Быццё 36 разьдзел

 

 

І гэта радавод Ісаваў, ён жа Едом.

 

Вось нашчадкі Эзава, ён жа — Эдом.

Ісаў узяў сабе жонкі з дачок Канаанскіх: Аду, дачку Елона Гэціча, а Оголіваму, дачку Аны, дачку Цывеона Гэвяніна,

 

Эзаў узяў сабе жонак паміж дачок Ханаана: Аду, дачку Элона Хетыта, і Агалібаму, дачку Аны, сына Сібэона Харэя,

А Васэмафу, дачку Ізмайлаву, сястру Наваёфаву.

 

і Басэмат, дачку Ізмаэля, сястру Набаёта.

І нарадзіла Ада Ісаву Еліфаза; А Васэмафа нарадзіла Рагуеля.

 

Ада нарадзіла Эліфаза; Басэмат нарадзіла Рагуэля,

А Оголівама нарадзіла Евуша а Елома а Кору. Гэта сынове Ісававы, што нарадзіліся яму ў зямлі Канаанскай.

 

Агалібама нарадзіла Ягуса, і Ялама, і Корэ. Гэта сыны Эзава, якія нарадзіліся яму ў зямлі Ханаан.

І ўзяў Ісаў жонкі свае, і сыноў сваіх, і дачкі свае, і ўсі душы дамовы свае, і стада свае, і ўвесь статак свой, і ўсю маемасьць сваю, каторую ён прыдбаў у зямлі Канаанскай, і пайшоў да іншае зямлі ад віду Якава, брата свайго;

 

І ўзяў Эзаў сваіх жонак, і сыноў, і дачок, і ўсіх людзей дому свайго, дробную і буйную жывёлу, ды ўсё, што нажыў ён у зямлі Ханаан, і падаўся ў зямлю Сэір, і адышоў ад брата свайго Якуба.

Бо была маемасьць іхная вялікая, каб яны маглі жыць разам, і не магла зямля падарожжаваньня іхнага насіць іх з прычыны стадаў іхных.

 

Былі яны вельмі багатыя, і разам не маглі яны жыць. Не змяшчала іх зямля качавання іх дзеля мноства статкаў.

І асяліўся Ісаў на гары Сэір, Ісаў, ён жа Едом.

 

І пражываў Эзаў на гары Сэір, [ён жа] — Эдом.

І во гэта роды Ісававы, айца Едумееў, на гары Сэір;

 

Вось нашчадкі Эзава, бацькі Эдома, на гары Сэір,

Во гэта ймёны сыноў Ісававых: Еліфаз, сын Ады, жонкі Ісававае; Рагуель, сын Васэмафы, жонкі Ісававае.

 

і вось імёны сыноў яго: Эліфаз, сын Ады, жонкі Эзава, Рагуэль, сын Басэмат, жонкі яго.

І былі сынове Еліфазавы: Феман, Омар, Цефо а Ґафам а Кеназ.

 

Сынамі Эліфаза былі: Тэман, Амар, Сэфо, і Гатам, і Кенэз.

А Фамна была мамошка Еліфаза, сына Ісававага; і нарадзіла Еліфазу Амаліка. Гэта сынове Ады, жонкі Ісававае.

 

А Тамна, што была наложніцай Эліфаза, сына Эзава, нарадзіла яму Амалека. Гэта сыны Ады, жонкі Эзава.

А во, гэта сыны Рагуелявы: Нагаф а Зэраг, Шамма а Міза. Гэта былі сынове Васэмафы, жонкі Ісававае.

 

А сыны Рагуэля: Нагат і Зара, Сама і Міза. Гэта сыны Басэмат, жонкі Эзава.

І во гэтыя былі сыны Огалівамы, дачкі Аны, дачкі Цывеона, жонкі Ісававае: і яна нарадзіла Ісаву Евуша а Елома, а Кору.

 

Вось сыны жонкі Эзава Агалібамы, дачкі Аны, сына Цыбэона, якіх яна нарадзіла яму: Ягус, і Ялам, і Корэ.

Во гэта князі сыноў Ісававых. Сынове Еліфаза, першароднага Ісававага: князь Феман, князь Омар, князь Цефо, князь Кеназ,

 

Вось князі сыноў Эзава. Сыны Эліфаза, першароднага сына Эзава: князь Тэман, князь Амар, князь Сэфо, князь Кенэз,

Князь Кора, князь Ґафам, князь Амалік. Гэтыя князі Еліфазовы ў зямлі Едомовае; гэта сынове Адзіны.

 

князь Корэ, князь Гатам, князь Амалек. Гэта князі Эліфазавы ў зямлі Эдом, яны — сыны Ады.

І гэтыя сыны Рагуеля, сына Ісававага: князь Нагаф, князь Зэраг, князь Шамма, князь Міза. Гэтыя князі Рагуелявы ў зямлі Едомавае; гэтыя сынове Васэмафы, жонкі Ісававае.

 

Вось сыны Рагуэля, сына Эзава: князь Нагат, князь Зара, князь Сама і князь Міза. Гэта князі Рагуэлявы ў зямлі Эдом, сыны Басэмат, жонкі Эзава.

І гэтыя сыны Огалівамы, жонкі Ісававае: князь Евуш, князь Елом, князь Кора. Гэтыя князі Огалівамы, дачкі Аны, жонкі Ісававае.

 

Вось сыны Агалібамы, жонкі Эзава: князь Ягус, князь Ялам і князь Корэ. Гэта князі Агалібамавы, жонкі Эзава, дачкі Аны.

Гэтыя сынове Ісававы, і гэтыя князі іхныя. Гэта Едом.

