбуй зырам СПАДАРОВЫМ, сыну мой, ня брыдзься ўпікамі Ягонымі;
Не адкідай, сыне мой, настаўленне Госпадава і не пагарджай ім, калі Ён будзе караць цябе,
Бо каго СПАДАР любе, таго зыра, як айцец сына, катораму прыяе.
бо каго любіць Госпад — таго карае і, як бацька, спагадае сыну Свайму.
Шчасьлівы чалавек, што знайшоў мудрасьць, чалавек, што прыдбаў розум:
Шчасны чалавек, які знайшоў мудрасць і які звярнуўся да разважлівасці:
Бо тавар ізь яе лепшы за тавар срэбны, і прыбытак ізь яе лепшы за найчыстшае золата.
набыццё яе лепш за гандаль срэбрам, а прыбытак — хутчэй, чым ад золата.
Дарожшая яна за пэрлы, і ўсе жаданае табою не зраўнаецца зь ёй;
Яна каштоўнейшая за ўсе самацветы; і не могуць з ёй параўнацца ніякія твае каштоўнасці;
Даўжыня дзён у яе правіцы, і ў левай яе багацьце а пачэсьць;
працягласць дзён — у яе правай руцэ, а ў яе левай руцэ — багацце і слава.
Дарогі ейныя — дарогі прыемнасьці, і ўсі сьцежкі ейныя — супакой;
Дарогі яе — дарогі прыгожыя, і ўсе яе сцежкі — мірныя.
Дзерва жыцьця яна дзержачым яе, і шчасьлівы, хто моцна апіраецца на яе.
Яна — дрэва жыцця для тых, хто авалодвае ёю, і шчасны той, хто трымаецца яе.
СПАДАР мудрасьцю заклаў зямлю, умацаваў нябёсы розумам.
Госпад мудрасцю заснаваў зямлю, нябёсы ўмацаваў разважлівасцю;
Ведаю Ягонаю глыбіні праломлены, і булакі точаць расу.
з Яго мудрасці парасчыніліся бездані і аблокі струменяцца расою.
Сыну мой, няхай яны не здаляюцца ад аччу тваіх; заховуй існае а разважнасьць:
Сыне мой, не ўпускай іх з вачэй сваіх; беражы разважлівасць і розум —
І будуць жыцьцём душы тваёй і прыборам шыі тваёй.
і будзе жыццё для душы тваёй і ласка для шыі тваёй;
Тады бясьпечна пойдзеш па дарозе сваёй, і нага твая не спатыкнецца.
тады пойдзеш упэўнена па дарозе сваёй і нага твая не спатыкнецца.
Як ляжаш, ня будзеш баяцца; але, ляжаш, і сон твой будзе салодкі.
Калі заснеш, не будзеш мець страху, будзеш адпачываць — і сон твой будзе прыемны.
Ня будзеш баяцца неспадзеўнага спалоху ані спустошаньня нягоднікаў, як яно прыйдзе;
Не бойся раптоўнага страху і збянтэжанасці, што ахоплівае цябе з-за бязбожнікаў, калі яна прыйдзе.
Бо СПАДАР будзе тайкаю тваёй і ўсьцеражэць нагу тваю ад схапленьня.
Бо Госпад будзе на тваім баку і захавае нагу тваю, каб цябе не захапілі.
Не адмаўляй добра тым, каму яно належа, калі ё сіла ў руццэ тваёй зрабіць гэта.
Не адмаўляй у дабрадзействе таму, каму яно патрэбна, калі ва ўладзе рукі тваёй, каб ты зрабіў гэта.
Не кажы прыяцелю свайму: «Ідзі й зьвярніся, і заўтра я дам табе», калі маеш із сабою.
Не кажы сябру свайму: «Ідзі і прыйдзі зноў, заўтра дам табе», — калі можаш даць зараз.
Не задумляй ліха на прыяцеля свайго, бо бясьпечна ён жывець із табою.
Не задумвай ліха супраць сябра свайго, калі ён з даверам сядзіць побач з табою.
Ня вадзься з чалавекам бяз прычыны, як ён не зрабіў крыўды табе.
Не сварыся з чалавекам без прычыны, калі ён сам не зрабіў табе нічога благога.
Не завідуй глабаньніку і не выбірай ні воднае з дарогаў ягоных;
Не зайздросці чалавеку несправядліваму і не наследуй шляхам яго,
Бо агіда СПАДАРУ крутадушнасьць, але з пасьцівымі тайная рада Ягоная.
бо агіднасць для Госпада — усякі крывадушны чалавек, а з сумленнымі — сяброўства Яго.
Праклён СПАДАРОЎ на доме нягоднага, але Ён дабраславе сялібу справядлівых.
Праклён Госпада — на доме бязбожніка, а жыллё справядлівых будзе Ім дабраслаўляцца.
Скалазубамі Ён грэбуе, але пакорным даець ласку.
Ён Сам пасмяецца з кпліўцаў і дасць ласку пакорлівым;
Чэсьць спадзець мудрым, але дурных панясець сорам.
мудрыя будуць мець славу, веліч бязглуздых — ганьба.
