Марка 13 разьдзел
Паводле Марка Сьвятое Дабравесьце
Пераклад П. Татарыновіча → Пераклад Л. Гарошка
І як выйходзіў з сьвятыні, сказаў яму адзін з ягоных вучняў: Вучыцелю. паглядзі, якія каменні й што за будынкі!
адсутнічае
Езус ў адказ гавора яму: Бачыш усе гэтыя вялікія будынкі? Не астанецца камень на камені, які-б ня быў разбураны.
адсутнічае
І калі сядзеў на гарэ Аліўнай насупраць сьвятыні, спыталіся ў яго на адзіне Пётр, і Я-куб, і Ян, і Андрэй:
адсутнічае
Скажы нам, калі гэта станецца ды які знак будзе, як гэта ўсё пачне здзейсьнівацца?
адсутнічае
І адказваючы Езус пачаў ім гаварыць: Глядзеце, каб вас хто ня звёў.
адсутнічае
Многія бо прыйдуць у імя маё, кажучы, што гэта я, і многіх звядуць.
адсутнічае
Калі-ж пачуеце аб войнах і ваенных клічах, ня бойцеся, бо трэба, каб гэта сталася, адыж яшчэ не канец.
адсутнічае
Бо паўстане народ на народ і гаспадарства на гаспадарства; ды будуць мясцамі землятрасенні й галады. Гэта пачатак злыбядаў.
адсутнічае
А вы глядзеце самы сябе. Бо аддавацімуць вас у суды, і біцімуць у бажніцах, ды будзеце станавіцца перад начальнікамі й каралямі дзеля мяне, на пасьветчанне ім.
адсутнічае
І трэба, каб перш была ў ва ўсіх народаў абвяшчаная эванэлія.
адсутнічае
Калі-ж вясьцімуць вас, каб выдаць, не клапацецеся наперад, што маеце гаварыць; але што будзе вам дадзена ў гэну часіну. тое гаварэце. Бо ня вы тые, што гаворыце, але Дух Святы.
адсутнічае
І выдасьць брат брата на сьмерць, і бацька сына, і паўстануць дзеці на бацькоў ды сьмерць ім зробяць.
адсутнічае
І будзеце ў ненавісьці ў ва ўсіх дзеля імяні майго. А хто вытрывае да канца, той будзе збаўлены.
адсутнічае
Калі-ж угледзіце агіду спусташэння, стаячую там, дзе ня сьлед — хто чытае, хай разумее — тады каторыя ў Юдэі, няхай уцякаюць у горы;
адсутнічае
а каторы на даху, хай ня зыходзіць у дом ды не ўвайходзіць, каб узяць што з дому свайго;
адсутнічае
а каторы будзе на полі, хай не варочаецца назад узяць адзежу сваю.
адсутнічае
Гора цяжарным і кормячым у гэныя дні!
адсутнічае
Малецеся-ж, каб ня здарылася (гэта) зімою.
адсутнічае
Бо тыя дні будуць такім прыгнобленнем, якога ня было ад пачатку стварэння, што стварыў Бог, аж дагэтуль, і ня будзе.
адсутнічае
І калі-б Госпад не скараціў дзён, ня збавілася-б ніводнае цела; але дзеля выбраных, якіх выбраў, скараціў гэныя дні.
адсутнічае
І тады, калі-б вам хто сказаў: Вось тут Хрыстус, вось там — ня верце.
адсутнічае
Бо паўстануць хвальшывыя хрыстусы й хвальшывыя прарокі ды будуць паказваць знакі й дзівы, каб звясьці, калі магчыма, навет выбраных.
адсутнічае
Вы-ж глядзеце, вось я сказаў вам усё наперад.
адсутнічае
Але ў тыя дні пасьля гэнага прыгноблення сонца зацьміцца, і месяц ня дасьць свае яснасьці,
У тыя дні пасьля гэнае бяды, сонца зацьміцца і месяц ня дасьць свайго блязску.
і зоры нябесныя падацімуць, і сілы нябесныя зрушацца.
Ім зоркі будуць падаць з неба, і нябесныя сілы зрушацца.
Тады ўгледзяць Сына чалавечага, прыходзячага ў ваблоках, з вялікай сілай і славай.
І тады ўбачаць Сына Чалавечага, ідучы на хмарах з вялікаю сілаю і славою.
І тады пашле сваіх анелаў і збярэ сваіх выбраных ад чатырох вятроў, ад краю зямлі аж да краю неба.
І тады пашле Сваіх анёлаў і зьбяре Сваіх выбраных ад чатырох вятроў ад краю зямлі і аж да краю неба.
А ад смаковіцы вазмеце прыклад: калі ўжо галіна яе зробіцца мяккай і пускае лісьце, пазнаеце, што блізка лета.
Вазьмеце прыклад ад фігавага дрэва: калі яго гальлё ўжо мякчае і пускае лісьце, то ведаеце, што блізка лета.
Гэтак і вы, калі ўгледзіце, што гэта дзеецца, ведайце, што блізка ёсьць, у дзвярах.
Гэтак і вы: калі ўглядзіце, што гэта збываецца, ведайце, што блізка ля дзявярэй.
Сапраўды кажу вам, не праміне гэты род, як усё гэтае станецца.
Сапроўды кажу вам: не праміне гэты род, як усё гэтае станецца.
Неба й зямля прамінуць, але словы мае не прамінуць.
Неба і зямля прамінуць, а Мае словы не прамінуць.
Аб дні-ж тым ніхто ня ведае, ані анелы ў небе, ані Сын, толькі Айцец.
Аб тым дні і гадзіне ніхто ня ведае; ні анёлы ў небе, ані Сын Чалавечы, а толькі Айцец".
Глядзеце, не драмеце й малецеся, бо ня ведаеце, калі час прыдзе.
адсутнічае
Як чалавек, што ад’яжджаючы аставіў свой дом і даў слугам сваім ўладу ў кожнай справе ды загадаў прыдзверніку, каб быў чуткім.
адсутнічае
Дык чуткімі будзьце, ня ведаеце бо, калі гаспадар дому прыйдзе: увечар, ці сярод ночы, ці ў пеўні, ці нараніцы:
адсутнічае
каб прыйшоўшы неўспадзеўкі, не застаў сплючы вас.
адсутнічае
А што вам кажу, ўсім кажу: Ня сьпеце.
адсутнічае