 

Гэта нашчадкі Эзава, і яны — князі іх. Ён жа — Эдом.

Гэтыя сынове Сэіра Горэяніна, жыхары зямлі тае: Лотан а Шовал а Цывеон а Ана

 

Вось сыны Сэіра Харэя, жыхары зямлі: Лотан, і Сабал, і Цыбэон, і Ана,

А Дышон а Ецэр а Дышан. Гэтыя князі Горэйскія, сыноў Сэіравых, у зямлі Едома.

 

і Дышон, і Эцэр, і Дышан. Гэта князі Харэявы, сына Сэіра, у зямлі Эдом.

І былі сыны Лотановы: Горы а Гэман; а сястра ў Лотана: Хімна.

 

Сынамі Лотана былі: Горы і Гемам, а сястра Лотана — Тамна.

І гэта сынове Шоваловы: Алван а Манагаф а Евал, Шэфо а Онам.

 

А гэта сыны Сабала: Алван, і Манагат, і Эбал, Сэфо і Анам.

А гэтыя сыны Цывеонавы: Ая а Ана. Гэта Ана, каторы знайшоў цёплыя жаролы на пустыні, як пасьціў аслы Цывеона, айца свайго.

 

А вось сыны Цыбэона: Ая і Ана. Гэта той Ана, які знайшоў гарачую крыніцу ў пустыні, калі пасвіў аслоў Цыбэона, бацькі свайго.

І гэтыя дзеці Аніны: Дышон а Оголівама, дачка Аніна.

 

Ён меў сына Дышона і дачку Агалібаму.

І гэтыя сыны Дышонавы: Гэмдан а Эшбан а Іфран а Херан.

 

А гэта сыны Дышона: Гемдан, і Эсбан, і Етра, і Харан.

Гэтыя сыны Эцэравы: Білган а Зааван а Акан.

 

А вось сыны Эцэра: Більган, і Заван, і Якан.

Гэтыя сыны Дышановы: Уц а Аран.

 

А Дышан меў сыноў Уца і Арана.

Гэтыя князі Горэйскія: князь Лотан, князь Шовал, князь Цывеон, князь Ана,

 

Вось князі харэяў: князь Лотан, князь Сабал, князь Сібэон, князь Ана,

Князь Дышон, князь Эцэр, князь Дышан. Во, гэта князі Горэйскія подле князстваў сваіх у зямлі Сэір.

 

князь Дышон, князь Эцэр і князь Дышан; яны — князі харэяў паводле саслоўяў іх у зямлі Сэір.

І во каралёве, што каралявалі ў зямлі Едомавай, пярвей за караляваньне каралёў у сыноў Ізраелявых.

 

А вось якія былі цары, якія валадарылі ў зямлі Эдом, перш чым сыны Ізраэля мелі цара.

І караляваў у Едоме Бела, сын Веораў, а імя места ягонага Дынгава.

 

У Эдоме царом быў Бэла, сын Бэора, а назва горада яго — Дэнаба.

І памер Бела, і караляваў замест яго Ёваў, сын Зэрагаў, з Восоры.

 

І памёр Бэла, і па ім валадарыў Ёбаб, сын Зары з Босры.

І памер Ёваў, і караляваў замест яго Гушам, ізь зямлі Феманскае.

 

Калі памёр Ёбаб, замест яго валадарыў Гусам з зямлі Тэман.

І памер Гушам, і караляваў замест яго Гадад, сын Бедадаў, каторы паразіў Мідзянян на полю Моаўскім; а імя места ягонага Авіф.

 

А калі ён памёр, па ім валадарыў сын Бэдада, Адад, які пабіў мадыянцаў на раўніне Мааб. Назва горада яго — Авіт.

І памер Гадад, і караляваў замест яго Самла з Масрэкі.

 

А калі памёр Адад, па ім валадарыў Сэмля з Масрэкі.

І памер Самла, і караляваў замест яго Саўла з Рэговофа, ля ракі.

 

А пасля яго смерці валадарыў па ім Саўл з Рэхабота, што каля ракі.

І памер Саўла, і караляваў замест яго Баал-Ганан, сын Ахбораў.

 

Калі ж і ён пайшоў, валадарства атрымаў Баал-Ханан, сын Ахабора.

І памер Баал-Ганан, сын Ахбораў, і караляваў замест яго Гадар; а імя места ягонага Пагу; імя жонкі ягонае Мегетавель, дачка Матрэды, дачкі Мезагавае.

 

А калі ён памёр, па ім валадарыў Адад, назва горада якога Паў, а імя жонкі было Мээтабэль, дачка Матрэд, дачкі Мэзагаба.

І гэтыя ймёны князёў Ісававых, подле радзімаў іхных, подле месцаў іхных, у ймёнах іхных: князь Фімна, князь Алва, князь Етэф,

 

Вось імёны князёў Эзава паводле іх плямёнаў і мясцовасцей, названых іх імёнамі: князь Тамна, князь Алва, князь Етэт,

Князь Оголівама, князь Эла, князь Пінон,

 

князь Агалібама, князь Эла, князь Пінон,

князь Кеназ, князь Феман, Міўцар,

 

князь Кенэз, князь Тэман, князь Мабцар,

Князь Магдыель, князь Ірам. Гэтыя князі Едомскія, подле слялібаў іхных, у зямлі дзяржаньня іхнага, Ён Ісаў, ацец Едомічаў.

 

князь Магдыэль, князь Ірам. Гэта князі Эдома, якія жывуць на зямлі валадарства свайго. І менавіта Эзаў — бацька ідумейцаў.