Быццё 10 разьдзел
Быццё
Пераклад Яна Станкевіча → Пераклад а. Сяргея Сурыновіча
І во роды сыноў Ноевых: Сэма, Хама а Яфэта. І нарадзіліся ў іх дзеці просьле патопы.
Гэта ж радавод сыноў Ноя:1 Сэ́ма, Ха́ма, Яфе́та. І нарадзіліся ў іх сыны пасля патопу.
Сынове Яфэтавы: Ґомер а Маґоґ а Мадай а Яван а Фувал а Мешэх а Фірас.
Сыны Яфе́та: Гаме́р, Магог, Мадэ́й, Ява́н, Элі́са, Табе́ль, Масох і Тыр.
І сыны Ґомеравы: Аскеназ а Рыфат а Фоґарма.
І сыны Гаме́ра: Асхана́з, Рыфа́т і Тарга́ма.
І сыны Явановы: Еліса а Фарыс, Кітым а Доданім.
І сыны Ява́на: Элі́са, Тарс, кітыя́не і радыя́не.
Ад гэтых апрычыліся абтокі народаў у землях іхных, кажны подле мовы свае і подле плямёнах сваіх, у народах сваіх.
З гэтых папаўставалі купкі народаў на зямлі іхняй, кожны паводле мовы племені свайго і свайго народа.
І сыны Хамавы: Куш а Міцраім а Фут а Канаан.
Сыны Ха́ма: Хус і Месраі́м, Фуд і Ханаа́н.
І сынове Кушавы: Сэва а Гавіла а Саўга а Рама а Саўтэха. І сыны Рамавы: Шэва а Дэдан.
Сыны Ху́са: Са́ба, Эві́ла, Саба́та, Рэ́гма і Сабака́та. Сыны Рэ́гмы: Са́ба і Дада́н.
І Куш нарадзіў Німрода: гэты пачаў быць дужасілам на зямлі.
Хус жа нарадзіў Няброда. Гэты пачаў асілкаў на зямлі.
Ён быў дужы паляўнічы перад відам СПАДАРОВЫМ; затым кажуць: «Дужы паляўнічы, як Німрод перад відам СПАДАРОВЫМ».
Быў гэты асілкам і паляўнічым перад абліччам2 Госпада Бога. Таму кажуць: як асілак Няброд, паляўнічы перад Госпадам.
І быў пачатак гаспадарства ягонага: Бабілён а Эрэх а Аккад а Халне, у зямлі Шынар.
Месцам валадарства яго быў Бабілон, Арэ́х, Арха́д і Хала́нна ў зямлі Сеннаа́р.
З тае зямлі вышаў Асур, і збудаваў Ніневу, і места Рэговоф, Калаг,
З той зямлі выйшаў Асу́р і спарудзіў Ніневі́ю, места Раабот, і Хала́х,
І Рэсэн памеж Ніневы й Калагі; гэта тое места вялікае.
і Дасе́м паміж Ніневі́яй і Хала́хам — велізарнае места.
І Міцраім нарадзіў Лудымы а Анамімы а Легавімы а Нафтугімы
Месраі́м нарадзіў лудыімля́наў, энеметыімля́наў, лабіімля́наў, нефталіімля́наў,
А Патрусымы а Каслугімы, адкуль вышлі Пілішчане, а Кафторымы.
патрасаніімля́наў, хасланіімля́наў, адкуль выйшлі філістыімля́не і кафтарымля́не.
І Канаан нарадзіў Сыдона, першароднага свайго, а Гэта
Ханаа́н жа нарадзіў першароднага сідонца і хетэ́я,
А Евусэя а Аморэя а Ґерґесэя
явусе́я, амарэ́я, гергесе́я,
А Гівея а Арка а Сыня
эве́я, аруке́я, асянне́я,
А Арвада а Цэмара а Гамафа. А потым пашырыліся плямёны Канаанавы.
арадыя́ніна, самарэ́я і аматыя́ніна. Пасля гэтага рассеяліся плямёны ханане́яў.
І была граніца Канаана ад Сыдону, ідучы на Ґерар, аж да Ґазы, ідучы на Содому, Ґомору, Адму а Цэвуім аж да Ляшы.
І былі межы ханане́яў ад Сідона да брамаў Ге́рары і Га́зы, да брамаў Садома і Гаморы, Адамы́ і Себаі́ма, ажно да Ла́сы.
Гэта сынове Хамавы, подле плямёнаў сваіх, подле моваў сваіх, па краёх сваіх і на родах сваіх.
Гэта сыны Ха́ма паводле плямёнаў сваіх, паводле моваў сваіх, у краінах сваіх і сваіх народах.
І Сэм — у яго таксама нарадзіліся дзеці, ён быў ацец усіх сыноў Гэверавых і старшы брат Яфэтаў.
І Сэ́му нарадзіліся, і яму, бацьку ўсіх сыноў Э́бера, брату старэйшага ад яго Яфе́та.
Сынове Сэмавы: Елам а Асур а Арпаксад а Луд а Арам.
Сыны Сэ́ма: Эла́м, Асу́р, Арфакса́д, Луд, Ара́м і Каіна́н.
А сыны Арамовы: Уц а Гул а Ґефера а Маш.
Сыны Ара́ма: Ос, Вул, Гатэ́р і Масох.
І Арпаксад нарадзіў Шалага, Шалаг нарадзіў Эвера.
Арфакса́д нарадзіў Каіна́на, Каіна́н нарадзіў Салу́, Сала́ нарадзіў Э́бера.
У Эвера нарадзіліся два сыны; імя аднаго Фалек, бо за дзён ягоных зямля была падзелена, і імя брата Ягонага Ёктан.
І было ў Э́бера два сыны: імя аднаго Фа́лек, бо ў час яго жыцця падзялілася краіна, а імя яго брата Якта́н.
І Ёктан нарадзіў Алмодана а Шалефа а Хацармавефа а Ераха
Якта́н нарадзіў Элмада́да, Сале́фа, Асармота, Яра́ха,
А Гадорама а Узала а Дыклу
Адару́, Язэ́ла, Дэ́клу,
А Овала а Авімеля а Шэву
Абімеэ́ля, Сабе́ва,
А Офіра а Гавілу а Ёвава; усі гэта сынове Ёктановы.
Уфі́ра, Эві́лу і Ява́ба. Усе яны сыны Якта́на.
І былі сялібы іхныя ад Мешы, ідучы на Сэфар, гару ўсходнюю.
І насяляліся яны ад Ма́сы да брамаў Сафэ́ры, гары на ўсходзе.
Гэта сынове Сэмавы, подле плямёнаў сваіх, подле моваў сваіх, па краёх сваіх, у народах сваіх.
Гэта сыны Сэ́ма паводле плямёнаў сваіх, паводле моваў сваіх, у краінах сваіх і сваіх народах.
Гэта плямёны сыноў Ноевых, подле радзімаў сваіх, і ў народах сваіх. Ад іх пашырыліся народы па зямлі па патопе.
Гэта нашчадкі сыноў Ноя паводле радаводаў іх, паводле іх народаў. Ад гэтых паходзяць купкі народаў пасля патопу на зямлі.
